(Unicode)
"ကဲပါ....ထားပါတော့"
ခဏကြာတော့ မမသွယ်က ချက်ပြုတ်ပြီးတော့ ကျွန်မတို့နားလာထိုင်ပြီး စကားစမြည်ပြောဖြစ်ကြတယ်။မမကတကယ်သဘောကောင်းတယ်။ဂျူဂျူက ကျွန်မ နှလုံးရောဂါရှိတဲ့အကြောင်း မမသွယ်ကိုပြောပြထားတယ်ထင်တယ်။မမသွယ်က ကျွန်မကို ညီမလေးတစ်ယောက်လို ဂရုတစိုက်ရှင်းပြနေတယ်။မမသွယ်က တကယ်ချစ်ဖို့ကောင်းတာပဲ။ခဏကြာမှာ "ကဲ...ကဲ..ကလေးတွေ နေ့လည်စာစားချိန်ရောက်ပြီ ထမင်းစားကြမယ်လေ"
"ဟုတ်ကဲ့ပါ မမ"
ကျွန်မတို့တွေ ထမင်းစားခန်းထဲကို၀င်လာလိုက်တယ်။မမသွယ်ချက်ထားတဲ့ဟင်းတွေမှစုံလို့။ကြည့်ရတာ ဂျူဂျူက ကျွန်မတို့အကြိုက်တွေပြောပြထားတယ်ထင်တယ်။ဟင်းပွဲတွေအကုန်လုံးက ကျွန်မတို့ သူငယ်ချင်းတွေအကြိုက်တွေပဲ။
"ကလေးမတွေ....ကိုယ့်အိမ်ကိုယ့်ရာလိုသဘောထားစားနော်။မမက အခုမှပြန်ချက်တာဆိုတော့ အရသာက ဘယ်လိုနေမယ်မသိဘူး။ကျွေးချင်လွန်းလို့သာ ချက်ထားတာ"
"ရပါတယ်...မမရယ် ဒီလိုမျိုးဟင်းတွေစုံအောင် ချက်တတ်နေတာနဲ့တင် နန္ဒာတို့အတွက်အဆင်ပြေပါတယ်"
"ဟုတ်ပါပြီကွယ်......ကဲ..ကဲ...စားကြလေ"
ကျွန်မကတော့ ထမင်းစားခန်းထဲမှာ အသံတိတ်ဆုံးဖြစ်နေပြီထင်တယ်။ကျွန်မဆိုသည်မှာလဲ ရှက်ရင်ဘာစကားမှ မပြောတော့ဘဲ ငြိမ်ကုတ်နေတာလေ။ဒါကိုသူငယ်ချင်းနှစ်ယောက်ကတော့သတိထားမိကျတယ်ထင်တယ်။ဒါနဲ့ ကျွန်မကဘာလို့ရှက်နေရတာလဲ။မမသွယ်ကိုကြွေမိသွားတာလား။အို......တော်စမ်းပါ ငါ့မှာလဲပိုင်ရှင်ရှိတာပဲ။
"စု....ဘာဖြစ်လို့လဲ စားမကောင်းလို့လား"
"မဟုတ်ပါဘူး မမသွယ်ရယ် စားလို့ကောင်းပါတယ်"
"မေးမနေနဲ့ မမ သူကရှက်ရင် အလိုလိုငြိမ်ကျသွားတာ"
"ကဲပါ...ကလေးမရယ် မမကိုမင်းအစ်မလိုသဘောထား ရှက်မနေနဲ့ ကြားတယ်နော်"
"ဟုတ်ကဲ့ပါ...မမသွယ်"
ထမင်းစားပြီးတော့ မမက ကျွန်မတို့ကိုအချိုပွဲချပေးတယ်။
YOU ARE READING
ကျွန်မချစ်သော မမဆရာ၀န် (U+Z) (Complete)
Romanceမင်းတို့ကို ပြန်မချစ်ရင်နေပါစေ တို့ မင်းပျော်အောင် ထားပေးရတာနဲ့တင် ကျေနပ်ပါတယ် ကလေးမရယ်။ မင္းတို႔ကို ျပန္မခ်စ္ရင္ေနပါေစ တို႔ မင္းေပ်ာ္ေအာင္ ထားေပးရတာနဲ႔တင္ ေက်နပ္ပါတယ္ ကေလးမရယ္။
