رنة
رنتين
ثلاثه
: شسالفه؟
: ركزي بملامح الشخص الي برسله لك
: تم ارسال مقطع فيديو
: شكله مو غريب علي ! وضحي اللوحه وارسليها
غمضت عيونها سوار بقوه تحاول تستوعب شي
ذا الولد نفسه حفيد الشايب بس شيسوي بالشاحنه ذي؟
سوت زوم للفيديو اكثر ناويه تشوف اشكال الاشخاص الي ركبو قدام وبنفس الوقت كانت تبي تحدد من اي طريق اتجهو وبخصوص اللوحه كانت مغبره ومو باين منها شي
ارسلت ل صحبتها
سوار : تعرفينهم؟ قد جو من قبل
داليا : ما اتوقع اني قد شفتهم مع بعض بس الاصلع ذا قد جا من قبل شفته يتردد على عامل البقاله اتوقع انه صاحبه او شي من ذا القبيل
قفلت الجوال وطلعت من غرفتي الا بوجهي جنان
وهي ماسكه الكوب وتمشي على اطراف رجولها على امل انها ما تكب القهوه رفعت انظارها لي وابتسمت والواضح انها مروقه وذي مدت لي الكوب اخذته تحت ذهولي
من متى ذي تسوي خير بدون مقابل
رفعت حاجب من استوعبت الموضوع
وان وراها طلب قلت بدون ما افكر : لا
اما جنان احبطت من الرفض وقالت ب اندفاعيه : ما قلت شي وتقابليني بالرفض
سوار قالت بقلة صبر : طيب اخلصي يا مصلحجيه شتبين
جنان عطتني نظره بريئه وقالت وهي توريني جوالها
: شوفي فستان الهبه والله يجنن جيبيه لي هديه! تكفين
ضحكت هنا : ومن متى الهديه تطلب
جوان : الشرهه علي انا الي اقولك شي
راحت ل غرفتها وقفلت الباب بقوة دليل على عصبيتها
قلك يعنني زعلت وكذا
سمعت صوت صراخ ولدي من الدور السفلي وركضت له ويدي على قلبي رفعته من الارض والواضح انه طاح من الكنب
حضنته لي وكان فاتح فمه يصيح تحسست جبهته
جتني امي تسال وش صار سحبته مني وسدحته على الارض تشوف الالم وين وبنفس الوقت كانت تحاول تهديه
وانا دقيت على جهاد يجي ياخذه
والي جا طيران وتوجهنا للمستشفى
ووقتها تفكيري كله راح ل وتد ناسيه السالفه الاساسية الي خرجت من غرفتي عشانها
قالي جهاد بعد ما حس ب وتد قفل صافرات الانذار حقته وهجد
: بسيطة خوفتوني احسبه صار بين الموت والحياه
ضربته على راسه وانا متوتره خايفه يجيه شي : لا تتفاول عليه ياحيوان
سكت جهاد واول ما وصلنا للمستشفى لف لي وقال : ترا تعاملهم من سيئ ل اسوء لا تكبرين الموضوع
