وصلت لمسراج الي جالس فوق الكبوت حق سيارته والواضح الهم ماكل راسه سلمت من بعيد وتراجعت بخفة بعد ما شفته طب من الكبوت وشوي يوصلني
: هذاني جيت ! وش بغيت
قالي اركب بالسيارة ويعلمني وش يبغى فيني لكن وش يمنعه يقوله وحنا برا؟ ابدا يخوان تكتفت بعناد و طقت براسي ما اسمع هرجه الا وانا بمكاني يكفي اني داقها مسافه عشان اقابل رقعة وجهه بالنهاية يتشرط مابقى الا هو اصلا يحصله شخص بوسامتي يلاحق وراه؟مايلاق...
ما امداني اكمل الا وهو جارني من التيشرت بقلة صبر ! والصدق انصدمت حركته غير متوقعه اقيمها تسعه من عشره عشان الحنكه
: روق المنقا اهدا من كذا يالطيب وش قالو لك !
هبدت كل الردود الي براسي بدون مقدمات وخليته يتوهق ما يدري يرد على مين ويخلي مين بس بالنهاية كسر توقعاتي وما تعب نفسه ورد بل سكر الابواب ومشى بطريقة طبيت من قدام لورا عشان احسسه بأنه سواق ويمكن بأي لحظه يوقف بنص الطريق ويجدعني برا السيارة وذي كانت الخطة بس ما عطاني وجه اكتفى بنظراته الي كانه يقول وش ذا المهبول ! انسدحت ورا بإستسلام
: وين رايحين طيب ؟ تكفى اذا بتخطفني ودني المالديف
: تدري؟ الغلط علي لاني وافقت من البداية
قالها وهو قارفه عيشته مني ! احسن
يعني بالقوة يتكلم واذا تكلم اعجز افهمه : مافهمت ؟ شدخلني بالضبط؟
قال بأسى : انت تدري انا مين؟
مدري ليه مغتر بنفسه للدرجة ذي يحسب نفسه مشهور ياحليله ذا لا يدري معاملة زي السواق الخاص
نطق بكل بساطة : انا مسراج !
احلف لا بالله تو ادري؟ ما اقولكم انه ماخذ مقلب بنفسه
شويات كذا الا كمل كلامه ومسترجع احداث قديمة قاعد يسردها لي
و ذي ثاني مره اسمع السالفة بس هالمرة سمعتها بشكل واضح
لان المرات الي فاتت كنت اسمعها لاني اتلقف وبعض الاحيان بالصدفة بس ما كنت فاهم زين والحين توضح لي الموضوع
طلع ذا نفسة صديق ابوي من فترة طفولتة كانت تجمعهم صور وهم صغار .. كيف ما عرفته؟
رفعت عيوني للمراية الي تعكس وجهه
تغير بس ليش انا مستغرب ؟ اكيد الواحد مع مرور الزمن بيتغير
الي اعرفة ان صارت مشكلة هزت الثقة بينهم وخربت علاقتهم الي حتى عماني ما كانو متوقعين ان بيكون بينهم هالبعد.. كان شي غريب بالنسبة لهم حتى بعد مرور الوقت لازالو يذكرون اسمه تحت استغرابي.. من ذا؟ والغريب انهم ما ينطقون اسمة الاولي بل اسم ابوه " زي ولد فلان " والحقد يبان بنبرة صوتهم واللي كان واضح جدا ولا فكروا يخبونه بالعكس كأنهم يبغونها تطلع بطريقة ثانية بشماته اكثر
أبوي لما يسمعهم كان يحاول يبين ان الموضوع ولا هامه حركاته تصرفاته بالوقت نفسة تعكس ذا الشي ! ارتباكه كان واضح وضوح الشمس بس سؤالي الوحيد هل أبوي يبي يفتح صفحة جديدة مع مسراج لأن من الغريب جدا انه موضفه ! أبوي والثقة اثنان لا يجتمعان حتى وانا ولده ما وثق فيني ليش بيوثق بمسراج للمرة الثانيه بعد ما خيب توقعاته فيه وهذا الشي يبين مكانة مسراج عند أبوي و يثبت انها محفوظة مهما حصل ،
قررت اسمع لمسراج الي من اليوم يرطن
