كل منا اخذ علوم الثاني والحين نحتاج نخرج سالمين وبس !
قعدت انا لاني مرهق ولا لي خلق افكر
قبل لاني كنت وحيد فالجهد كله كان علي
لكن حاليا بعتمد عليهم بكل شي
جاني شعور راحه صحيح اني بمكان مشبوه وماني فاهم مين المختل الي حطني هنا وراح ولكن دامني ماني لوحدي ف اهون
لاحظت ان تيام شخص ما يحب مضيعة الوقت من عادته ويبي يفتك باسرع طريقه وحتى تفكيره احيانا يصير عشوائي اهم شي يخلص مع ذلك بعض الاحيان فعلا يتمم عمله بالرغم من الفوضويه
غريب انا لو شفت شي مب بمكانه اتنح ومعرف اتصرف
-
جهاد تصنم مكانه من سمع صوت انذار
ولف عليهم بخرشه
: وش السالفه يخوان !
بسام اشر على الشاشه الي كانت فوق بالبداية كانت سوداء دليل على انها مطفيه ولكن الان صارت تأشر
توسطت تلك الشاشة كلمة استعد ولحقتها اعداد سريعه
بسام رفع صوته ينبه الكل : كل واحد فيكم يركز على الرقم الي تحته
بكل مربع فيه رقم خلو تركيزكم مع الشاشه ! اذا جا رقمك ف غير مكانك باسرع وقت قبل ما ينفتح المربع الي واقفين عليه وتطيحون
كلهم تصنمو باماكنهم منخرشين ! وش بيصير لو طاحو فعلا وهل يقدرون يرجعون مره ثانيه
اخذو نفس من سمعو الصوت يصير ابطئ دليل على انه بيوقف على رقم وجا 3
سمعو صوت قوي وفعلا مربع رقم ثلاثه سحبه شي لباطن الارض
كلهم التفتو لبعض يتطمنون ولحسن الحظ ما كان رقم احد فيهم
تيام تحرك من مكانه كانت نيته يكون اقرب ل ملهم بس الي ما كان يدري عنه ان بسبب حركته ذي كان بينهي عمره لان المربع حقه والي جنبه انسحب بسبب حركته المفترض يكون ثابت بدون حركة ولولا ردة فعله السريعه كان ودع الملاعب
بسام صارخ على تيام : اثبتت مكانك ياغبي يرحم لي امكم لحد يتحرك الكلام للجميع تخيل لو احد جنبك ممكن ياكل تبن بسبب تسرعك اثبتو
تيام بلع ريقه كان بيروح فيها فعلا ! بس تجاهل كل شي المهم انه قريب من ملهم ومايفرق بينهم الا مربع واحد وصار خلفه تماما
رجع نفس الصوت والكل كانت منتبه للرقم الي بيطلع
وثبت اخيرا على رقم 5
رقم مين؟ جهاد
ردة فعله كانت سريعة ونط للمربع الي قدامه ولف ورا وتسارع نبضاته ما وقفت !
: يلعن ابو الرعب ياشيخ
بسام : جاك شي ؟
نفى جهاد وهو يحمد ربه ان ما جاه شي
: اسالك بالله الحين ذي لعبة ناس بايعه ارواحها لان مستحيل شخص واعي يرمي نفسه هنا
رجعت الارقام الكثيره ورا بعضها بشكل سريع لين وقفت علو رقم معين 7
لسبب ما ملهم من التوتر كان قبل ما تعلن الشاشه عن الرقم
قعد يخطط لو طلع رقمه كيف بيتصرف و وين بيقفز بالضبط بس ما لقي نفسه الا وهو منفذ تفكيره بدون اي ادراك منه ! وقبل ما يطلع رقمه من الاساس الخوف هنا كان سيد الموقف
