كنا ماسكين بسام الي كان ناوي يدخل بالعمالقة الي قدامنا لوحدة
بايع عمره بريال ذا المشكله بالطقاق ما فرقت معي لو يهرسونه قدام عيني ماطقيت له خبر بس ذا بيودينا بداهيه ثلاثتنا
لانه مربوش وفضيحة لو سمعو خربشة بالمكان بيقفطونا وحنا بالقوة متخبين مافي شي حولنا غير كراتين واكياس متقطعه ومغبره
وبسبب المطر والهبوب الكراتين صارت اخف وتطير
لذلك تراجعنا ببطء بعد ما هبدنا بسام وفهمناه ان مصيره ميت لو مسكوه
قدرنا لحسن حظنا نبعد وانا كنت ناوي اشيك على الحمار الي هبدته وكسرت الجهاز على راسه بس جهاد هادم اللذات هبدني وغصبني امشي بقوة ياخي ماله داعي دايم يحب يبعص علي جوي
وقفنا عند سياراتنا الي كانت قريبة من بعض
ونطق بسام : نخلي سيارة لهم ؟
جهاد : اصفقك على راسك ؟ اول شي هم انمسكو ثاني شي السياره بتنسحب وما ندري وش يسوون فيها وبلقم مخالفات قد شعر راسي
بسام بحزن : بس خلاص بنتركهم كذا..مأنبني ضميري
جهاد نزل انظاره للاسفل وقال : بنشوف وش بنسوي مو حنا الي نستسلم لهم
ركبت سيارة ابو بدلة وهم ركبو سيارة جهاد ولحقوني
وقعدت افحط قدامهم اوريهم شوي من مهاراتي المدفونه
وهم يدقدقون وراي بواري
شغلت المسجل من باب اللقافه ناوي اشوف ذوق مسراج
واتاكد هل يستحق يكون جزء منا او بكرشه لو صرت القائد
تحسبون بهتم لقوته البدنية او تخطيطة السليم او سرعتة او تكتمه لا طبعا
ياغايبة وشلون بعدي قويتيه
وشلون قلبك طاوعك تهجريني!
وين الوعود ووين ذاك اليمينِ
سكرت المسجل يخوان جتني موجة حزن وانا مالي دخل
بنص الطريق تخيلو مين شفت الرجل المقنع اقصد ابو بدلة دقيت له بوري وهو بدوره رفع انظاره لي لعله عصب ابتسمت بوجهه بسذاجه وقلت بنبرة اقرب للطقطقة
: ها سطرك ولا سطرته
مسراج : جايك الدور اعلمك مين سطر الثاني !
رميت المفتاح بوجهه واخذه مني قلت قبل ما اروح : بروح مع اخوياي ومريت المقر بطريقي ما يحتاج نروح له
سحب على ام كلامي وقال : السيارة جاها شي؟
قلت بسرعة : لا وين عاين عاين ما جاها شي
تذكرت الاغنية الصدق مدري هو سمعها حبا للمغني ولا لانها تمثله
بس مليون مره اقول الاحتياط واجب : ياصديق الحب والله ما زين
ناظر فيني ب استغراب وبعدها فهم ! ضحكت هنا على تغير ملامح وجهه
قاطعني صوت بوري صادر من جهاد اللي صبره طق
ركبت معهم تارك مسراج خلفي وشكله لعني ولعن لقافتي مليون مره
خذ راحتك يابو حب انت
