بعد ما طفيت الأنوار وصار المكان مظلم بشكل خفيف لأن فيه اقسام لازال النور فيها شغال بعدت بشوي ولأول مره احس بالخوف يرجع لي من جديد بعد ما ضعت بالمكان ! ذا اغبى شي سويته صح يمديني اتنقل مثل ما ابي بس مين لاعب علي وقال لي اني حافظ كل شبر بذا المكان كنت متطمن لأني قريب من المكان المتواجد بداخلة الزنزانات يعني قريب من ملهم وفجأة اسمع اصوات صراخ اطفال وركض مستمر من اشخاص عجزت المح ملامحهم من كثر ما اطيح وارجع اقوم
وبكل مره يدفعني شخص بهمجية لين استقمت لأخر مره بدون حركة بسبب الشخص الي مسك كتفي ولفني عليه وما كان غير زياد !
: انت هنا اخيرا لقيتك ! صار خلل و فوضى نبي نسيطر عليهم قبل ما ينقلب كل شي فوق راسنا
عطاني سلاح وقالي استخدمه اذا احتاج الأمر وأول ما مسكته بيدي ما أعرف وش قوة القلب الي جتني لكن مستحيل اضيع حياة طفل بهالمكان رفعت المسدس عليه واطلقت بغفلة منه شكله وهو يطيح على الأرض وعيونه علي بحدة كان ماسك المكان الي اطلقت عليه
ودخلت الرصاصة على قلبة تحديدا كان ماسكه بيدي ساد على الدم الي ينزف
" ياخاين !! الله يلعنك ياشاذ "
صحيح ان قلبي دق طبول من منظر الدم وصوت الرصاص الي رن بإذني لكن كلامه بذا الأسلوب المستفز عني ! زادني غضب
على الاقل انا ما استهدف اللي اصغر مني سنا مثل ما هم يسوون
بعد طلقتي ! كل الزنزانات انفتحت ومنظر الأطفال بعددهم الكبير متوجهين نحو المخرج وكل شخص فيهم كان بيده شيء يدافع عن نفسه فيه لدرجة ان اغلبهم كانو يحملون مفكات واشياء غير متوقعة على امل يساعدهم ولو قليل
رجال العصابة عددهم كان اقل بدأو يتراجعون يسدون المخارج لان بالنسبة لهم ذي احسن فكرة بالوقت الحالي منها يمنعون خروج الاطفال من ذا المكان بشكل نهائي لين يزيدون عدد ويقدرون يسيطرون عليهم
انا مشيت معاهم داخل بينهم لين وصلنا لغرفة كبيرة جدا !
وفيها كراسي ماخذة شكل دائري ويتوسطة طاولة كبيرة
الاغلبية استحلو اماكنهم وانا جلست بهدوء بدون ما اتفوه بكلمة واصواتهم العالية بدأت تنخفض بدخول شخص واضح له هيبه ومكانة بينهم ما أعرف وش قاعد يصير لكنه مسك واحد من الموجودين من اتباعه وتعرفون وش يعني هشم راسه قدامنا ؟
بلعت ريقي من شفت بقايا راسه تطير بالهوا والمنظر كان مقرف جدا وما قدرت اناظر فيه نزلت راسي وعيوني ثبتت على يدي الي ترجف وانا ادعي داخلي يخلص الموضوع بأسرع وقت ممكن لأني معد صرت استحمل اقعد دقيقة وحدة اضافية بهذا المكان
رفع صوته قائدهم بعد ما انتهى من قصاص ثلاث اشخاص استهترو بعملهم قدام الجميع عشان يكونون عضه وعبره للباقين ..
: أنا ما وضفتكم بمقابل مادي عشان اجي والاقي تسيب! وفاقدين السيطرة على كم طفل.. و المكان صار فوضوي بسببكم والحمير الي هنا " أشر على الثلاث جثث المرمية قدامه " مأمنهم على ثلاث اشخاص وقدرو يتغلبون عليهم !! وبكذا صار احتمالية البلاغ والهجوم اقوى من قبل ، احتاجكم تتقسمون لمجموعات وتسيطرون على المكان بقدر المستطاع حتى واذا احتاج الأمر تهتكون حياة كم شخص لا تترددون .
