ڤوت وكومنت ياحلويني
استمتعوا
-
رجعت لغرفتي وانا شايل هم جهاد الي ما رضى انه يكلمني من الأساس ويتجنب يناظرني دخلت وبيدي صينية فيها اكل و سكرت الباب برجولي بعد ما وزنت نفسي وثبت يدي علشان ما اطيحهم
حطيتهم على المنضدة ووقفت انتظر جهاد يعدل جلسته من على سريري : بتقعد كذا لين متى ؟
جهاد ما رد علي ووجهه لونه قالب واضح انه تعبان
: تبي اجيب لك شي ثاني؟
جهاد هز راسه بـ لا وفعلا بدا ياكل كم لقمه ووقف كانه يبي يسكتني!
طلعت ساحب عليه انا سويت الي علي والباقي راجع له
جاني اتصال من رقم غريب و تقريبا ذي للمره الثالثه رديت وانا قافله معي من حركات جهاد وذا الي ناشب لأهلي مغير يتصل
وصلني صوت ! شهقت بفرحة ونقزت لعند جهاد ابشره ان ملهم بخير وحاليا هو عند ابوه جهاد لمعت عيونه وقام من مكانه
و قال : خلنا نروح له ابي اتطمن عليه
قلت له ينتظر اجيب المفتاح بالدس علشان نقدر نروح
وقبل ما اوصل غرفة الوالد وقف قدامي ولد عمي فيصل
وقال بصوته الناعم : ما ودي اخرب عليك بس البيت كله يدري انك مزبن واحد و مهند قال انك منيمه معك بنفس السرير و صار بينكم اشياء
( اخو فيصل وهو نفسه الي نشب لياسر بالمجلس)
مدري بس جلست اضحك وانا اسمع له بنفس الوقت منغبن من مهند الي يحاول يشوه سمعتي بقدر المستطاع وكل ما سمحت له الفرصه
يبدا ينشر عني كلام .. والغريب اني ما اتذكر وش سويت له! وترك هالحقد ينزرع بداخله ويمنوا معه
قربت من فيصل وبحركه سريعه بست خده : خلك احسن منه
وتراجعت لغرفتي مره ثانيه ولاحظت جهاد ماسك العطر الي اهداني اياه ويتعطر منه وهو مبتسم ما علقت عليه ودقيت على مسراج واحسني ابجح شخص بالحياة وصلني صوته المعصب قعد يسفل فيني وكل الي سويته اني انتظرته يخلص وارسلت له بوسه من بعيد وقلت : تكفى نبي توصيله وانا بمدحك قدام ابوي يوميا لو تبي
قالي كلها دقايق وبيكون تحت وانا داري وهو داري والكل داري انه ما جا حبا فيني ونيته يستلمني تكفيخ .. نزلنا اول ما جا وركبت معه ووراي جهاد ومسراج ما كان يدري بقدوم جهاد اصلا واكبر دليل انه كان بيقولي شي وبعد ما لمح جهاد وراي سكت واستدار موجه
وجهه للأمام : مشكور والله احبك
مسراج ابتسم لي بتسليك لانه يدري ان مصلحجي
كتمت ضحكتي .. بعيدا عن كل شي احس الحياة رجعت لي
-
قالها وعيونه على يده : تدري لو اصنك بالجبس احتمال تودع
بسام قلب عيونه : والله ما ادري كيف مروق بعد الي صار
تيام : هم وانزاح وملهم طلع من المكان سليم ومحد انصاب وتأذى غيري ولله الحمد انا راضي المهم انتم بخير
