-كعدت الصبح بانزعاج على صوت المنبة يعني مارتاح خرب حضي المشخط
كمت باوعت للساعة جانت ساعة ٦ الصبح .
- انعل ابو للي سوة الكلية خرب روحة وين منام .
ضليت ادردم وية نفسي وطبت علية امي مداهمة
اسراء : لج كومي عاد راح اضلين متوثة
- صباح النور
اسراء : كومي لج كومي عاد
- يمة صلي على نبيج انتِ تكعدين قبل ميصيح الديج
اسراء : لتراددين كومي عليمن طالعة بهل فهاوة بس لو اعرف
- كمت كمت اسغفراللة رحت للحمام غسلت وفرشت أسناني ولميت شعري رحت لغرفتي لكيت امي مرتبتها بدلت وحطيت مكياج خفيف فتحت شعري وحطيت عطر حضرت غراضي ونزلت صبحت عليهم
- صباح الخير
علي : صباح العافية حبيبتي
حسين : صباح الورد حبيبتي
- اللة هذا الصباح الحلو مو مثل فد ناس جتى صباح الخير مكالت
ماحس الة اجة براسي بطل المي من امي اباوع عليها متخوصرة وبيدها طاوة البيض بوية مو بيض ضيم حضرت السفرة وكعدنا ناكل اكلت صمونة وشربت حليب صاحت امي علية
اسراء : هاهية هو هذا اكلج باعي وجهج شلون صاير شاحب ياهو الي تشوفج تكول مدة توكلوها آكلي امي موزين انتِ كلية امي اخر سنة يحتاجلج تغذية
- حبيبتي واللة ماشتهي تلعب نفسي هناك عود اكل
علي : يلة بوية كومي اوصلج
- أخذت جنطتي وبوست امي وطلعت حسين راح للدوام وبابا وصلني للكلية وانطاني مصروف دخلت للكلية ضلينا شوية
وصلت للقاعة لكيتهم طابين وجاية دكتورة عليهم فتحت الباب ومديت راسي وكلت
- صباح الخير دكتورة تستقبليني كالت بضحكة :
الدكتور: صباح العوافي حبيبتي تفضلي
- دخلت كعدت وبدت تشرح واني وياهة وياهة إلى ان خلصت بعد نص ساعة لان ماعدنا شي مهم وكالت راح اخذ حضور بدت تأخذ الحضور إلى ان وصلت اسمي وصاحت :
: نبأ علي محمد
نبأ: نعم دكتورة موجودة. أخذت بقية القاعة وشوية جان عدنا امتحان راجعت شوية وية صديقاتي إلى ان صاحت مريم
مريم : خرب والقران تعبت مو وضعية هاي
نبأ: انتِ يا يوم متعبانة مشفتج وشفتيني وصحتي ضهري ومفاصلي ترة بعدج بزهرة شبابج
