اباوع علية وجهة صار اصفر وطلع يصيح عالولد ويكول :
- استعجلوا كبسة كبسة
طلعوا كلهم يركضون واني ممفتهمة شكو اجة فتح الحبل من علية ضربتة وردت انهزم بس اجوي ٤ جفتوني وهو يتوعد صمو حلكي وطلعوني خلوني بسيارة وطلعوا بية من المكان وطول الطريق هذا
الي ضربتة يخزر بية إلى ان وصلنا لبيت ثاني ونزلوني ادفع طبيت للبيت ردت اسايرهم شوية طبيت كعدت بوحدة من الغرف اجة ديربطني وحجيت وياه اتمسكن :
نبأ: بداعت عزيز كلبت عوف الحبل واللة ايدي كامت توجعني .. اباوعلة استغفر وشمر الحبل بالكاع ضليت كاعدة وراسي ديوجعني الغرفة وهمة تربعوا وكعدو كبالي بطني كامت تكلب من الجوع وحجيت وياهم :
نبأ: اهمدة حضي انتوا خاطفيني مو اعتبر ضيفة عدكم كلاص مي منطيتيوني هسة اريد شي اكلة من البارحة على لحم بطني
- انتِ مو جنج جارة ميانة ترة احنة عصابة مو حي اللة زلم
نبأ: اهمدة الزلم إذا هيج هسة اريد اكل
- لا اللة الا اللة كوم ملهم طلع فلوس وانطا . كوم جيب مندي صينية على كدها وصينية على كدنا وجيبلنا ببسي
اجة علية الي اسمة ملهم وكال : شتردين ببسي لو لبن
نبأ: لبن
هز راسة وطلع ضليت كاعدة وبعدين كمت رحت وكفت كبالة وكلت :
نبأ: اكو حمام هنا
- اي أكو
نبأ: اريد اروح
كام وياية رحت للحمام احس روحي وسخة تمنيت لو كدرت اسبح طلعت غسلت ايدي ولميت شعري كباية اباوع اكو جرح جبير ركبتي غسلتة بس كام يحركني باوعت علية جان صافن على ركبتي تحمحمت وكلتة:
نبأ: اريد اعقم الجرح راح يضل يحركني
راح شوية واجة بيدة علبة إسعافات فتحتها عقمت الجرح ولفيت ركبتي باوعت ماكو شي بعد سديت العلبة ورجعت اثناء مدا امشي وهو وراية حسيت شي يجكني بحذائي لحد ما اذكرت اني حاطة
سجينة كلت تفيدني بغير وقت رجعنا للغرفة جان ملهم جايب الصواني وريحتهن تشهي كعدت بالكاع وفتح اللبن حطة كبالي همة بدوا يأكلون بعدين اني كمت اضرب بالخمسة نسفت نص الصينية
وهمة خلصوها كلها كال ملهم :
ملهم : اشو مشبعت
- اني هم
- اني هم
نبأ: دخيل اللة صينية كاملة اكلتوا
باوعت الصينية مالتي هواية ضل منها دفعتها كبالهم وكلت :
نبأ: هاكم أكلوها اني شبعت
- لتحاولين تصيرين كريمة ويانة
نبأ: طبك مرض معاجبك لتآكل
اخذوا الصينية أكلوها وشبعوا وكمت غسلت ورجعت كعدت وحجة هذا الغثة :
- اكلتي وشبعتي هاهية هسة اجة الوكت ألي نحجي بي
