نزلت جوة واسمع صوت عمامي وولدهم وهوسة للستار إلى ان سمعت كلام عمي ووكفت بمكاني :
عيسى: لك علي إنتَ تعرف شصار لو لا بنتك شهر مختفية والبارحة يلة رجعت تريد تقنعني جانت مخطوفة راح تجيبلنا العار لو تبقى
علي : لا لهنا وتلزم حدودك لحد هسة محترمك اكول اخوية الصغير بس توصل تشكك بشرف بنتي اكلب عاليها واطيها افتهمت لو لا
محمد : عمي العزيز الغالي ندري تريد اطمطم لبينتك حتى متنفضح بس ولا يهمك إذا تريد اني أتزوجها وأستر عليها
فار دمي وامي اسمع كل واحد يشمر حجاية ويكعد طبيت مثل الصاروخ وكفت كبالهم وكلت بحركة كلب :
نبأ: يعني شهر اني مخطوفة محد كلف نفسة يوكف وية أبوية ويسندة ويساعدة راد يموت وحضرتكم وين جنتوا ها متعرفوا منين يشرب مي تشوفوا ديحترك اذبون علية حطب تبريتوا من بوكت الشدة ومن رجعت هسة اجيتوا تحجون بالشرف والعار شكو واحد يحجي ويشكك بية هو والي برجلي متهموني كد الشعرة ماطول اعرف بنفسي شنو ماحتاج اسمع نباحكم
كلت هيج وزادوا بالعياط إلى ان كال عزيز :
عزيز: يعني فوك عارج تحجين ولسانج بطولج
نبأ: دكل خر*** كوا**** ليش تخليني اطلع القضى والمضى
سكت والبقية ضلوا يحجون إلى ان كلت :
نبأ: يلة اطلعوا برة منتشرف بيكم ادوسون عتبة بيتنا ليش تخلون الدم يوصل للركاب اني كلتلكم
عيسى : شنو تهددينا انتِ بطول النعا*** ذاك اليوم صرتي
نبأ: تؤ تؤ تؤ تؤ تؤ ما اهدد انفذ ويلة شوفوني عرض اجتافكم يلة
طلعوا واني ضليت أفور من العصبية اجة بابا حضني بكل قوتة وكال :
علي : ماعليج منهم بابا اني سبق وان كتلج ماطول انتِ ممسوية شي ميحتاج تخافين .
نبأ: بابا حجيهم يزف بكلبي وين جانوا خلال هذا الشهر هسة تذكروا عندهم بنت اخ جبير وكعدوا يحجون بالحلال والحرام .
اسراء : حسبي اللة عليهم يمة اللة عالضالم
نبأ: ونعم باللة
دخل حسين هستوة من الشغل وشافني هيج شمر غراضة وأجة علية :
حسين : شبيج حبيبتي منو وياج
نبأ: ماكو شي بس ضايجة اريد اطلع
حسين : غالي والطلب رخيص خل اسبح وأبدل ونطلع اني وياج
صعد سبح وبدل واني هم بدلت وطلعنا فرني بالسيارة واشترالي ومن دنمشي صادفتنا نفس الحديقة الي انخطفت منها وجعني كلبي من تذكرت حسيت أيد تمسح على ضهري جان حسين وكال بصوت حنين :
حسين : هاهية بنيتي عدت ان شاء اللة
نبأ: تنهدت بضيق ومشيت على كيف إلى ان وصلنا للسيارة شوية ونزل جاب عشة وفرني شوية ورجعني للبيت طبيت بدلت وكعدت اكل والكل عينهم علية وفرحانين خلصت وكمت فتحت تليفوني هسة
يلة انتبهت على كمية المكالمات والرسائل من صديقاتي وبنات خالاتي دكيت عليهم وحدة وحدة سلمت عليها وسديتة احس ملل مو طبيعي نزلت على أبوية وكتلة :
