شفت المطبخ اضلم وأحس بهوة بارد ضرب وجهي وبنات صغار كبالي لابسين اسود شوية وفزيت من النوم جنت دا احلم باوعت جانت نبعتي نايمة ذابة روحها الساعة ب ٧ المغرب كمت غسلت توضيت ووكفت أصلي خلصت واجيت اتحرش بيها:
ابراهيم : نبعتي نونو حبيبي
نبأ: امممم
ابراهيم : يلة حبيبي كومي مو تردين ترحين لبيت اهلي
نبأ: انكلبت على بطني .. صح اني نعسانة بس عيالي اهم
ابراهيم : ضحكت كومي يلة
نبأ: كعدت اخذتلي صفنة وكمت جان يباوعلي بهيام وحب تقربت بست شفتة واجيت دا اخذ ملابسي وحسيتة ورايا انداريت وانلطخت بصدرة دنك علية وكال بخبث :
ابراهيم : هاي شسويتي هسة
نبأ: بستك منا .. وبست شفتة مرة ثانية
ابراهيم : لج ليش تخليني هسة امرعدج لتلعبين عالوتر الحساس
نبأ: احجي واتمايل واتدلع... صار حبيبي تريد شي راح اروح اسبح
ابراهيم : عض شفتة ... خل اسبح وياج
نبأ: لعبت بشعرة ... مابيك شي شعندك سابح
تقرب مني وحاوط أكتافي :
ابراهيم : خل نأجل روحة اهلي على باجر
حجيت بخفوت وبراءة :
نبأ: مو حبيبي واللة ضايجة ومشتاقة للبنات حباب لتعرضلي
عيونة تتنقل على وجهي وكال :
ابراهيم : زين اخذج بس بشرط
نبأ: حبيبي شروطك كلها اعرفها واعرف شتريد من نرجع تأخذ حقك من هالعين
ابراهيم : صايرين يابة
نبأ: اكدر اروح اسبح هسة
ابتسمت وبست خدها :
ابراهيم : اي روحي بس اذا. تأخرتي اعوفج وأروح
نبأ: لا ماطول .
دخلت سبحت بسرعة وطلعت بدلت وجففت شعري وفتحتة لبست ثوب صيفي يوصل للركبة لونة ليموني خلصت واجيت دا اخلي شوية مكياج خلصت وقفلت الغرفة وطلعت نزلت جان واكف بالمطبخ دياكل ثلج
ابراهيم : يلة امشي تأخرنا
نبأ: اوكف هاي شدتاكل
ابراهيم : ثلج
نبأ: اللة انطيني
انطاني منة وطلعنا وطول الطريق اني وياه نكرط ثلج ونضحك وصلنا بعد عشر دقايق لبيت عيالي حبيت اسويلهم سبرايز مكتلهم اني راح اجي دكيت الباب وطلع مصطفى اول مشافنا طكها بهلهلولة من كل كلبة :
نبأ: هههه شلونك مصطفى
مصطفى : يا لون هذا حال الضيم حالي صار من رحتي محد يحترمني ومحد يسويلي اكل كضيتها اكل مطاعم تقبليها
نبأ: ضحكت ولا واللة ماقبلها زين وين البقية
ابراهيم : اعتقد اني اخوك يعني واكف كدامك
