انصدمت من الشي شفتة وأحس ضجت بس ضليت ساكتة انتضرة
يوضحلي اول مرة اشوفة بهاي العصبية جرها طلعها برة المطعم وصفكها راشديين وهي خلت وراحت دخل وعيونة متمركزة علية
كال :
ابراهيم : شوفي يا بنت الناس راح احجيلج كلشي من هسة حتى متسمعين من غيري وتحز بخاطرج.
نبأ: اسمعك جر حسرة وبدة يسولفلي علاقتة وية هاي البنية حرفيا حبها حب مو طبيعي بس مجان يدري الدنيا شضامتلة يحجي وايدة ترجف وعيونة حمر إلى ان وصل للجزء ألي شافها بي وية واحد
وسكت مكدر يكمل كمت كعدت يمة ومسحت على ايدة وقريت على راسة عسى ولعل يهدء لازم يطلع من هاي القوقعة ويتخطة ضل فترة مدنك رفعت راسة بيدة ودفعني وكعد كدامي وهو يردد :
ابراهيم : لتلزميني ديري بالج كلجن جذابات كلجن تلعبن علية وعلى كلبي شنو الذنب الي ارتكبتة حتى يصير بيه هيج كل الي سويتة حبيت حب صادق وطاهر طفرت دمعة من عينة مسويت شي غلط
نبأ: ابراهيم اسمعني صح انتَ مسويت شي غلط بس اختيارك غلط اني وياك انتَ متشم كفة ايدك بس الحب عم عليك شستفاديت خسرت ابوك بذيج السنتين وأخوك صحتك بالنازل علمود منو وحدة جانت وياك على مصلحة ابراهيم انتَ بعدك تحبها ؟
ابراهيم : اكرها اكرها لو أشوفها كبالي احركها بس لحد هسة مصدوم من الصار
نبأ: شكد صار على هاي السالفة
ابراهيم : ٦ اشهر
نبأ: بهاي حالتك يرادلك وقت طويل يلة تتخطاها كمت لزمت ايدة رفع رأسة يباوعلي وعد انسيلكياهة بس اصبر علية وعوف العصبية على صفحة متفيد تشوفها بشارع روح عالثاني اعتبرها لا شيء الأفكار السلبية الي تجيك وكل الي صار اكتبة باوراق واحركهن يخففن عليك وشوية شوية تنسى
أبراهيم : اللة كريم اروح للمغاسل واجي ناكل
نبأ: ماشي لتتأخر راح واني وعدتة ووعدت نفسي لازم يمحي كلشي يخصها من بالة واني ازرع حبي بداخلة واغيره جذريا
اجة بعد فترة قابلني بابتسامة خفيفة كعد وجر ايدي بأسها وكال :
ابراهيم : اسف لان دفعتج هسة وصيحت عليج بس بوكت العصبية مأشوف كدامي بعد
نبأ: عاذرتك واعرف بضرفك وهسة عوف كل هذا على صفحة اني جوعانة طلعتين بدون ما اتريك ضحك وصاح عالويتر وكال :
ابراهيم : تتغدين لو تتريكين
نبأ: ساعة ب ٤ وكت ريوك طلب هواية اكل وكتلة هاي شدعوة هلكد منو ياكلة كلة
ابراهيم : اني جوعان
نبأ:شوية ووصل الأكل جانت دليمية وصاج وريزو وبيتزا عززا هاي شكد
ابراهيم : يابة دكلي
نبأ: أكلت جنت ميتة جوع خلصنا الأكل كلة صفنت عالمنضر مال الميز وهو يمسح ايدة وكال :
