باوعت جانوا البنات مسويلي حفلة اول مطبيت وية ابراهيم مشفت هيج جانت امي لازمة الكيكة وكلهم يصفكون ويهلهلون كالت رسل :
رسل : عيالج سوولج حفلة تخرجج واحنة اهلج قابل منسويلج
نبأ: حياتي انتِ ماكو داعي واللة
رسل : انجبي وتعاي طفي شموعج
نبأ: ضحكت ورحت طفيت الشموع وصفكنا الأجواء كلش حلوة جانت ترخصت منهم بسرعة صعدت بدلت ونزلت كعدنا ناكل كيك اجة حمودي يمي بيدة قوطية ببسي وكال :
حمودي : أبة أبة
نبأ: ها امي انتَ
حمودي : هاد الببسي
نبأ: تريد افتحة
حمودي : اي
نبأ: موزين عليك حبيبي اشرب عصير بمكانة
حمودي : ما ما اليد ببسي
نبأ: روح اشربة يلة بعد ماحجي وياك
حمودي : لا لا أبة أبة انيني شبت ( انطيني شربت )
نبأ: تدلل تعال ... كمت فتحلتة عصير وانطيتهيا ضلينا كاعدين نسولف وكالت خالتي :
زينة : عيني نباوي مصار عندج شي
نبأ: واللة خالة ماريد هسة أطفال خل تخلص الدورة التعليمية وافتح مختبر وذاك الوكت عود أللة كريم
زينة : ان شاء اللة حبيبتي
مريم : اكلج الزواج حلو
نبأ: حلو إذا وية الشخص الصح
مريم : اللة اريد رجل اريد اتزوج
نبأ: ضحكت عليها وضلينا نسولف ونضحك لل ١٢ بالليل تقريبا خالاتي وأمي كلهم ناموا وبابا عندة شقة صغيرونة يبات بيها كل ما يجون يباتون يمنة يكول حتى يأخذون راحتهم
رسل : اكلج خل نطلع نشتري
نبأ: منين نشتري ثاني شي تأخر الوقت
مريم : دكومي بسرعة من أسواق كعكاية
نبأ: خل اخابر ابراهيم إذا قبل نروح
رسل : ماشي بس استعجلي
نبأ: صعدت بسرعة للغرفة دكيت علية من اول مرة جاوبني ... هلو حبيبي
ابراهيم : هلا يا بعد عافيتي
نبأ: شلونة الوضع يمك
أبراهيم : محلو واللة هاي اول موصلتج ضليت افتر بالسيارة ونعست رجعت دا انام هسة واتصلتي
نبأ: وليش لوقت متأخر راجع
ابراهيم : تردين اكعد بالغرفة لعد وانتِ ماكو بيها غير اموت
نبأ: اسم اللة عليك خاف تعبان وتريد تنام وخابرتك
ابراهيم : كولي عيوني انتِ تردين شي
