نزلت بسرعة وشفت ملاك تبجي ومصطفى صافن عليها :
ابراهيم : خير ليش كل هالهوسة
مصطفى : لك عيني هاي كعدتها تسويلي ريوك البيض ألي تسوي مرات ينجرع شو كامت تبجي واللة شنو ليش كعدتني
ابراهيم : وانتَ شبيك ناقصك أيد ناقصك رجل نغصت عليها نومتها
مصطفى : ردتك عون طلعت فرعون سودي بوجهي
ابراهيم : صعدت ملاك فوك وهو ضل صافن
مصطفى : يومية مرتك تسويلي ريوكي بس خطية هسة نايمة
نبأ: واني نازلة سمعت كلام مصطفى ... ولا يهمك يابة هسة اسويلكم
مصطفى : لك هلا ومية هلا قابل مثل خواتي بس ازوج ابراهيم طلكوا الوضع
نبأ: ضحكت ورحت سويتلهم ريوك اثناء ما الزيت ديحمة حسيت واحد ورايا انداريت جان ابراهيم ابتسم وحاوطني من خصري ... لا ابراهيم مو هيج ليجي مصطفى
ابراهيم : اششش خليني .. ضليت محاوطها واستنشق عطرها وهي تحوص تروح منا وتجي منا
نبأ: ابراهيم راح احترك بالدهن بس روح ليغاد
ابراهيم : رحت كعدت عالكرسي وراقبها شلون تشتغل .. سوت بيض وطماطة وبيض وكباب عروك واجبان وكيمر وچاي وسريعة كلشي خلصت اجتي دتشيل الصينية وكمت عليها
ابراهيم : وين وين جيبي اني أوديها شتصيرين ابو الحديد
نبأ: يلة شيلها .. شال الصينية وراح للهول مصطفى كام يصفك ويهلهل
مصطفى : حتى بعرسك مفرحت هيج
ابراهيم : جلب غير
مصطفى : على راسي
نبأ: كعدت اكل وياهم ومصطفى نسف الصينية وكام
مصطفى : يلة اني رايح
نبأ: بالسلامة الرحمن يحفظك .. طلع وإبراهيم صافن علية ... خير شو صافن
ابراهيم : هيج بس اكو موضوع ديدور ابالي
نبأ: شلت الصينية وكمت للمطبخ وهو ورايا .. شنو كول
ابراهيم : ليش منعزل بيت وحدنا
نبأ: السبب
ابراهيم : اريد استقر بعد واطلع من هاي المنطقة أشكال وعجايب الزمان شفت بيها ماريدها نروح لغير مكان شتكولين
نبأ: واللة مادري .. صار قريب يمي ورفع وجهي بيدة :
ابراهيم : معاجبج يصير عندج بيت وحدج
نبأ: لا شلون ميعجبني بس مصارلنا ١٠ أيام مزوجين
ابراهيم : عادي شكو بيها
نبأ: بعد خل يمر جم شهر وعود اللة كريم
ابراهيم : لا كون هالاسبوعين ننقل لغير مكان
