شفت حاتم ووياه بعد تلاثة معرفتهم اول مشافني صفن شوية بعدين مثل الي تذكر وابتسم ابتسامة مو مريحة وراحوا لواحد من البيوت
القريبة علينا كلبي لعب من تواجدة وشغلة ثانية اني الي ادري بي
هو انسجن شعندة هنا بعد ضليت اضرب أخماس باسداس
ابراهيم : ها حبيبي نروح
نبأ: اي عمري يلة
تمشينة للبيت وطول الطريق واحد يداهر الثاني وصلنا ودخلت جانوا كلهم بغرفهم لان الساعة عبرت ال ١١ صعدت بوجهي للغرفة
ذبيت حجابي وكعدت دخل ابراهيم ورايا بس حسيت بشعور كلش غريب
حسيت آريد اعضة واحضنة اجة كعد بصفي واني عيني علية مادري شبية
ابراهيم : ها بوية خيرج
نبأ: كمت بدون اي كلام حضنتة من كل كلبي وهو شدد الحضن علية
ابراهيم : شبيج عمري تعبانة من شي وضعج مدة يعجبني
نبأ: مجاوبت باوعت لركبتة وصار عندي رغبة قوية أعضها تقربت عضيتة قوي واسمع صوتة يون ابتعد وهو مغمض بألم مسحت عليها وبستها
ابراهيم : بس كليلي شبيج
نبأ: مادري حبيبي كل الي ادري بي أريدك يمي
ابتسمت وباس حنجي:
ابراهيم : انة كلي الج حب
نبأ: خل اعضك بعد
ابراهيم : عضي بوية وين ميحلالج
نبأ: مبقيت مكان يعتب علية معضيتة وهو ماخذني على كد عقلي خلصت وباوعت علية وجهة احمر وعركان حضنتة كلت
:- حبيبي اتحملني ماعرف ليش هيج دا اتصرف
ابراهيم : اذا الج ما اتحملج المن أتحمل
نبأ : ابتسمت وهو ضل يكرص بخدي وتمدد دينام وسحبني لحضنة صدفة اجتي على بالي الشهرية وكعدت احسب والمفاجأة طلعت متأخرة ٢٠ يوم كلبي كام يدك بسرعة معقولة اني حامل
باوعت ابراهيم نايم كلت باجر اروح للمختبر وأتأكد
:- حبيبي نمت
ابراهيم : لا عمري كاعد
نبأ: اريد اكلك شي
ابراهيم : كولي حبيبي
نبأ: باجر اريد تاخذني للمختبر اسوي تحليل ... كتلة هيج وكمز يباوع علية مستغرب ومصدوم :
ابراهيم : ليش حبيبي
نبأ: ابتسمت يمكن حامل
ضحك بصوت عالي :
ابراهيم : شمدريج انتِ
نبأ: حبيبي شهريتي صارلها ٢٠ يوم متأخرة اريد اتأكد باجر
:- كتلة هيج وعيونة دمعت دنك راسة رفعت وجهة بأيدي جانت دموعة نازلة على خدة
نبأ: ليش عمري ليش مفرحان
ابراهيم : اوفففف شلون مفرحان طاير من الفرحة ممصدك
