نبأ : مرت الايام واني وياه علاقتنا باردة ومو شي هو بشغلة واني بشغلي ونادراً ما نحجي مو على زواج صديقاتي اسبوعين وحياتهن سعيدة وحلوة بطني بدت تبرز بشكل كلش حلو
واكفة اغسل الملابس وسمعت طكة المفتاح استمريت اشتغل لحد ما شفت طولة كدام الباب انتجة وباوعلي ابرود :
ابراهيم : آريد اتغدة عندي شغل بالعيادة
نبأ: ماشي .. عفت كلشي من إيدي ونزلت للمطبخ حميت الاكل وفلست الخضورات صبيت وخليتة عالميز وصعدت دا اصيحة جان هسة طالع من الحمام .. يلا الاكل
ابراهيم : ثواني
نبأ: تصرفاتة باردة وياية ودائما يكلي من تشوفيتي تعبان المفروض تجين تهونين علية مو تزيديها ودا احس بالذنب بدل ونشف شعرة قبل مينزل ضل يباوع على بطني وشبه ابتسامة ظهرت علية
عافني ونزل تنهدت ورحت رتبت الغرفة احس بملل مو طبيعي
رجعت اكمل الملابس خلصتهن وأجيت اشيل الطشت بس ثكيل
نزلت على كيفي الدرج الجو بارد يكص كص رحت علية
نبأ: كوم صعدلي الطشت للسطح اريد اشر الملابس
ابراهيم : بهدوء خل اخلص اكلي واصعدة تعاي اكلي
نبأ: مار.... بعدني ممكملة نفسي كامت تلعب رحت طايرة للحمام استفرغت حسيت روحي تريد تطلع دخت وكمت اطوطح جان يجي ورايا بسرعة مخبوص
ابراهيم : اللة اللة شبيج بابا شو غسلي
نبأ: غسلي وجهي وايدي وردت اوكع شالني صعدني للغرفة طلع ملابس وبدلي وأني على نفس الصفنة كعد كبالي :
أبراهيم : شبيج
نبأ: مادري فجأة لعبت نفسي
ابراهيم : انتِ عليج ٣ اشهر مو
نبأ: اي
ابراهيم : بطنج جبيرة مو مال ٣ اشهر
نبأ: لا مابيها شي عفية لتخوفني
ابراهيم : وليش اخوفج
نبأ: صرت اخاف على طفلي من اي شي
أبراهيم : شردتي مني اسوي
نبأ: الطشت مال الملابس صعدة للسطح واني اشرهن
ابراهيم : بهدوء لا اني راح اشرهن انتِ ارتاحي
نبأ: ب....
ابراهيم : بلا عناد
نبأ: عافني وطلع ضليت اتلمس بطني صدك جبيرة صايرة ماعرف ليش تمددت شوية ونزلت دموعي على حالتي اني وياه ممتعودة هلكد يزعل مني ضليت ابجي المخدة تنكعت بعد نص ساعة
دخل للغرفة يدخن شكد عشقت ريحة الدخان من حبلت تقرب كعد يمي وأني فتحت عيوني شوية اباوعلة وهو عيونة متمركزة على بطني كعدت على كيفي وبجيت مرة ثانية كام لحيلة وكال :
