شفت امير صديقي حاولت اجذب نضري بس طلع هو امير اكثر شخص جان يحذرني من عبير ويحاول يبعدني عنها بوكتها ويكول عوفها متفيدك هاي فلان فلان شي ويامة ويامة صارت بيناتنا خلافات من ورة هاي السالفة وهسة هو يمشي وياهة تنهدت وكلت ... طبعا كوا** ولكة كح***
نبأ: دكينة الباب وطلع حسين حضني وباسني من راسي ما احس الة جرة ابراهيم من عندي وهو معصب :
ابراهيم : شبيك شفطتها شفط
حسين : ترة اختي
ابراهيم : ترة مرتي
نبأ: ضلوا يتناكرون عفتهم بالباب وطبيت سلمت على امي وابوية وبوستهم
علي : شلونج باباتي ان شاء اللة مرتاحة بزواجج
نبأ: الف الحمداللة والشكر بابا .. دخل ابراهيم سلم عليهم وكعد يمي
ضلينا كاعدين نسولف واندكت الباب كام حسين فتحها جانت خالتي رغد وابنها الصغير حمودي كمت عليها بوستها وباركتلي
رغد : شلونج حبيبة حليانة عالزواج صلوات على محمد
نبأ: ضحكت وكلت الحمداللة زينة خالة .. كمز علية حمودي حضني :
حمودي : أبة أبة
نبأ: ها عيوني شلونك حبيبي .. رجع حضني كلش يستحي
الفتت شفت ابراهيم يباوع علية ومبتسم
ابراهيم : راح تكونين احن وأفضل أم بالكون
نبأ: ابتسمت ضليت العب وياه الى ان شعرة تخربط .. هاي شنو حمودي شعرك كوشة صار
حمودي : توشة
نبأ: اي كوشة باوع روح لغرفة حسين بيها مشط صغيروني مثلك جيبة وتعال ركض احسبلك لل ١٠ بسرعة
راح يركض واني اضحك علية اجة بعد شوية بيدة المشط وكعدت اسويلة شعرة طلع كلش حلو ... اللة طلعت صاك
حمودي : اني ساك
نبأ: اي حبيبي صاك هسة البنات يكومن يحبوك .. كام يضحك وراح كعد يم خالتي بقيت حوالي ساعتين يمهم وكال :
ابراهيم : يلة بوية امشي نروح
نبأ: بعد وكت
ابراهيم : حبيبي عندي طلعة وية جماعتي أمشي غير مرة اجيبج
نبأ: ردت احجي واندكت الباب راح حمودي فتحها جانن خالاتي ومريم ورسل هم متت قهر لان. راح اروح التفتت علية ... حباب خل ابقى حباب
ابراهيم : ابد امشي يلة
نبأ: كمت وياه وصاحت امي وين .. امي هسة اجي بسرعة
طلعت وياه للباب ووكفت
ابراهيم : يلا ليش واكفة
نبأ: تقربت علية وصرت احجي بدلع ... حباب حبيبي خل ابقى ساعتين وتعال علية لخاطري
ابراهيم : ماكو يلة لبسي حذائج خل نطلع
نبأ: ترة واللة مليت يومية نفس المنوال ينعاد اكعد اتريك وأنضف وأنام واكعد اتغدة واسولف وية البنات وأنام ماكو شي جديد يعني كلهم ملتمين وبس اني اروح واللة اموت قهر
