نزلت صبحت عليهم وجان مصطفى متربع وكاعد يصيح :
مصطفى : بالقران ميصير هيج اني الجبير وهذا الغثة يتزوج قبلي يمة شنو القصة
سمية : يمة جم مرة كلتلك اخطبلك وانتَ تكول اريد الكة فارسة أحلامي
مصطفى : صارت صدك يمة اريد اتزوج
سمية : يمة انتَ بس أشر واني اكشر
مصطفى : تعاي زوجة اخي ليش واكفة بمكانج
نبأ: صباح الخير
سمية : صباح العافيات حبيبة تعاي تريكي
نبأ: كعدت يم البنات جانن البنات يسون ريوك رحت يمهم هلو صباية اساعدكم بشي
غدير : اي بشرفج تعاي كلي البيض مصطفى مياكل غيرة
نبأ: كليت بيض على طريقتي بس ريحتة تجيب التايه وسويت جاي نقلنا المواعين للصالة. تعاي يمة آكلي ويانة
سمية : عوافي بعد كلبي اني أكلت
مصطفى : علييييييي هذا بيض وبيض ملاك بيض تسوي من ورة خشمها شو شو اللة شنو من طعم عاشت ايدج مرت اخي
نبأ: بالعافية ضلينا ناكل ومصطفى كل شوية ذابلة حجاية يخلينا نفطس من الضحك خلصنا شلنا المواعين ردت اساعدهم وعمتي مقبلت
سمية : روحي يمة انتِ عروس من اول يوم تشتغلين روحي حبيبتي
نبأ: لا عمة واللة ماعرف اضل كاعدة
سمية : روحي رتبي غرفتج لعد
نبأ: صعدت الغرفة مجان بيها شي بس ملابس ابراهيم عالجرباية سفطتهم ورتبت الجرباية وضليت كاعدة شوية وصعدن علية البنات
ملاك : ها حبي شلونج
نبأ: الحمداللة زينة شلونكم انتوا
دجلة : جانت نفسيتنا زفت بس تقذتينا بعرسج
نبأ: كلت بكلبي شلون عرس على إساس طلع من خشمي
تاج : تدرون ضوجة
نبأ: اي وحق اللة
ملاك : باعن بعد يومية بالليل نسوي سهرة للفجر يلة انام شتكولن
نبأ: اي واللة خوش فكرة ضلن كاعدات يسولفن الى ان اجوي عمي وإبراهيم من الشغل نزلت سلمت على عمي
- شلونك عمو
سلمان : هلا يبعد عمج شلونج ان شاء اللة مرتاحة
نبأ: الحمداللة بخير راح كعد وإبراهيم صعد للغرفة محد لاحض تصرفة لا سلم علية ولا شي بس ملاك انتبهت هزت راسها بأسف
نبأ: صعدت وراه للغرفة حان دينزع هدومة رحت طلعتلة ملابس وكتلة اسبح وإنزل اصبلك غدة ضل صافن علية واني اشيل هدومة من الكاع باوعت علية وكتلة شو صافن روح اسبح يلة
