نبأ: الرسايل هذيج هية مبينة مال بنية بس منو معرفت كلها كلام مقرف ولعبان نفس وصور مخزية احس جسمي كلة كام يرجف وضاك النفس علية بعدني دا اقرة الرسايل
وسمعت صوتة رجع اول مدخل للغرفة وشافني اجة ركض علية حضني رفع راسي وحجة بخوف :
ابراهيم : شبيج حبيبي ليش تبجين
رفعت الموبايل بوجهة ضل يقرة وفتح عيونة بصدمة :
أبراهيم : بهدوء حبيبي صدكيني ماعرف شي عن هاي الرسايل صار فترة مو طويلة تجيني من ارقام غريبة وماعرف من منو
نبأ: هياتها الرسايل مبينة من بنية
ابراهيم : اي شمعرفني بيها اني
بعدنة واكفين واتصل الرقم أشرتلة يسكت وفتحت خط خليتة عالسبيكر واجاني صوت اكثر وحدة غثة :
زمرد : ابراهيم اخيرا حنيت وجاوبتني عليك اللة لتسدة عانيت ما عانيت لما جاوبتني
نبأ: لا شافج اللة لا عرفج يا كح*** شكد رخصية وعلى كد الايد لدرجة تدزين وصاختج لرجال متزوج واصلا ممعبرج كرامتج شنو موقعها من الإعراب مديوسة بالكاع من الرخص العندج
زمرد : لحضة لحضة ماسمحلج هيج تحجين وياية اخذتي حب حياتي مني وتردين ابقة ساكتة الا اكلب حياتج جحيم
نبأ: عشتوووو تكلب حياتي جحيم اعلى ما بخيلج اركبي واشوفج الأمهات شجيب اذا ما شكيتج بالنص يا ساقط***** اطلع معتبة
سديتة بوجها واني ارجف من الأعصاب جر ابراهيم التليفون مني وركعة بالحايط فزيت من حركتة وضليت واكفة راح شالة لكاه متفلش طلع الشريحة وكسرها :
ابراهيم : اني اعلمها انطنيي مجال
نبأ: وتليفونك شلون
ابراهيم : اشتري واحد ثاني وشريحة هم
ضليت مستمرة ابجي ومقهورة اجة علية حضني وشالني من الكاع حطني عالجرباية واني مستمرة مسح دموعي بابهامة وكال بحنية :
ابراهيم : ليش البجي عمري
نبأ: اني ليش الفرح ميدوملي كل ما افرح بشغلة تطلعلي وحدة تطلعة من خشمي
ابراهيم : وداعتج اخليها وادوس على راسها وانتِ تشوفين وداعتج الا اكرمها كومي خل ناكل لتضلين تفكرين كومي
نبأ: اني أعلمها الساقط** التكسي
ابراهيم : كومي يلة
كمت على كيف كعدت بالكاع نزل جاب صينية وحط الاكل بيها جانت مشاوي منضرها يفتح النفس انطاني عصير وهو ببسي وكعدت اكل حرفيا غيرلي مزاجي خلصنا وشال
الصينية ونزل غسلها كمت غسلت ايدي ورجعت كعدت كل ما اذكر الرسايل والصور اموت قهر تمددت وهو بعدة جوة حسيت روحي ضايجة دخل بعد شوية مبتسم اجة كعد يمي
