كعدت الصبح أريد افتهم شكو بس هوسة نزلت للصالة تجيت ايدي عالباب وانتجيت يعني وكفتي ابد مو مال بنية شوية بس وشفت نفس الجريذي الي كتلتة البارحة يصيح ويهوبز ومتوتر ماعرف على شنو طبيت للصالة سلمت عليهم وكلت :
نبأ: شكو شديصير وانتَ فوك شينك كوات عينك
اباوعلة يتمسكن بس مبين متوتر:
- نبأ يصير هيج يعني من بعد حب ثلاث سنوات بيناتنا تعوفنيي بكل سهولة
نبأ: منين تعرفني
- شبيج حبيبتي اني وياج مو على علاقة حب
نبأ: حبك نعال لاستيك يا حب يا قنادر على راسك
من كلت هيج عصب وكام على حيلة وكال باستهزاء:
- هاي الي الكدامكم اني وياهة على حب صار ثلاث سنوات ادزلي صورها بوضع فيطي كل ما انصحها واحجي وياهة ادز بعد وهسة اجة الوكت الي اجي واكول لاهلهلج بي عسى ولعل يسوولج حل
اباوعلة متوتر ويحوص ويجفص بالحجي مراكد بمكانة ويتجنب النظر بعين اهلي ويفرك بايدة هواية
وكفت كبالة وسحبت التليفون اباوع صح كم صورة الي ماعرف منين جايبهن مبينات ذيج هنة الصور فيك جنت اعلج واحجي بكل برود بابا علمني على فد شي كال ماطول انتِ ممسوية شي ميحتاج تخافين أمشي بزودج
بابا شافني هيج اتأكد كلامة جذب فتحت تليفوني وفتحت بصمات هو دازهن من رقم مجهول يهدد بيهن ويريد فلوس وكذا اشوفة وجها صار اصفر لزمة حسين ودك بوكسات زوعة العافية
طلعوا حلاليق من البيت وهو يصيح ويتوعد ويكول (راح ابجيج دم )
جريت البنات وكعدنا دناكل والكل التهى بس بابا وحسين ضلوا طول اليوم اعصاب
رسل : منوه هذا
نبأ: واحد حشاج نعال ميسوة سولفلتها الصار بالبارحة
رسل : أيا ساق**
نبأ : جايني للبيت يهدد عبالة اني وحدة خركة شطاطة راح اخضعلة واخاف ميت حلاق اركعة وانعل ابو لأبو اليطلع من وراه
رسل :عفية ذيبة
ضلينا نسولف خلصنا شلنا المواعين خسلناهم ونضفنا البيت شوية وكعدنا عالتليفونات اباوع كلهم طفروا لغرفهم بقن خالاتي وامي والبنات كمت جبت الشال كلت ولا اعكر مزاجي وكلت لرسل تشغل أغاني شوية واشتغلت أغنية مزة مصرية وانطلقت وياهة أهز بكل ذمة وضمير وكلهم يصوروني :
