نزلت طبيت للمطبخ جانن البنات كاعدات جرتني ملاك وكالت :
ملاك : باعي هاي مرت عمي الغثة وبنتها هنا اسمها زمرد هاي جانت حاطة عينها على رجلج ووو
نبأ: حجتلي شغلات وكفت شعر راسي من الي مسويتهن هاي زمرد
ملاك : لابسة مشلح وكصير وإبراهيم ممعبرهة ديتصارع وية مصطفى
نبأ: منو غيرهم موجود
ملاك : عمامي البقية ونسوانهم
نبأ: شلونهم ذولة
ملاك : لا زينين ينحطون عالجرح يطيبون
كالت دجلة بغمزة :
- الطوبة بملعبج خية
نبأ: لك مو تددل ، صعدت للغرفة بدلت لبست دشداشة حمرة كلش حلوة وحطيت مكياج خفيف ولبست شالي ونزلت شافتني تاج صوفرت وكالت :
تاج : لك منو هاي المصكصكة
نبأ: مرت اخوج حبي
ملاك : اذيني الثقة امشي روحي
نبأ: وانتوا متجون
غدير : سلمنا قبلج وطلعنا منحب نكعد بيناتهم كبل تكمز مرت عمي الحية وتكول شوكت نفرح بيجن
نبأ:ضحكت وطبيت سلمت عليهم ، السلام عليكم
ردوا السلام وإبراهيم عيونة علية ومبتسم رحت سلمت عليهم واحد واحد باركولي وكعدت يم عمتي وزمرد شوية وتنفجر ضلينا نسولف وصلني مسج على تليفوني فتحتة جان من ابراهيم يكول { تعاي كعدي يمي } جاوبتة وكتبت ( معلية ماكوم )
باوعت علية جان خازرني درت وجهي وضليت اسولف وياهم هناك وحسيت وجع قوي صار أسفل بطني وضهري مبينت لاحد كعدت احسب على كيف وطلع موعد الشهرية اليوم اخر شي الوجع كام يجيني كرفات اول مرة هيج يصير عندي شوية وابجي عمتي جانت كاعدة بصفي دغيتها
سمية : هاي يمة اسم اللة شبيج
نبأ: عمة بطني دتتكطع من الوجع
سمية : سودة علية يمة كومي صعدي ارتاحي وادز البنات عليج روحي
نبأ: كمت على كيف من رخصتكم يابة
الكل : مرخوصة
نبأ: طلعت أمشي على كيف تلكني البنات سئلني بخوف
تاج: شبيج حبيبتي ليش هيج عاقجة روحج
نبأ: وجع الشهرية لج عيني مو طبيعي
ملاك : روحوا دجلة وغدير صعدوها فوك خل اسويلها شي دافي تشربة
نبأ: صعدوني البنات فوك ذبيت الشال وتمددت كمت ابجي من الوجع حرفيا مينحمل البنات يهدون بية شوية وصعد ابراهيم يركض اجة علية بسرعة
ابراهيم : شبيج كالولي البنات مريضة
دجلة وغدير : احنة نازلين
