أحببتها مُنتقبة (مُكتملة)

السلام عليكم جميعاً

تيجوا نتكلم بصراحة شوية؟؟!
ولو حد شايفني غلط يناقشني ، تمام؟
اولاً أنا سبق وذكرت لحضراتكم إني بكتب لسة في الرواية ومستمرة فيها رغم التفاعل المُخزي ده عشان أنا بحب ده ، بحب اكتب وده عالم بحسه مُريح جدًا ليا.

لكن ، لما تسألوني على فصول بتتأخر من غير ما يكون فيه نقطة تقدير من حضراتكم ليا على باقي الفصول وبتنتقدوني وبس ، يبقى ده اسمه ايه بحق ربنا!!!طيب مادام الرواية عاجبة حضرتك ليه مبتقدرنيش بضغطة زر !؟ حقيقي أنا مش فاهمة!!

ومن ضمن الانتقادات الغريبة اللي جاتلي .
هو ايه ده هو إحنا فجأة رجعنا بعد الثورة ايه كمية الرجعية اللي عملاها مع المنتقبات دي ؟؟ هو لسة فيه الهبل ده!؟

اه حضرتك لسة فيه لحد دلوقتي واقولك على الكبيرة بقى المُنتقِبات بقى مش مسموح لهم يدخلوا أغلب الأماكن لأن النِقاب حاجة مشكوك فيها عندهم وفي أغلب الدول خطر عشان بيخوف الأطفال، متخيلة؟؟؟!

لو عند حضرتك حاجة غير كده يبقى الاختلاف في الرأي لا يُفسد للود قضية..
وموقف ام عائشة اللي مُستغربين جدا منه حصل مع أغلب بنات أنا اعرفهم على مستوى شخصي وكانت ردة فعل الام هي التنفيذ فعلاً ، ومفيش نِقاب يعني مفيش ، ورباه بقى لو البنت فاتنة بالنسبة للأم دي لا يصُح ليها نِقاب أصلا!!

ثانياً بإذن الله آخر بارت هنزله هيبقى ال 20 من هنا لحد ما اخلص فترة إمتحاناتي على خير، ربنا ييسرلنا إمتحاناتنا جميعاً.

تدروا حضراتكم إن أنا مكنتش حابة أوقفتها حتى في إمتحاناتي وكنت مستعدة أخاطر بده عشان بس متأخرش مع العلم ان إمتحاناتي بتستمر لشهر كامل اصلا!

بس فعلا لا يكلف الله نفساً إلا وسعها، وربنا مبيرضاش بالظلم لحد، أنا كنت هظلم نفسي وهاجي عليها بس سبحان الله شُفت تفاعلكم الواو اوي وقُلت أنا أهم ، يعني إيه اشغل نفسي بالساعات في كتابة بارت واهمل مذاكرتي عشان حد في الاخر هيسألني بطريقة غير آدمية عن البارت اللي بيكسل يتفاعل عنه ، هو ده العدل من وجهة نظركم ؟! لما يبقى بارت 1.3k حد شافه والتفاعل بس جايب 57 بالعافية ؟! ، يبقى ايه ده؟!
على فكرة لو الرواية دي سيئة من وجهة نظر البعض ليه يقرأوها أنا بكتبها عشان ال 57 على فكرة مش ال 1.3k
البارت العشرين بإذن الله هيكون تقريبا الاسبوع الجاي وبعد شهر هينزل ال 21 بعد إمتحاناتي يعني .

شكرا على تقديركم..