السلام عليكم
قصة جديدة
اتمنى ينال اعجابكم هذا المشهد واذا حبيتوها أنزل بارتاتها نجمة وتعليق ومتابعة الحسابي لأن هذاك راح من عندي اتمنى دعمكم الي ♥️
الكاتبة دنيا
وإني أقاوم شعوراً أقوى مني
أقاوم مكاناً و حياةً لا تناسبني..
..
بين هوسة الراكبين وصياح السواق على كل الأحياء لامه بنتي بحضني والثاني ماعندي اله كروه حاطته جوه ومخليته يتمدد على رجلي وغافي الدنيا الفجر عيوني تحركني من النعاس بس قربنا وراح تقبط السيارة ونطلع مااكدر انام
.. يا الله
.. تحركت السيارة بعد كلمة السايق واني عيني على الطريق اليوم راح اروح اشوف اهلي وناسي بعد غياب سنة ونص ما سامعه حتى أصواتهم
واختاريت اول واحد من اهلي اشوفه هوه اخوي الجبير مازن نزلت وأخذت تكسي مباشر على السجن!
.. اي السجن اخوي محكوم ٢٠ سجن شبابه وشيبته تخلص هنا واكفه كدام الباب واني محتارة وين أودي جهالي محد يقبل يدخلهم وياي اتوسل بالحارس ومايقبل يكول اتعاقب
.. تعاي بيبي تعاي
.. درت وجهي على جهة الصوت جانت مره كاعده وحاطه عكازتها يمها مبينه من لبسها وشيلتها السودة وجها الأبيض من ذوله الناس الفايخين
.. خليهم يمي انه هم متانيه اطب اشوف وليدي روحي انتي وانه من تجين يلا اطب
.
ماجان عندي غير حل لأن راح يخلص وقت الزيارة واضطر انتظر الباجر امنتهم ودخلت بسرعة همزين هستوهم صاحو بأسمي
.. اخذتني الشرطية وطبيت للغرفة مال الزيارة الي يملؤها الناس وبين كل هاي الناس جانت عيون اخوي الحزينة الي متوقع هوه مثل كل مره محد يجي وميدري اخيته ميته شوك الشوفته
.. مازززززن
. رفع راسه متفاجئ بيه
.. حنين هاي انتي
.. تقدمت واحتضنته واني منهارة اخوي حبيبي سندي متلوكلك هاي الكعده يابعد اختك بعمري اشتري افراجك بعمري
.. شلون ولج اجيتيني انتي مو بالحماد (البادية) شجابج وين جنة وين رشا امي اخواني ليش مو وياج
.. وحده حده على كيفك حجيتها وطلعت العلاكه من جوه عباتي هذني ملابس الك وهذني كتب وهذني سجلات جبتهن الك اعرفك تحب هاي الشغلات
.. هاي نزلتي من الحماد بعد سنة ونص وأول شخص اشوفه هوه انت من اهلي رجعت حظنته
.. مشتاقلكم راح اموت شوق الكم مشتاق اتنفس من هوى بغداد تعبت بلايكم ما اتحمل احس راح يطك گلبي عليكم
.. دنكت راسي واني دموعي يتسابقن ويا الكلام الي ببالي وكتله كل احنه مشتاقيلك وبلكت الله هذا الخبر الجديد يطلع صدك ويطلعوكم
.. ولج حنونه تعرفين من سمعت هيج كلبي كام يرفرف عليكم والله صرت اتخيل شوكت اطلع وشسوي وشعوضكم
.. انت بس اطلع وكلشي يهون كعد يسألني بكل لهفة عن اخواني واخواتي وشكالي انُ محد يزوره وباقي وحده كل مره على مر هاي السنتين
.. والله ياخويه حقك علينا كلنا بس انت تعرف بحالتهم هسه تلكى فضل كوه مدبرها تعرفنا من بعدك ضعنا كلنا
.. اوف يا حنين اوف لو اطلع شكد ببالي حياتي وياكم والله اخليكم تعيشون بجنه شلونج مرتاحة ليش هيج خويه تكول عجوز مو بنيه شابه وهاي اديج ليش هيج خشنه
.. حاولت اترك سالفتي مااريد اقهره اكثر
عوفك مني كلي شلون مدبرها بالأكل
حنين كليلي مرتاحة بزواجج رجلج زين وياج
.. شوف شنو جبتلك
.. باوعلي بقهر وكال تهون ياحنين تهون وين جهالج
.. بره عفتهم يم مره بين ما اشوفك هيه هم تشوف ابنها
.. شلون أمنتي يمعوده هذا سجن
.. ردت احجي ودكو الجرس وطبو يصيحون حتى خبصوني ماكدرت اسلم عدل كامت تدفع بيه لوحتله بأيدي والقهر يأكل بكلبي على اخوي طلعت واني منهارة بالبجي امسح دموعي بيدي الخشنة احس عيوني تجرحت منهن ادور على المره بمكانها ماكو گلبي راح والخوف احتلني فتشت عليها الغرف كلها ماكو.......
.
.
.
.
.
.
مشهد
