ذنبي ابنتك 23
چَا وكَلبي هَسه المن ، چَا والعيوُن البيك حِلمن ؟ .
🦋🦋🦋🦋🦋🦋🦋🦋🦋🦋🦋🦋🦋🦋
للسجن..
.. الي ب***
.. اي
.. وصلت وانطيته كروتة وشايله بنتي الصغيرة واباوع للناس الي متجمهرة كدام الباب مال السجن نسوان كبار كاعدات بالفيي وعلاليكهن كدامهن وزلم كبار واكفين ينتظرون الباب واني وكفت وياهم انتظر اشوف اخوي
.. مازن احسه نضلم بحياتة ويانه ونسجن حتى يأمن عيشة الاهلي زينه حتى يكعدنا ببيت بدون ما نتنقل من مكان المكان كعدنه ومافرح بالبيت ونسجن والناس الي ضحه علمودهم محد يجي يزوره شكد اعاتبهم واكللهم اخوكم يفرح بشوفتكم بس مأاحس اخواني عندهم حنية
.. وهذا الشي اعرفه لان احنه بالذات ما تلقينه الحب والحنان ولا عرفناهن الا من كبرنا وواحد صار حنين على الثاني وهذا كله بسبب امي ورجعت مره ثانية بعدما عرفنه معنى الحنية طشرتنا وضيعت لمتنا
.. يمه هاي اكعدي هنا وتانيني وهاج هاي تفاحة اكليها بين ماجي ولا تتحركين حتى لو يكلولج تعاي نوديج الامج صيحي للشرطة
.. كعدتها بزوية ودخلت الشرطي رفض اول شي بعدين مل من كدما اتوسل بي ودخلني جانت بنتي صغيرة مو مال اعوفها يم اسينات
.. ما جان مازن موجودد فريت القاعة مرتين وماكو صحت للشرطي
.. هسه نشوف
.. كعدت انتظرة ويمي زهراء حطيتها على الميز هسه تشوفين خالج اباوع للباب ومنتظرتة يجيني
.. شويه ودخل الشرطي وورا اخوييي؟؟ او شبهه اخوي مازن لحية طولانه والشعر نازل على عيونه وملابسة وصخة يباوعلي وبس اشوف عيونه تلمع كأن ملامحة مختفية
.. حنين
.. كمت وحضنتة بكل قوتي
.. مازن يمه اخوي ليش شصاير بحالك
.. نسيتوني كطعتو بيه
.. لا والله لا ما اجه يوم ونسيتك بي وداعة بنيتي بكل يوم اذكرك وادعي الله يفرج عنك
.. ليش خويه والله اني تعبان مو من السجن اني تعبان من فراككم ليش هيج جان كل همي انتو وهسه اني آخر همكم
.. خويه لا تعاتبني هيج اعتاب گلبي ما يحمله شبيدي والله اتاني اروح للحماد واسويلي عذر وارجع وحدي حتى اشوفك
.. العتب مو عليج يالغالية انتي اسم على مسمى حنين وشايلة حنية الدنيا كلها
.. هاي منو الحلوه منو هاي جنها حنين بصغرها
.. شالها ويبوس بيها وهيه تضحك مفرفحة من شواربة ابتسمت المنظرة اخوي يموت على الجهال خصوصاً البنات جان دائما يكلي اني بناتي اسمأهن حاظرة. من هسه
اكله جا والولد يكلي عود هذوله يجون ونسميهم كلشي الجان الا البنات لا هذني يختلفن
