ذنبي ابنتك
يومًا ما سيحل الصباح بي ..
وأنا على الحال الذي طالما تمنيته ، في فترةٍ ما
لن تُشرق الشمس إلا ويسبقها شروق قلبي ! 🤎
🦋🦋🦋🦋🦋🦋🦋🦋🦋🦋🦋🦋🦋🦋
.. جانت بنسبة الي صدمة جبيرة لأن عمتي من عفتهم مابيها شي شنو صار وياها هاي الفترة حتى يكولون تودع
.. لبست بسرعة واخذت خالد وطلعنا اني ورائد اركض ركض احس بعد ما الحكها عمتي جانت ونعم العمة تعلمني على أشياء المااعرفلها مو مثل بناتها يضحكن ويتبسبسن جانت على طول تصيحلي يمه حنين لا تعبين روحج يمه حنين عندج مصرف عماد يطيج لو مقصر
.. حنين شصاير يمه ضايجة من شي مضوجاتج اخياتج
.. كل كلامها جان هيج ما يوم غثتنط ولا ضوجتني بكلمة غير بس مرة وحدة سمعتها تحجي ويا جارتنا. تكللها حنين مو من ثوبنا مااتعرف الحياتنا
لكن اني تفهمتها صحيح الي حجتة اني لا من ثوبهم ولا اعرف الحياتهم واتمنى لو الكل يعرف حنين ما تعرف تحلب الحلال ولا تعرف تسوي دهن حر ولا تعرف تعلف الحلال او تسكيهن كل ما احجي هيج يضلون يستهزئون بيه
.. كرهت عيشتي جنت متحملة السبب لكن حتى السبب راح
.. وصلنا للمستشفى وصلنا الها بعد عذاب جانو كلهم يبجون بالممر اختنكت. وعبالي ماتت لأن بواجيهم مو طبيعي بس شخص واحد جان واكف شامخ ولا هامة الموضوع والي هوه الحجي جاسم شكد قاسي وشكد شايل بكلبة على الناس
.. سألت نهال الوحيدة الجانت هناك من أخواتها وتبجي
.. عمتي وييين وشبيهااا نهااال من عفتها هيه كلشي ما بيها
.. ماادري مااادري حنين على ساعة طاحت علينا فترة اجت اكل ما تاكل ليل ونهار تشكي من بطنها وتجوع بس تكول بس اكل بعد مااكدر احجي اختنك
.. ونوب صارلها اسبوع كلشي مابيها كامت صاحية واكلت هواي وسولفت ويانه ووصتنا بعماد وبيج خفنا عليها وعرفنه صحية موت كعدنه الصبح طايحة جبناها هنا وهسه مااتكدر حتى الماي تشربة
.. هيه تحجي واني گلبي تكطع من القهر بجيت بجيي يمكن لو امي ميتة ماابجي عليها هاي الانسانة تختلف حيل تختلف بيها حنية امي الما شفنا حنيتها
.. اباوع للدكتور دخل وورة شويه طلع كال
.. اتفضلو يم المريضة اعتقد هاي اخر ساعاتها
..
.. انفزعنا بهذا الخبر ودخلو يركضون
.. يمه دخيلج لا تعوفيني منو الي بعدج يمه يالحنينة منو التفكدني باليل ومنو التصحيني الصبح على يا صوت اصحى يمه اكعدي ولا تعوفيني بنيج إني عزيزج وزغيرج
مو تكولين عماد اعز منكم هاي اني اكلج كومي اول مرة اطلب شي منج ياغالية كوميي وريحي گلبي والله روحي راحت يممممه
