ذنبي ابنتك 21
كلما اكول تهون يثكل حملها ياربي مو أيوب حتى اصبرلها
🦋🦋🦋🦋🦋🦋🦋🦋🦋🦋🦋🦋🦋🦋
حنين.. ضليت اباوع للباب الي انطردت منه بعد شكد اتحمل اهاين بسببج يا امي
.. تمشيت البيتنة جان مقفول كعدت على الدجة الي بالباب وطلعت موبايلي لافتة بجيس اخاف علي
.. دكيت ثلاث مرات دك يلا فتحت الخط
.. الو. ها حنين
.. ها يمه هاي رسل طردتني وتكلي لا اعرفج ولا تعرفيني شلون هسه شنو السالفه منطقة كاعدة بيهاا متعرفيها
.. زين انطيني ذياب احجي ويا
.. اخاف هم ياخذنا ويروح الغير مكان لأن هوه هذيج المرة من سمعني راح ارجع حبرني واخذنا الغير مكان
.. لا اني احجي ويا هو يحترمني سديت الهط وييين يلا دكت عليه
.. هذا وياج ذياب
.. الووو
.. هلا حنين شلونج
.. شللووونييي ذياب شلوني واني اخواتي مااندللهن درب شلوني واختي الصغيرة حامل وشلوني واني اجيي الصديقتي واختك وتطردني شلوني بعد ذياب؟؟
.. حقج وكلشي تحجين حقج بس الي صار عجز من عدنا لأن اعرف مستحيل اخوانج واهلكم يقبلون بيه
.. كلت ما اطوخ ويا لا يخاف وياخذهن ويشرد النوب اذا بالبصرة يطير للشمال
.. ذياب انت اخوي قبل ما تكون صدييييق مازن وتعرف مازن وره هذا الخبر على ساعة يطلع اريد اجيي اشوف اختي واشوف رشا وامي وارجع. وهم نحجي اني وياك
.. واذا جبتي اخوتج
.. وداعة جهالي وروح ابوية ما اجيب احد تجيي بنفسي وتأكد مني يلا لا تاخذني للبيت منا لمن تتأكد
.. خوش اوصلي للبصرة واني اوصلج
.. هاهيه عكب باجر راح اجيي
.. رجعت للبيت واني گلبي يوجعني من القهر أخواتي حسرة عليه اشوفهن وامي مشردتهن واخوتي مطشرين يدورون عليهم والله يا يمة جرم تتسمين ام انتي جررررم
وصلت للبيت لميت غراضي واخذت بس اسينات وزهراء وياي خالد خليته يمهم لأن اصلا ميقبل يروح يحب يضل يم ولد عمه كلتلهم اني راح اروح البيبتي علمود خاف احد يجي البيت اهلي واني ماهيه بيبتي محد يندلها
.. وطلعت متوجهة للبصرة وحال الضيم حالي متبهذلة ببناتي وغراضي كله بسبب امي صعدت ومنتظرة يخلصون نيمت زهراء وضلت اسينات تفتر بين الكراسي ساعة تطلعلي من جوه الكرسي ساعة اشوفها وراي ساعه تحط ايدها بين الكراسي وتكرصني موتتني هاي الشعبوثة
