ذنبي ابنتك 18
.:يـا چَويـات روحِـي الـ مـا أظـن تبُرد .
🦋🦋🦋🦋🦋🦋🦋🦋🦋🦋🦋🦋🦋🦋
نخبصنا بيها وبدخلة عمادد هوه طول هاي الفترة مايحجي وياها لكن من شافاها طايحة تخبل كبل ركض الها وشالها يصحي بيها لكن ابتسام ماصحت
شالوها هوه وفريد وطلعو ووياهم نهال والشايب واني ضلينا بالبيت حيل وقهرت عليها ياترى شنو راح يصير بيها
.. لليل يلا طلعوها وجانت الوجهه اصفر ومنتهية وحتى خراميش بوجها مملخة روحها تملخ
.. كعدت بالغرفة وهمه داير مدايريها حتى الشايب معد يمها
.. شنهو البيج يبوية شتريدين ليش هيجي ملختي روحج
.. ماريدة مااريد مجبل ماشفتو. شسوة بيه وشنو من ذل ذلني ماااااريدة لا تردوني اله
.. مانردج والله مانردج هاي معدتج بالبيت
.. هذا هذا البطني مااريدة هم اذبه
.. تتصرف مثل المخابيل يعني الي يشوفها يكول مخبلة الشايب طلع بره يبجي صاير حنين عشتووو وعماد يمها يحجي وياها
.. تجيبي هالفرخ ونشمرة عليي وانتي تضلين هنااا
.. مااريدة شنووو مااريد هسه اكتلة باليل اكتلة والله لا تأمنون بيه اني خبلة موو. اي اني خبلة اكتلة واكتل روحي ويا ايييي
.. اششش والله والله بس تولدين بالسلامه اشمرة على أبو وانتي هنا تبقين مغززة مكرمة حتى حلالة راح نطيها حتى ماتربطنة علاقه بي.
.. عافته يحجي وغطت وجهه ونامت ضل يباوعلها ومبين مقهور
.. عيونجن عليها حالتها مو زينه الله اليستر من الجاي
.. ضلت يمها نهال واحنه طلعنا تقريبا مر اسبوع وهيه تكعد تصيح وتهومش وحتى ضرب تضرب الي يكعد يمها فعلا صارت مخبلة
.. والي قالقنة مجبل صارو مفارس ببيناتهم هوه وعماد وفريد وحتى الشايب لأن يريدون ياكلون حلاله هوه عندة هواي حلال وهمه انطو شي قليل
.. مرت الأيام واتفقو بعد ما تولد ابتسام ينطو حلالة كلها بكفة وجنة بكفة الي شاغلة بالي ومخطمتني حيل خايفة عليهم
.. جان مازن هوه الي شايلنا وشايل همنا وحتى او واحد غلط عدنا مازن يصحح ورانا الا هسه الولد يطلعون من الصبح لليل شيعرفون عن الي يصير بالبيت وامي تدمر جنة لأن هاي الايام كاعدة حيل مقهورة
بس مااكدر امشي متأذية من الحمل
نهال طدعت للسوك وكالت شفت اخوانج ويمكن اليوم يجون يريدون يشوفوج
.. فرح گلبي بهذا كلامها وفعلا باليل اجو كلهم وحتى امي وياهم
.. الشايب كلب خلقتة ودخل للاستقبال وعماد نفس الحجي صاير ما ينطاق ولا تنطاق العيشك ويا على اقل شي وحجة لو يعيرني انُ عائلتي تايهة اخوج مسافر وابوج شارد وامج هبج اخوانج هيج وما اكعد يمه اذا ما يقهرني
