ذنبي ابنتك 15
حنين من تذكر كاظم تكول:
::حنيت!
كمت اكتب شعر
ديوان كامل بس غزل
كملته وانطيته الشخص
لايكتب ولايقره..
🦋🦋🦋🦋🦋🦋🦋🦋🦋🦋🦋🦋🦋🦋
.. الأهل والأم بالذات هيه أساس العائلة اذا الأم فسدت العائلة تفسد
.. وحنين كانت ضحية امها كل الي كان يتقدم الحنين الشكلها لكن لمن يسمع بسمعة أهلها بعد متشوفة
بهذاك الوقت الي بعمر حنين متزوجات وحنين عمرها 18 سنة من تزوجت هواي اشياء صارتلها غير الي ذكرتهن بس فضلت يبقن بعيدات عن القصة كل الي اكدر اكولة انُ حنين بطلة واجهت كل الصعاب الي بحياتها وما استسلمت رغم مرت بفترات ضعف لكن قوت نفسها وكامت اقوى من المرة القبلها
.. ابو محمد من رخصتك اني اريد اسمع صوت نسيبي
.. اني ماعندي شي اكولة غير الكالة ابو محمد لأن الصحيح الرجال والمرة تصير بينهم مشاكل والمرة الحوك تحملها اني جايي الخاطر ارجعها هيه وابنها والي ببطنها معززة مكرمة البيتها والحياتها بهاي الفترة فاقد أغلى شي والي هيه امي واحتاج مرتي بجانبي واتمنى ماتردنا
.. انت عيرتها بمهرها من شوكت المرة تناقس بالمهر
.. اني عصبيي ومن اعصب احجي كلام مو ببالي ولا افكر بي اصلا جان لازم تخليها بيناتنة
مو صحيح
.. اختي كلش مجروحة منك ولهسة ما ناسية كلامك وياها لان هيه جانت تشوفك ملاك وجانت تشوفك سند بس الي صار. يا عماد خرب كلشي
.. اني كلتلكم انُ وقت العصبية يطلع مني كلام مو يمي اصلا اذا تريد اكوم واعتذر منها واحب راسها لأن اني اعترف بنفسي غلطت وياها
.. اني مااريد احبر اختي على شي هيه هناك وهنا معززة مكرمة ويين ماتمول اني وياها كدامك
.. باوعت الفضل ورجعت باوعتلة ماشفت ندم بعيونة لكن شفت حزن اي حزن لحد الان حزنة على امة ياكل بي اكل ياترى اذا رجعت راح ترجع تعايرني يا عماد شنو راح يصير لو كدرت اضل هنا مثل جنة ورشا بدون هم وغم ولا جهال ولا عيال ولا زواج
.. اني مااعندي مشكلة شخصية ويا اخد ولا جنت ناوية اشارك احد بمشكلتنا لكن عماد يعرف الغلط الي صدر بحقي وهذا الشي ماصار بيناتنة لا صار كبال العائلة وانت من الناس جنت موجود خووووية فريد وشفت كلام عماد الي يسم البدن وضربة الي الرجال ميحملة لكن ماتدخلت حتى البنات الي نخنك وكاللك راح يكتلها انت كلت رجال ومرتة
.. هيه هاي الحقيقة رجال ومرتة مو حلوة مني اتدخل بيناتكم لأن عماد ول مرة متدخل بيه او بأم محمد
.. بس مو حلوة منك وانت تكول احسبج اختي تشوف اختك تنكتل وتنسب وتتعير وتسكت
. اااا والله ماادري ياخوية انتي تريدين تجين لو لا من لاخير ليش نطولها
