ذنبي ابنتك
فعلاً الأنسان لا طابت نفسه من شي صعب عليه يرجع يتقبله ويحبه مثل أول مره 🌿❤️
🦋🦋🦋🦋🦋🦋🦋🦋🦋🦋🦋🦋🦋🦋
حنين كعدت واني بحضن جواهر ويمي عماد والخوف مبين بوجهة
.. حنين شبيج شصارلج
.. عمااد راسييي
..جواهر شنو صار
.. والله خوية ماادري شو نسولف اني وياها وكامت هيه كومه هيه طيحة
.. تكدرين تكومين
.. ايي مابيه شيي بس قبل شويه دخت
.. كمت ويا وصعدني كوه بالسيارة احس نفسي متخربطة لو حجايتلي بعد شويه من كلام بلقيس جان نجلطت صعب الإنسان يتشغل ويتعب وتعوفني نص النهار اشتغل بالبيت وحتى فراشها مال اليل اني افرشة واني المة وتالي تطلع تحجي عليه قابل اني عايزة شلعان كلب يعني تشوف زوجي شامرني يمها اخدم بيها ارجع الهناك عمي مايقبل وينشب الي تعبت حيل تعبت ياريتتتت يارييييت لو بس ترجع الساعة لمن طلبني خضر من بدايتة علاقتي وزواجي واني اعض ايدي ندم
.. ما متأقلمة هاي مو حياتي مماعرف شنو غنم وخلال ولا اعرف شنو اخلب لو انطيهن علف لو اسرح بيهن اني اعرف اطلع اشتري ملابس اشتري اشرطة اغاني اسمعهن واقسم البيت اني واخواني ننظفه
.. مو مال هاي المسؤولية
.. حنين حنين كاعدة
.. اممممم
.. وصلنا اطيني ايدج خلي انزلج
.. نزلت ويا وكعدت على الفراش راح جابلي ماي بارد انطاني وكعد يمسح على راسي
.. ها خية شبيج
.. رفعت راسي الها وباوعتلها بحقد شنووو من عين صلفة هاي
...
.. انتِ شون تروحين تكولين حنين خبلة وكلشي متفتهم واني الي شايلة البيت والتعب عليه شلون تحجين كبال النسوان هذا الحجي ماخفتي الله بحجيج ماكلتي شنو مسويتلي حتى احجي عليها هيج شو مداريتج ومخليتج مثل ماي بالصينية حتى الخبز من تخبزين اوكف وياج اخاف تكولين عايفتني وحدي ليش سويتي هيج
.. ياااااع خية شجاج مشحونة عليه منهي كالتلج هالحجي انه كل يوم اطلع من وجهة الصبح الكطلي حطيبات وارد ويني وين السوالف
.. بلقييييس رجااء اعرف ترى هاي السوالف مالتج كدامي شكل ووراي شكل اطلعيلي بوجهج التحجين بي عليه.
.. كافييييي شنو صاير وانتي شبيج حنين شنو هذا الكلام بلقيس أكبر منج احترمييي شويي
... عماد انت متعرف شمسوية متعرف بلقيس ما مخليه واحد ما حاجية عليه يمه كل النسوان ماخذات عني نظرة عود اني مخبلة وماافتهم وكلشي مااعرف واني النهار كله اركض حتى ارضيها
