ذنبي ابنتك
دنيا الجبوري
وليسَ لنا في الحنين يَد..
وفي البُعد كان لنا ألف يَد!
سلامٌ عليك، افتقدتك جدًا..
وعليّ السلام فيما افتقد!
🦋🦋🦋🦋🦋🦋🦋🦋🦋🦋🦋🦋🦋🦋
.. شهرين اطيني بس شهرين واطلجها.
.. اباوعلهن بصدمة هذن شنووو؟ تأشرلها بأديها وعذيح تبجي بحركة مو تكول مرت أخوها عبالك ضرتها غيرت اتجاهي ورحت كعدت وره البيت واباوع للسمة
.. وين جنتي حنين ووين صرتي انتِ من شوكت تعرفين هيج اماكن اصلا بعمري ماجنت متخيلة راح اشوف هيج صحراء وراح اعي ويا هيج ناس
.. مرت فترة وابتسام بأول سيارة راحت الكربلاء رجعت وياهم شويه خف الحمل عليه بس هاي مرت اخوهم بلقيس كلش مزعجة تقلد وتستهزء بكلامي وبتصرفاتي كلش مضوجتني اني مو مااعرف ارد لا اعرف بس استحي بهذيج الفترة كلش استحي وحماي فريد هم اجه فما اعليي صوتي اصلا بديت اتعود
.. نروح للنهر نغسل الملابس ونرجع نسوي أكل على الحطب والصبح بلقيس تروح تجيب حطب هواي وترجع أتعجب شلون تكدر تشيل هيج عباية جبيرة تترسها حطب وتجيبها
.. الخبز اني مااعرفله لذالك عليه الطبخ والتنظيف مال الصهوة
.. عماد كال اني راح ارجع
.. اخذني وياك قابل اضل وحدي هنا استحي
.. لا الشايب يكوم يحجي ضلي هنا. اني ماطول
.. عماد
.. حنين شنو السالفة
.. سكتت ودرت وجهي للجهة الثانية حضني ونام واني همين نمت من معدت ما لكيته طالعين من الصبح وحماي طالع بالحلال وحماتي هم ماهية رايحة تحطب وحدي بالبيت بمنطقة جولة صدك خفت ضليت كاعده بره بالفيي انتظر اخد يجي
.. أحس حياتي بدت تاكل بيه اكل خوف من المستقبل ندم حياة جديدة عليه صارلي شهرين متزوجة بس الي يشوف حالتي وشلون سومرت من الشمس وضعفت يكول صارلها سنتين كلش تأذيت هاي الفترة
.. احت بلفيس وبديت اسوي غدة وهيه تسولف وتحجي على فلانة وعلانة
.. مرت الأيام وشهر كامل عماد ماكوو عايفني بين حماي ومرتة حتى كمت استحي من عندهم لأن مره سمعته يكلها
.. هاي شنو مايريدها جابها هنا ورجع
.. شمدريني اني مبين ما يريدها عرف مو من ثوبة هاي المرة.
.. لا تحجين على البت شايلتلج البيت عبالج ماادري بسوالفج
.. جا اكلك انه قصرت وياكم خلهاا تشوف الضيم اني هذا الشغل كبل لا تجيي كلشي اسويي
.. اسكتي عنيي بلقيس راسي يوجعني باجر أمشي للشبكة واشوف سالفته هذا الزلمة شنييي
.. همه يحجون واني كوه اكتم شهكتي وهضمتي شنو المصبرني شامرني هنا بالجول وهو اخذ اخته وراح بعد لو اموت ما اجيي الهنا وشيريد يصير خل يصير
