ذنبي ابنتك
من فترةٍ لأخرى، وبينما نحنُ ننتظر
أن يمُر الصعب.. يمُر العُمر.
🦋🦋🦋🦋🦋🦋🦋🦋🦋🦋🦋🦋🦋🦋
... ضليت مصدومة بالي سمعتة معقولة هيج مازن يسوي معقولة يمشي بطريق مو زين ليش سوة هيج
.. جان مازن مفتح كازينو وتعرفون انتو شنو الكازينو بس جان محد يدري بي يعني العيون ما مسلطة علي لكن متعارك ويا واحد جبير ومسؤول ومخبر علي اليقهر مو هنا اليقهر مازن راح ينقلو الغير محافظة والحكم يصير هناك گلبي احسة. راح يوكف من القهر الس مريت بي بهاي الفترة
بقيت يم اهلي ثلاث أيام ورجعت. الغريب عيالي مايدرون بهذا الشي ابد وماسئلوني هذا الي ريحني لأن همه يردوها من الله شغلة يعيروني بيها اخذتلي يومين وهم رحت حتى اشوف السالفة لأن مااريدهم يشكون بشي
.. بوقتها من رحت جانو ناقلين مازن الغير محافظة غربية وصاار بعييد علينا ابوي واخواني راحو ويا لكن كلنا فقدنا الأمل بعد مازن ما يطلع لأن حان الي يدخل السجن بهذاك الوقت مايطلع من تندة لو ينق. تل. لو ينفي بعد مينشاف
.. بجينا وصيحنا ولطمنا لكن كله ما فاد ولا رجع مازن مرت الأيام واني ببيت عيالي شايفة الضيم من عمي محاربة حمواتي حتى عماد يدفعنا عليه لكن الي مصبرني عماد فرحان بيه وفرحان بالطفل صح تصير مشاكل وطبعا سببها هنة لكن متطول
.. تقريبا تعودنا على غياب مازن عيالي مايدرون ولا يعرفون بالي صار اصلا بهذا الوقت دخلت بشهري ومحظرة نفسي اخواني جابولي ملابس وعماد هم اني ويا شترينا
.. وبأول اسبوع من دخولي بشهري اجتني أوجاع الطلوكة ومااحجي الأمهات يعرفن شنو نحس بوقتها خصوصا اذا اول طفل جانت كلها حاظرة وياي يم الجدة واني مااكدر كوه احجي
.
.. عماد اخاف مااطلع منها تدير بالك على الراح يجي وتداري اتزوج بس لا تهملة
.. اششش اشش مايصير شي ماكو شييي هسه تولدين ويجي غسان يفرحنا بس لا تحجين هيجي يابعد جبدي
.. باوعت الإخواني واوصيهم على أنفسهم ودخلتني الجدة الغرفة جنت اشوفها شريرة ماكو اي رحمة بوجها عبالك عندها عداوة وياي من جيبتني حسيت تريد تطلع روحي مو الطفل
.. ما سمعت بعد غير صرخة مال الطفل وصوتها تكول
.. مبروك جاكم ولييد
.
... ما فتحت عيوني غير اني بالبيت وملابسي متغيرة وبصفي كاروك حديد للطفل دخلت نهال فرحانة
.. وأخيراً كعدتي
.. اجت بوستني
.. يتربى بعزكم يا حبيبة اجاج ولييد يكول للكمر كوم واني اكعد بمكانك
.. شالته من الكاروك وانطته الي شعووور غرييب دفو بداخلي قطعة من روحي صارت بأيدي مغمض عيونة وابيض حيل ابيض
