أسميتها أمي...
الحچي البينه اذا ينگال
ما يبقى ولا بستان لونه اخضر
- محمد الركابي
..........................
حنين. واكفه ابجي وامسح بوجهي وانفض بشعري ورجلية ترجف بشكل مو طبيعي بعد ما حملني ووكعت وحطيت أيدي على وجهي وبجيت بكل حركة گلب
.. رفعت راسي لفوك وصحت
. اللهيييي ساعدني يارب تعبت خلصني ليش هيج يصير بيه
. احس الدنيا اسودت بعيني وانُ خلص هنا وانتهى كلشي اريد اطلع اريد اتخلص من هاي العائلة وهاي العقدة تعبت والله تعبت
الصبح شتريت من صديقتي تنورة بكل الي جامعته جانت كلش حلوه عليه كلت البسها بالقراية بس اجيت فرحانة وركضت للغرفة لبستها وطلعت واني اوخر شعري عن خصري حتى تشوفها أمي جانت مرسومة رسم عليه ومن وره بيها فتحة
نداريت بيها
.. شلونهااا.
.. منيلج هاي
.. اشتريتها من فلوسي
.. حلوه حلوه منين اخذتيها
.. من سعاد
.. امممم خوش يلا روحي بدلي
.. اوووووف ياربي همزين ماسوتلي سالفة عليها بدلت وصفطتها وحطيتها بصندوكي وطلعت بره انظف ببيتنا راح يصير اليل لازم انظف حتى اشغل الفانوس قبل لا تنطفي الكهرباء
كنست الحوش نفتح الباب ودخل مازن من الشغل جان جايب ويا علاكة كالعادة يجيب حلويات بس اله ما حاجيته اليوم فرحانة بتنورتي
شوي وسمعت صاحلي
.. هااا شتريد
مازن... اريد روحج اليوم صدك طالعه
.. اي طلعت وأخذت فضل ورائد وياي
.. وشعندج دكين دروب وتطلعين وشنو المشتريته من سعاد ام المشلتح
.. مازن شجاك حتى بلبسي تدخل تلبسني كونية يلا ترتاح
.. هاي ويامن تحجين هيج ولج
.. حجة هيج وسحب حزامه من جسمه وطبكة احس روحي طلعت ويا طبكت الحزام وما احس غير لسعني لسع برجلي صرخت وطفرت ركضت وهوه وراي..
. مازن فدوه والله بعد ما اعيدها والله مو وياك عوفني عليك أبا عبدالله
حسيت ضرباته بروحي دحست روحي بالخلفي وحطيت أيدي على وجهي احامي روحي وهوه يلسع بيه بحزامه عافني وراح عبالي تعب من الضرب سمعته يكول وين الصندوك وينه ركضت بسرعه واني مفرفحة
::عوفههه عوف اغراضي نمت على الصندوك وهوه يملخ بيه يريد يطلع اغراضي
.. جيبولي المكص
. اخذ الصنذوك مني وفتحه واخذ التنورة وكصكصها بالمكص كعدت بالكاع وايدي على وجهي ابجي بحركة احس روحي طلعت
حسيت بأيد تنمد على ظهري وخرت أيدي فازه شفتها جنة
.. حنونة ليش تبجين
