ذنبي ابنتك 25
🦋🦋🦋🦋🦋🦋🦋🦋🦋🦋🦋🦋🦋🦋
.. اي كملي ليش سكتن ماكو داعي تسكتن احجيلي السالفة من الأول
.. شنو يا سالفه شبيك رائد شنو هاي متعارك منو شاك قميصك
.. حنييين لا تحجين انتي اسمج تطمطمين الهن اني عرفت روحتهن هاي بيها مسكورة ولج يعني انتن رحتن البيت ذياب يعني كعدتن وياهم ويا اخوتة السكارى لو طلعتن بعدين بيت وحدجن فهميني راسي راح يشيب من مشاكلجن
.. برد گلبي من عرفته ما سامع بس سالفه جنة وذياب يمه
.. اهدي واكعد هنا واني هسه اشرحلك كلشي لا تخوف اختك فوك ما هيه خايفة
.. منين تخاف يدكن درو ب هيه وامها وين الخوف مااشوف خوف بعيونها واني اكول ذياب شجابه على هاي الطفلة طلع بيناتهم.
.. لا لا رائد لا تححي هيج ماكو بينهم هاي السوالف صدكني وصدكني كل الكلام الي كلته الكم اني صحيح بس جانت اكو كذبة صغيرة واني اعرفكم متعصبين من هاي الناحية ف فضلت اسكت عنها لأن ماتسوى الواحد يكدر خاطرة من وراها يعني هنه اول بداية راحن وامي بعدين بفترة كلش قصيرة مأجرة بيت وانت تعرف بعد صديق مازن وخوش ولد يروح ويرجع عليهن وشاف جنة يعني مو اله بينهم شي وهسه هيه زوجتة الحمدلله بعد ليش متعصب وتصيح
.. حنين ششايفتني طفل كدامج
.. رااااااائددد كافييي كافييي شبيك فوك ما مازن مخلي حياته جحيم وساحلها من بييتها وجايبها الهنا نوب انته تدور بدفاتر عتيكة عوووف السوالف مدثورة ولا تطلع شي افضلك كافي تعبت من هالحياة هاي ماكو راحة جاية ومكتولة ومسكطة تسكط ونوب انته
.. شبيج انتي الثانية
.. انت شببك منو باسطك
..باسطك شنو كولي باسطمن
.. اهووو جنة كومي راح يطيح السكف بدت فيالة رائد
.. دولييي اصلا مااريد احجيلج فديوم مجذب بشي اني
.. اول البارحة من كذب
.. هاي صدفة
.. قبلها من كلتلي ابو المطعم صيح عليه ومن حجيت ويا خضر يكول يتصرف كأن المطعم مالته يأمر وينهي تالي لزمك ابو المطعم بجلاق ومطيرك من المطعم هم كول كذب
.. استخبارات حنين اي هاي صارت صدفة
.. دخيلك ودخيل الصدفة الي تسوي هيج بيك ولك اصلا حتى ماي وجهك مغسول من الجذب ولفيالة
.. وخرن عني وخرن نسوان ما تجيب غير الهم الله بس يوفقني اطكلي جواز واسافر واخلص من جهورتجن
.. ميتين عليك احنه راح للحمام يسبح واني كعدت يلكاع حيلي يرحف عزااا شهل قابلية العندي على الجذب وشلون لفتها ماادري بس ردت نطلع مهنا
