ذنبي ابنتك
بارت 9
🦋🦋🦋🦋🦋🦋🦋🦋🦋🦋🦋🦋🦋🦋
حنين
كمت وراها إني وبدلتي وعماتي كامشاتها يسدن بحلكها وهيه تطرد بيهن وخذني مو حبابات همين العرك والغلط صار بفلس بينهن
.. وكفت على صفحة اباوع الهن ودموعي صارت تنزل ماعندي حظ ابد كلما اكول ارتاح تجيني سالفة مادري منين
.. عماتي سحبنا امي للغرفة وقفلنا الباب واجن يتعذرن نص طلعن وزعلن ونص بقن وكالن ناخذ جنتنا ونطلع
.. اني مااعرف شعوري حتى بيني وبين نفسي مااريد اعترف واكول متندمة لأن هنه وين واني وين اباوع البسهن والتصرفاتهن مو مثل ما إني جنت متخيلة هل من الممكن راح اتاقلم وياهم احس كلش تسرعت بقراري حيل متندمة لكن مااكدر احجي لأن تنكلب الدنيا على راسي من غير هذا
.. راح تصير سمعتي على كل السان والناس الي تجيني بعد متدك بابي
.. كعدت بمكاني وهن داير مدايري الي تركص والي تعدل بنفسها جانن مخبوصات والمع ينكث وراهن اجت بنت عمتي مبتسمة
.. هوه هذا مناسب الج نفس الطبقة انتو وياهم
.. خلصيني منج ومن سمج وابتعدي عني
.. هههه كلش فرحانة عبالج تاخذين اخوي الدارس الواصل المثقف لا عيني خططج كلها خربت وكعتي بواحد معيدي وأهله نفسه يلا عيني اترخص
.. عافتني وراحت بعدنا سممتني بكلامها وخلتني اراجع نفسي واشوف شكد غلطت لمن اختاريت عماد لكن ما بليد حيلة ومن هنا بدأت رحلة معاناتي ويا عماد من هنا تبداى القصة الحقيقية راح تقرون وتعرفون كل الي مر اجمل ما عشت
ثاني يوم الزفة زفوني الغرفتي شبه غرفة جانت بردة عتيكة الا ابعد درجة لونها صاير وردي وصخ كعدت وعيوني تتنقل بين الحيطان والاثاث الي يخزي باب حديد للغرفة وعماتي بيناتهن يتضاحكن بعدين من طلعن عماتي جان لازم نصور بالكامرة مأجرينها
.. وابتسام لازمتها وتفتر بيها وهذني وراها تكول اول مره يشوفهن كامرات لأن جانت كلش غالية اجارها وصعب احد يحصلها
.. أخذن الكامرة ودخلن الغير غرفة يصورن هنه وبنات عمهن ضليت صافنه عليهن
.. عيني حنونة شنو هاي لعد هيه مو كامرة عرسج نريد نصور وياج عماتي
.. والله مااعرف عمه
.. اني هسه اروح اشوف شنو الوضع ماخذاته هيتة
.. راحت عمتي بس اني ما خايفة لان صح عمتي وكحة لكن تعرف تحجي وتساير الواحد مو مثل أمي
شويه واجت وياها ابتسام وتباوعلي بضوج وبحقد استغربت يعني صحيح هيه من عركة امي وياها مو تمام لكن ما جانت هيج نظراتها
.. يلا اومفن خلي اصورجن
.. وكفن عماتي وبناتهن وبدينا نصور صورت وحدي وصورت وياهن ونوب دخلن البقية وأخير شي هوه دخل
