ذنبي ابنتك....
"أنا مُتعب من المكوث في المكان الخطأ، من التعايش مع الاشياء المتاحة، لا المرغوبة."
.. 🦋🦋🦋🦋🦋🦋🦋🦋🦋🦋🦋🦋
.. صرت وره الباب بسرعة لأن بدون حجاب احس گلبي يريد يطلع من مكانة
سديت الباب بوجهة وركصت للغرفة لبست ربطتي وعباتي وطلعت اركض وصلت يم الباب وحاولت اهدئ نفسي اخذت نفس وفتحت الباب
جان واكف وحاط ايدة بجيوبة ومدنك رفع رأسة ويا فتحة الباب
.. باوعتلة وعيوني نملت دموع
.. السلام عليكم حنين
.. وعليكم السلام
.. شلونج
.. برائيك شلوني كاظم
.. دنك رأسة والخجل واضح على ملامحة
.. لا تضننين إني تخليت عنج صدكيني إني جاي احارب علمودج
.. وينك إني اعرف متتخلى عني بس ليش رحت ليش انطيتيني كلمة وما وفيت بيها هو هذا وعدنا كاظم
.. لا تزيديها عليه يا حنين تدرين انتي شصار بيه
.. لا بس الاعرفه تركتني بقلق وخوف وندم
.. ابددد ديري بالج تتندمين حبيتني إني حبيتج اكثر من روحي
.. باوعت من الباب اخاف احد يشوفه لو اخواني يجون هسه ملتهين لازمين رائد كتلة تفضل طب
.. لا ماكدر ادخل ووحدج بالبيت بس اريد اكلج على شغلة والتحق للدوام
.. شنو
.. اني من غلقت الموبايل منج رحت بسرعة وفرحان كلش وخبرت أهلي بس للإسف اهلي طفو فرحتي من ابوي وأمي رفضو قراري وهوه اتزوج على اختياري ويريدون جبر يركبون براسي بنت عمي أكبر من ب 5 سنوات
صارلي اسبوع اتعارك وياهم واقنع بيهم واليوم إني طلعت رغم مو موعد التحاقي راح ابقه يم صاحبي منا لمن يجي الخميس
.. ليش اهلك ميقبلون بيه
.. مو بيج إنما بأختياري ميقبلون همه من زمان مقررين هدى الي لكن اني وهيه منريد بعض وصدكيني يا حنين اخذذج اخذج لو بعد الف سنة
.. كاظم تحجيييي صدك انتة تدري شديصير بيه كل يوم يجي احد وارفض وأهلي مشاكل واني اريد اطلع ومنتظرتك من ذاك اليوم لليوم بعد شكد انتظر
.. طمني گلبج ونامي رغد مو زلمة كاظم اذا ما خذاج وهذا شاربي مو عليه
.. دنكت راسي بعد كلامة واحس گلبي من الفرح كام يركص ركص
.. احبج حنين هواي احبج
.. حجيت والخجل مسيطر عليه روح كاظم لا يجي احد ويشوفك
.. اشوفج
.. اشوف اذا كدرت
.. يلا في أمان الله
