ذنبي ابنتك الاخييييييييييرر
🕊️🕊️🕊️🕊️🕊️🕊️🕊️🕊️🕊️🕊️🕊️🕊️🕊️🕊️
تلاگت گذلتي ويّ الشيبَ هَلي مَامِش نشد منكم !
🦋🦋🦋🦋🦋🦋🦋🦋🦋🦋🦋🦋🦋🦋
.. يمه بيبتي شمرتنا من الصبح هنا ندك بالباب ومتطلعلنه
.. مااعرف. شنو احجي ولا اوصف شعوري بهذيج الساعه اشوف جهالي بهذا الحر ممرودين مرد ويتحامون بالجرجف وأسينات لازمته الهم من فوك
.. امي طردتكم
.. اي شمرت غراضنه وحتى ضربت أسينات لأن كالتلها من تجي امي نطلع خاف يخطفونه
.. يمه لا تنقهرين هيه لأن الجهال وكحو هسه بس تدكين الباب تطلعلج
.. هليتهم يلمون الملابس المطشرة سويتهن بقج وكومتهن على صفحة وشلت نباوي وصرت ادك بالباب يصلخ صلخ ماكدرت حتى ادك
.. يممَمَممممه افتحيييي الباااااب
.. ساعة كامله واني ادك لحدما مليت فتحت جنطتي ماعندي ولا ربع والجهال كلها تصيح عطشانين وعطشانين طلعت للشارع جبت التكسي حملت كل غراضي وانطيتهم عنوان بيتنا تمشي السيارة بيه واني حاطتهم بحظني متكومين عليه وعيوني اخذت مجراها
تعبانين ونامو بحظني شنو ذنبهم هالجهال اورطهم وياي ليش ابهذلهم واخليهم هيج ينذلون ووين اكدر اعيش بدونهم اني ماافكر ولا راح افكر اعيش بدونهم لو ارجعهم الابوهم وصلت للبيت نزلتهم ونزلت غراضي
.. خويه وين الكروة
.. اي خويه دكيت الباب على جيرانه فتحها ابنهم
.. السلام عليكم شلونك خويه ابو قمر
.. اريد انطق واكله ابو التكسي منتظرني يريد فلوسه مااكدر كوه عليه كتله ماقصر الرجال دخلت للبيت
.. مهضومة مظلومة متعوبة مخذولة كلهن بيه أمشي بين غراضي بعد ما فرشت للجهال ونومتهم دخلت الغرفة مازن كعدت بالكاع واني احس گلبي يوجعني، گلبي تعبان اعصر بي عصر أريده يهدئ اتحملي حنين اتحملي
.. بجيت من كل گلبي صوت البجي يصدع بالغرفة لأن فارغه اريد اطلع كل غصة بصدري جبت عمري كله متعوبة مايوم ضحكتلي الدنيا
.. غفيت ودموعي على خدي
.. يمه يمه
.. فزيت على صوت اسينات
.. ها يمه شكو شبيكم
ليش هالصوت ولك سجاااد لتصييح عيب منا ناس
.. صارلي ساعة اكعد بيج ليش ماتكعدين خفت
.. مابيه شي بس تعبانه ماما كومو جوعانين
.. اي والله يمه احس بطني تتكطع من الجوع بس مااكدر اكلج لأن ماعندج انتي اخذتي كروة من جيرانه
