ذنبي ابنتك 22
هلي كل التعب منكم
🦋🦋🦋🦋🦋🦋🦋🦋🦋🦋🦋🦋🦋🦋
حنين.. نرعبت من شكلة ورأسة حاميت نفسي ومااحس الا لسعة العكال لسعت ايدي وصار يضرب بيه بكل قوته واني اصيح
.. محامية وجهي بأيدي واصيح بكل علاة صوتي. اريد احد يجيني احد يوخرة عني ازحف وهوه يضرب بيه
.. اني تعانديني انتي الحظرية اليوم اكسرج اليوم انهيييج تنهييي
.. طلعت فريدة وسعيدة ونهال يتراكضن لزمنه وهوه يرفس بنصهن يريد يوصلي
... اشرديييي روحييي للغرفة
.. ولك فريد العن الشيطان مرة غريبة الا راحت الاهلة شيسون بينه
.. وهيه منيلها اهل هاي اليوم الا اكطع العكال عليج وحك هو الحسين
.. ركضت للغرفة وسديت الباب الحديد بالسرقي ولزمته بأيدي ماأحس بوجع لا من حلاة روحي اريد بس احامي روحي منه
.. صارت الركضة والهوسة يم الباب وكام يدفر بالباب ويريد اطلع حتى يكمل كتلة
.. امسح بدموعي وحايرة الزم يا ألم بيهن شنو الي سويته يستاهل يسوي بيه هيج انتبهت العماد جان واكف بباب الغرفة وميتحرك يعني زوجتة يضربها اخوو كباله وميتحرك هاي اني وين شمرت روحي بيا خيسة
.. اباوع للباب راح ينشلع وهوه يدفر بي وذنيج يتوسلن يعوفني كأن مسويتلي جريمة
.. كامشة الباب بأيدي ومالحس الا الباب نشال ونشمر واني ويا مجلبة بي
.. مااعرف اعتقد هذا الشي صعب عليه اذكرة صعب عليه ارجع اعيش نفس الي حسيتة بوقتها لأن كلما تمر ذكراه كبالي احس بوجع داخل گلبي يأذيني حيل من اتذكر بيوم من الأيام نضربت على سبب تافهه وتكطعت تكطع لأن ما سمعتة يكلي سديي الباب؟؟
.. اييي هوه هذا السبب الي خلاه يضربني هالضرب هذا
.. وخرنه من البنات واني ازحف بروحي وصرت بين الزاوية اضم بنفسي واصيح بكل صوتي اريد يطلع اريد يسمعون الناس شيصير بيه
.. مره تنضرب من حماهه جانت أول مرة اشوف هذا الشي واخر مره لأن ماشفت رجال ماعندة غيرة مثل عماد بكل حياتي
.. ماانقهرت لأن فريد ضربني لأن اعرفه هوه شنو من يستهزئ بيه بس الي قهرني وكفة عماد على صفحة وهوه يشوف زوجتة وام جهالة تنضرب
.. طلعوو وهمه يدفعون بي ويطلعوو بره الغرفة واني اصيح واغلط عليي وحتى على الشايب غلطت لأن بوقتها النار الي بگلبي بحور العالم كله ماتطفيها
.. اجت تركض نهال
..
..ووخرييييي وخروووو عنيييي حقراااء عارات تستقون عليه اني مره لا حول ولا قوة اريد الله ياخذ حقي منكم اريد اشوف بيك يوم يافريد اريد الله ينزل انتقامة عليك ويصبة صب اريده يعذبك بالدنيا كبل الاخرة عساك لا تهنيت ولا شفت الراحة بدنياك بكل مره ضربتني بيها اريد الله ياخذ منك عزاز گلبك اريدك تبجي دم بدال الدمع
