ذنبي ابنتك 20
..ويا جويات روحي الما كلتهن..
🦋🦋🦋🦋🦋🦋🦋🦋🦋🦋🦋🦋🦋🦋
.. تخبلت بمكان مثل هذا يضيعون أطفالي وين ودتهم خطفتهم ايييي اني ثولة تخطفهم لعد تخليهم
.. هسه شسفات بيهم شو جلحان ملحان وين توديهم يربي دخيلك غير انشهر وانكتل لو راحو
.. افتر مثل المجنونة داير مداير المكان الي انطيتها اجت الشرطية سالتني بشك على شنو ادور
.. ولدييي ابني وبنتي دخلت ازور اخوي وماقبلو يدخلوهم وبقو هنا يم مرة صاحتلي وكالت خليهم يمي بين ما تروحين وترجعين
.. انتي غبية تعوفين جهالج بسجن تمشريهم مسعوووود تعالوووو
.. صاحتلهم واني وياهم افرفح واملخ بروحي وكل شويه اعيد بالسالفة للشرطة حتى يفتهمون عليه
.. خويه اهدي هسه نلكاها قابل وين تروح اصبري هسه اخليهم يسدون السيطرات ومحد يطلع اذا ما نفتش عنهم
.. خويه مروتكم ومروة العباس تلكوهم اذا راحو اموت وراهم
.. همه شنو أشكالهم شلابسين
.. والله حتى مو مثل هالولد الحلوه لو البنات جلحان ملحان وبتي كفشتها ما مشطتها وين خذتهم هاي
.. درت وجهي ودنيا سودت بعيني من القهر هسه ارجع شكوللهم شحجيلهم ضاعو وبالسجن يبوووووووو. يحنين
.... مااشوف غير الحجية ووخالد يمشي ويفتح بالنستلة وشايلة اسينات وهذيج تاكل كيك وتشرب بالعصير والدموع يابسة على خدها
ركضت الها وسحبتها وصرت احضن بيها وابوسهم ودنكت على خالد
.. يمههه ولدييي وين رحتو ولكم ليييش يماما ليششش
.. شنوو السالفة. ماما شجاج البنية كامت تبجي وأخذتها اشتريلهم منا وتعطلت كلمن يريد شكل
.. حجية هيه هاي سواية اني فوك. ما حال الضيم حالي فوك ما اكلي هبطة على جهالي
.. اسولف وياها وهيه تتعذر مني واني اتعذر منها لأن خوش مرية واستحيت منها لأن رديت بحدية عليها اجه الشرطي يمنا واكف يباوع للجهال
.. اني لو عندي ذولة اخذهم للسوك اتيهم وارجع وتدكين وتلطمين على ذولة والله دمعة هواي عليهم شجاج ياخوية
.. خوية شبيهم جهالي يخبلون هاي جنها غزال وهذا مااحجي عن جماله وكلها نعمة من الله
.. ونعم بالله خويه ونعم بالله صدك لو كالو القرد بعين امه غزال
.. ضميت ضحكتي
.. عندي اخوي مازن عب**** بالسجن هنا اذا تكدر توصله لكت جهاله ومابيهم شي لان ضل باله يمي ماكدرت اطمنه
