العشير

✨البدايه✨

حكايتنا مختلفه حدثت رغم عنا
اقدارنا حكمت علينا وحكم القدر لايتغير
عانينا وكابرنا وقاومنا لكن ان شاءت الاقدار لا منازع لها
وفي حكايتنا عبره فيها حكمه لايعلمها سوا الله
وان خطط الله هي الاجمل
وان بعد كل بلاء ومصيبه هناك عوض
ف يا اهلا ومرحبا بكل ابتلاء
لان نهايته عوض وبشاره فرح
لم تكن لتأتي لولا صبرنا على الابتلاء
حكايتي اعطيتها لكم ليست مثل حكايات الابطال الخياليه
حكايتي واقعيه واحداثها ليست مبالغه
نقلتها لكم لترو وتتعضو من معجزات الله في حياتنا
واترككم مع ابطالي ليعرفو عن انفسهم
لاترككم تركزو في احداث الروايه وانتم تعرفون ابطالها
.....
قراءه ممتعه.
....
هلاو حبايب اني ريحانه خريجه علوم واشتغل بمختبر تحليلات من الانبار عمري ٢٧ سنه ضد الزواااااج نهائيا يكولون كلما زاد وعي الشخص قلت رغبته بالارتباط ههههه

كصيره ههه طولي ١٥٨ ناعمه ممبين عليه هذا العمر الي يشوفني يكول بدايه العشرين بس عندي خدود وكذا بيضه وعيوني كبار سود ومعروفه بحواجبي ورموشي احلى شي بيه شعري اسود طوويل حيل احبه ومهتمه بي كلش بابا شيخ جامع وعنده شهادات

واجازات ويدرس بالجامع ودورات حفظ وعندي اربع اخوان واني البنت الوحيده بابا حنين وحباب واخوتي هم يحبوني واحبهم
امي متوفيه من جنت اول كليه جانت اسوأ ايام حياني وللان مدااكدر اتخطا فراقها

..........
اسد. اهلا وسهلا ماعرف شنو اكول بس انطوني اساله وحجاوبكم عليها اكو مواضيع ماحب احجي بيهه بس يكولون لازم اذكرهه تحبون تعرفوهه ك متابعين
اني اسد الثاني لابويه اخ جبير و٣ خوات واني واخ اصغر
يعني ٣ولد و٣ بنات اثنين مزوجات ووحده بعدهه وامي تاج راسي الله يحفظهه الي
اني عندي مدرسه اهليه اني لازمها من كلشي ومديرهه اني مدرس انكليزي عمري ٣٣ سنه حنطاوي طويل طولي ١٩٠ جسمي خشن اللعب رياضه وعندي ملاكمه 🥊 رياضتي الاحبه افرغ طاقتي بيهه بعد شتريدون اذا اكو شي اكوله او تعرفو بالايام الجايه ذني زايدات عليكم
.......
بهاليوم جنت بالشغل وبنهاية الدوام محد ظل ف جنت الملم الغراض جن يفوت رجال كلي العفو دكتوره بس ام مره جبيره بالعمر متكدر تصعد عادي تنزلين تسويلها هي وضعهه تعبان ومتخربطه بالسياره فاتحه الباب وتنتظرج ومن هالحجي احنه هيج حالات جدا طبيعي نسويهه دايما ويه كبار العمر وخاصه المريض وضعه حرج ومتفهميهم

المهم نزلت وفعلا عبايه ومغطيه راسهه ومدنكه ويه ماقربت دفعوني بالسياره ودفعني وكعد منا والي لابس العبايه منا واني اصيح سد حلكي بوصله وراسا الجو برد وغوشت بعد مادري بنفسي
لحد مافتحت عيني بس عيني مشدوده واني مجتفه ومشموره بكاع رطبه وبارده ومرتاجه عالحايط ورجلي بسلسله مربوطه بشي ثكيل ماكدر احركها او ارفعها بس من صحيت المخدر اذاني راسي مسطووور يموتني وجسمي متكسر
و....
........
اسد.
اني جنت بالبيت وخابرني رجال كلي عيني اني ابني طالب عدكم ووضعه تعبان عنده تسمم بالمعده والشرطه طالبه تحقق ويه المدير مال مدرسه ووو لوفلي سالفه المهم كلي اني بمستوصف قريب يم بيتنا اني المنطقه ماعرفهه رحت وكلساع اخابره يدليني منكقه ريف وتعبانه كلي فوت جوا فتت وبالطريق وكفتني سياره شخطت