العشير

الجزء الخامس والعشرون

لكت رساله من حساب وهمي عالانستا بماانو ميعرف رقمهه بس تراسلو انستا سوا حساب ودزلها
.
اسد. احبج
.
ريحان. منو
.
اسد. زوجج المستقبلي
.
ريحان. منو انت بلا لف ودوران
.
اسد. شبيج عشيري
.
ريحان. ههههههه عبالي احد ناصب عليه كلت اتاكد بس من كلت عشيري عرفتك
.
اسد. ههههه لااطمني
مجاوبتيني
.
ريحان. ع شنو
.
اسد دزلها بصمه. احبج ع هاي مجاوبتيني
.
ريحان. ههههه باحلامك
.
اسد. ليش مااستاهلها
.
ريحان. بلا بس موبهالسهوله
.
اسد. سهولتيش تدرين شصار بيه من تمرضتي للان لاليلي ليل ولانهاري نهار
.
ريحان. اي محد ضربك ع ايدك
.
اسد. اخخخ ضربوني ع كلبي مو ع ايدي
.
ريحان. منو همه
.
اسد. ناس حلوين واحبهم وشالعبن كلبي
.
ريحان. محتاج شي؟
.
اسد. شنو طرده؟
.
ريحان. اي
.
اسد. شبيج احسج مغصوبه عليه
.
ريحان. اي بابا جبرني
.
اسد. صدك؟
.
ريحان. هههههه دروح نام ورانه كعده
.
اسد. غير لو اكدر انام
.
ريحان. مممم
.
اسد. تدرين امه محمد كلهه يمي عماتي وخالاتي وعمامي وخوالي وزلم وشيوخ كلنه مجتمعين ابيت حتى باجر نقصفكم
.
ريحان. وانت عايفهم ودتراسلني
.
اسد. اعوفهم واعوف الدنيا كلها غير انتي عشيري
.
ريحان. ههههههه
.
اسد. اروح فدوه لهالضحكه
.
ريحان جان ابالها تكمل ويا للصبح بس اذكرت لازم تثكل بالبدايه مدامه مستقتل حتى تصير غاليه بعيونه لاتسهل راسا
.
ريحان. يلا اني لازم اروح
.
اسد. ابقي؟
.
ريحان. تعبانه وورايه كعده باجر نحجي من اصير حلالك
.
اسد. اويلي يابه يلا عمي الله وياك
.
ريحان. تصبح ع خير
.
اسد. وانتي كل اهلي
.
سوتله لايك عالرساله وراحت
.
خرب ببليسك اسد هسه شينومني ههههه
حضنت المخده وغمضت ضلت تسترجع ذكرياتهم سوا وشلون جانو يكابرون وهم بداخلهم واكعين بالحب وخلصانين

ظلت لحد مااذن الفجر صلته ودعت ربها يوفقها ونامت

ثاني يوم من الصبح جني كرايبها العجايز والزلم الكبار التمو عمام وخوال وناس هواي عزمهم ابوهم اهل اهل حنين هم جوي وكلو لحنين معليج بالغدا والبيت روحي ويه ريحانه للصالون ورتبيهه خطيه وياهه

راحن وسوت شعرهه يجنن ومكياجهه كالت لحنين خلي تحفلج وتسويلج عنايه بالوجه وهيج بين ماكمل وخلصو ىجعو الضهر العالم متغديه ومكملين همه

هم وصو صياني دليميه من مطعم وبس رتبو حبشكلات وياهه هنه حضرن كلشي من الليل بالثلاجه بس فهمتهن شيسون

هم الضهر وبلشو يجون الباقين حتى من يجون اهل العريس يلكون العروس هم هواي بظهرهه خاصه بغير محافضه

ظلو لازمين كلبهم لاابو سعد لو سعد ينهون وتنلاص عدهم هيج حقاره همه بس كلهم حجو وياهم نسوان وزلم

اذن العصر و ريحانه لبست وتعدلت وكعدت بالكوشه تعرفون سوالف البنات تصوير

هي ماشاءالله طلعت اميره تجنن بحيث حنين بس تبخر وتقرا ايات والعجايز يصلن عالنبي
وام سعد مبين عليهه حيل مقهوره وضايجه كاعده ع صفحه