العشير

الجزء الثاني والعشرون

عباس. هذا اسد يابه
.
ابوعباس. هااا شعنده ع نفس الموضوع
.
عباس.  اي يابه
.
ابوعباس. اني ماعندي مشكله اخذ راي اخيتك وشتكول هاهيه انه هم هالفتره دزيت ناس سألو وهم حجت ويه ابو ع كم نقطع وطمني والولد خوش ولد والله يقدم الي بي الخير بس من هسه لتكثرون حجي ولتكولون الي جان مخطوف وياهه الي يعرف يعرف والي ميعرف سكتو وتجنبو المناقشه بهيج موضوع حتى ليصير حجي زايد والله يقدم الي بي الخير
.
عباس. ها برنسيسه ريحانه هانم شاد اوغلو شنو رايج
.
ضحكو ع حجاية عباس
.
ريحان. بكيفكم اني مالي كلمه بعد كلمه بابا
.
عباس. ايباااااااااااخ شو من نحجي بسعد يطلع لسان دلاله لاكلمه ابوج ولابطيخ هسه عبن رايده تتنعوصين علينه
.
ابوعباس. هههههه يول فك ياخه عن اخيتك... هاهيه بابا بيها الخير الله يسعدج يارب
.
ريحان خجلت كامت وراحت لغرفتها سدت الباب وقفلته وكامت تكمز وتركص فرحااااانه
.
ريحان. ابشر اسد لووو اعوفه يتعذب واهلي يكلوله....
خلي خلي هسه كاعد ع اعصابه
هم اني ميصير اصير خفيفه وسهله
يي يي خليني صعبه واتغلى علي
ينشلع كلبه يلا بلكي هم يخلو لليل لو لباجرر

امممم حكول لحنين ليرجعون خبر ينتظروني لباجر افكر زين واردلهم
اي اي
.
ريحان. حنييييين
.
حنين. هاحبي
.
ريحان. تعاي
.
حنين. هاحب
.
ريحان. تعاي وسدي الباب
.
حنين. شبيج شكووووو
.
ريحان. كولي لعباس ليرجعون خبر لباجر اريد افكر زين بالموضوع حتى مااندم
.
حنين. هاي كل عقلج لو تشاقين
.
ريحان. هههههه لا يمعوده بس اريد ينشلع كلبه
.
حنين. لا يولي خطيه هو مشلوع كلبه بالمستشفى و وراهه حيل قاهرني يولي لسوين هيج
.
ريحان. ميخالف يلا روحي
.
حنين. خاف ينجلط وهم نظل شهر زمان فايطين
.
ريحان. درووووووحي يلا كليلهم
.
حنين. اوك بس امشي للمطبخ واني انظف البيت مو تنهزمين ترا حيل تعبانه ريحانه
.
ريحان. اصلا كلشي لسوين اليوم استراحه مني مدام الله وفقنه وحننجمع ع خير ان شاءالله
.
حنين. عوبه
.
ريحان. دروحي قبل ليطلعون لدواماتهم
.

.
راحت حنين لعباس وكالتله
.
عباس.  و ليش بله مو انطيت كلمه للولد
.
حنين. عباس هي كلتلي
.
عباس.  عود بلا فيكات زايده
عيب من الولد
.
حنين. عباس لتلح هي تريد و بعدين مو عيب هو عرف انكم راضين و التأجيله منها انها دتفكر مو ميته علي و هيج
.
عباس. خير ان شاءالله ما ادك و اذا دك اكله باجر نرجعلك خبر البنيه كالت انطوني مهله افكر ارتاحيتن سنادس
.
حنين. اي حبيبي
.
عباس. هاااا اكلج تعاي للغرفه رايدج بشغله
.
حنين. هاي شبيك مادكيت وركصتلك و راسا ماعت روحك هي كلنه حبيبي
.
عباس. شفتي اني مرهف المشاعر بس حبيبي هيجت مشاعري
.
حنين.  المرهف يردهه مثلهه مو باله بغير سوالف
.
عباس.  اهووو شغلة الاسطوانه منريد يابه
.
حنين عافته و راحت لريحانه فهمتها وريحان ضحكت
.
حنين. يلا لشغلج
.
ريحان. و غلات امج متشتغلين شي كله اني اذا ابالج شي كليلي خاف ماابالي
.
حنين. ابدي بالكنس والمسح يلا
.
ريحان. صار وتامرين امر
.....
اسد ورا مخابر عباس وكله ظل ع اعصابه
سجى خابرته وحجه وياهه
و حجى ويه امه وراهه فهم ابو كلولي العصر وانتظرهم اذا ماكو امل ارجع و اذا موافقين يجيب العشيره وشكو شيخ ويجون عاليوم الي يحددو مشيه
كضاهه يحسب دقيقه دقيقه اجه العصر
اذن العصر
بالخمسه
بالسته
بالسبعه
بثمانيه ماكو
طكت روحه كال بعد مابيهه هسه ادك وافتهم
وفقد الامل حس مردو يعني ميريدون و هيج
.
اسد. السلام عليكم
.
عباس. هلا حبيبي... والله احير شكلك واكلك حبيبي وحياتي شكولك اسودي ترهم لولا؟
هههه
.
اسد. كلي شتريد يمعود اني ع اعصابي وانتظرك
.
عباس. و الله يا اسودي مدري شكولك
.
اسد. لا ع بختك لتكولها
.
عباس. لا لا لتخاف مو الي ابالك بس البنيه تريد تفكر وكالت انطوني مهله الباجر
.
اسد. يعني انتو موافقين والشغله يم البنيه؟
.
عباس.  بالضبط وين نلكى نسيب احسن منك اسودي
.
اسد.  تسلملي حبيبي يلا انتظركم شسوي يربي
.
عباس. هههههه امرك ل الله تحمل
.
اسد. ههههه حبيبي عبوسي.. يلا سلملنا
.
عباس. هلا بيك عمري
.
سد الخط و
اسد. اني اعلمج عوبه ولاتبطل مدابل وعناد اليقهر بداخلها ميته بيه اعرف وذايبه بيه بس كبرياءها دمرنا اثنينه
يلا شسوي اتحمل منا لباجر بس شينومني يربي اليوم
.
ظلو الاثنين ع نار والليل منامو فرح ع شوق ع امل ع مشاعر حلوه تكفيهم منا لقرن كدام بس اكو خوف عد اسد خاف متكمل

لو ريحانه تلوصها و خوف ريحان لا يصير شي ومتكمل شغلتهم
ف الاثنين ابالهم راسا يعقدون حتى تصير رسميه ومحد يكدر يتراجع لو يخربها تصير حلاله شرعا وقانونا

اجه الفجر و صلو و دعو الله يوفقهم ويكون وياهم بهالعلاقه هاي وتنبني ع حب الله وتوفيقه وبركته
نامو مرتاحين واجه الصبح وكعدو وسون الريوك وديتريكون
.
ابوعباس. كمل ريوكك ورجع خبر للناس عيب
.
عباس. اني حكول لاسد بس هم انت خابر ابو وتعذر عالتاخير و هيج وكوله موافقين ونتشرف وحدد الخميس المشيه
.
ريحان. لالالا شنو الخميس اليوم اثنين شلحك
.
عباس. شتلحمين سندس شبيج
.
حنين. متلام بيك يراد نرتب وننظف البيت حينترس عالم ويراد نحجز ضيافه كيك وعصاير وتوزيعات وحلويات وفواكه عالميز نرتبه
.
عباس. اي هسه بعصريه فضت
.
حنين. ويحتاج ريحانه تتهيأ تشتري فستان ع شعر تحجز وتصبغ ومكياج شنلحك بهالفتره شنسوي
.
احمد. شعريش مكياجيش
.
ابوعباس. بابا حيعقد شيخ وسيد عليهه تصير حلاله بشرع الله وكدام العالم حلاله ترا المحكمه شغلة قانون لااكثر  واني شويه معارض بس كلهه هيج اذكر بنات عمك وهيج وعماتك واني من اعترض امي الله يرحمهه جانت تفهمني
.
ريحان. مابيهه مجال
.
عباس. لا اني ارتب الضياف بس حنين تكولي بورقه شتريدن
يابه وعلى حسابي لخاطر عيونج
.
احمد. واني عليه الفستان والشعر ع كولتج والمكياج
.
ريحان. لاخطيه انت دتشتغل حتى تلم لعرسك وهم دتداوم تحتاج مصرف اني ضامه مجمعه كل راتب اضم منه (جانت ريحان تجمع حتى لتحتاج احد وهم تشتري ذهب هواي بس مقرره متحجي انه ذهبها ومن تخطب تخلي اهلها يلبسوهه علساس جابو الها كدام اهل زوجهه تتباهى بس الي متعرفه انهم هم مراح يقصرون وياهه)
.
عباس. بداليش هسه الوالد يغركج فلوس متصرفين شي مو يابه لحلحل جيبك هههههه
.
ابوعباس. يابه وتدلل ريحانه ذني عليه وفوكاهن زياده
.
احمد. لعد اني اجيب الكوشه والميز خطيبتي بوكتها مسويتهن بمشيتهه حلوات فيكات البنات ههههه
.
ريحان. حنين وانتي متشاركين
.
حنين. اني مني بوكيه ورد هههه
.
ريحان. لابله ماريد غير العريس يجيبه
.
عباس. واذا مجابه
.
ريحان. لا شنو فشله اكيد يجيب
.
حنين. يابه مني احلى محبس ذهب لايد ريحانه
.
ريحان. لو ادري من زمان مزوجه حتى ادللوني
.
عباس. اي بس نريد نخلص ههههههه
.
عباس. يلا سكتو حخابر
هلو حبيبي
الحمدلله
هلا هلا بيك
يابه الجماعه موافقين
هههههه مبارك خويه
وابويه يكول المشيه الخميس
اي اي
وهم حيخابر الوالد ويتفاهمون ع كم تفصيله
اي عادي بعد احسن تعال
اي العصر ماعدنه شي بس ابويه يكمل صلاته وينطيهم دري ساعه يكمله ويجي ورا اذان العصر
اي اي
تعال تعشه يمنه
لازم نتناقش ع بوكيه الورد موضوع مهم
هههههه يابوكيه هاااا من تجي افهمك هههه
الل الل الله وياك هلا حبيبي هلا
مع مع الس الل الله وياك هلا حبيبي