العشير

الجزء الرابع

وفعلا راحو للكوخ وملكو احد مقفول بس خشب هو كسرو جامه الباب ومن جوا فتحو
تدرون ع جبال تركيا الجو حتى لو صيف بارده
مابي كهرباء لكو حطب ومدفأه بكل غرفه جان اكو ٣ غرف وهم جانو
واحد واخته وبنت عمهم خطفوهم سوا من جانو بالطريق من الجامعه
واربع ولد هم سوا جانو سايقين بالشارع اصدقاء
وواحد بسيارته خط لاخته وموضفات ٣ وياهه باحد البنوك المعروفه ماكدر اكول اسمه
واسد وريحان
يعني صارو ١٤ اتفقو البنات ع غرفتين لان ميكفي المكان صغير
والولد نص بالغرفه ونص بالصاله ومينامون يتناوبون خاف يوصلوهم بين ميجي الصبح

المهم جانو مكيفين بالمكان وخوش لكو بي معلبات بالجرارات
اكلو وشبعو وسوو شاي وشربو متونسين سوالف وضحك ولاكانو

وجانن البنات طايرات من الفرحه لان حسو اجواء المسلسلات التركيه وهيج تعبو وفرشو ونامو
والولد سوو مناوبات
هم فاتو للحمام سبحو ومن اجه دور ريحان وفاتت صارت حركه واصوات شكو اجوهم
راسا كعدوهن وكلمن ياروحي وحاولو يستعجلوهه تبدل

وينتظروهه بس هي من الخرعه كامت ترجف مدتلحك اسد كللهم روحو اني وياهه مقبلو زاد الوضع راحو وظل وياهه طلعت شامبو ع راسهه وايدهه وهدومها مبلله ومبينه ملابسه صح وموكلهن المهم قربو كللها ختلي وبزمها عوده خشب مال حطب
.
ريحان. الله عليك ديربالك ع نفسك
.
اسد. ان شاءالله انتي هم لتخافين وصيري قويه اي لحظه ضعف تنكلب فوك راسنه
.
وهو هم توثيه جبيره ووكف ورا الباب
.
ريحان.شكرا معفتني
.
اسد.لاشلون المره بشارب الغانم هه
.
ريحان.اششش ههه
.
اسد.بس هاي خدمه دين بركبتج لازم توفيلياهه

.
فاتو حارس وبنت وياهم مسلحين بمسدس علساس متوزعين كل اثنين بمكان
هو راسا ضربه براسه سطره سطر وفاتت ورا البنيه هم جتهه سطره ثانيه طبت فوكاه الحمدلله
.
ريحان. يسسسسسسس عاشوووو والله وانك رجال وكفو
.
اسد. شعبالج بابا غير يسموني ارطغرل العراقي
.
ريحان. ههههه شحدك توصله
.
اسد. ياعوبه لومااني شيخلصج ام عطوب
.
ريحان. ديلا يلا قبل ليكعدون يكصون راسك مثل جنكيز خان
.
اسد. هاي طلعتي متابعتها خوش تفيديني نكمل الحلقات الي فاتنا سوا
.
ريحان. خلي نطلع وربك يسهل
.

راسا جرهم كلمن ع كرسي ورطوهم بالجراجف شككهن بالسجينه وصل طوال وربطهم بيهن واخذ من جيوبهم جنسيته وجنسيتها الهم حتى يأمنون ع نفسهم الحمدلله جناسي عراقيه واقامات مدتهن ٦ اشهر لوووز

واخذ فلوس ولبس هدومه بنطرون اسود وفانيله سوده نص ردان وقمصله لان هدومهم وصخه وريحان بس اخذت قمصلتها وحذاء بوت همزين ع كدهه وفاتت دورت بالكنتور لكت كله سفردح هي متحجبه ف اخذت كيلوت لكت وبدي هو نص ردان وضيك بس اكو قمصله هاي اخذتهه تغطي والشال كصلها من جرجف ابيض ولفته عليهه زين

واهم شي كسرو موبايلاتهم وشدوهم زين وطلعو
مشو هواي سوا ومرات كاع طين ووحل كوه يمشون
.
اسد. دنطيني ايدج خلي اجرج بسرعه خلي نخلص من هالمنطقه
.
ريحان. لاخويه ماكدر
.
اسد. ولو ردج مؤدب كلت حتعيطين بيه
.
ريحان. اخويه اني موصلفه والله بس مدري ليش انت حسيتك مثل اخواني واندمجت وياك
.
اسد. يلا هم نعمه ونقمه
.
ريحان. شلون
.
اسد. نعمه امنتي بيه واندمجتي ونقمه مثل اخوتج موكلتني تمر الله يعينهم
.
ريحان. هههه دمشي امشي
.
اسد جر ايدهه بدون لتحس وسوا امر طبيعي حتى لتنحرج ومشو بسرعه لحد موصلو قريه جبليه موحيل جبيره وبيوتهه قديمه وزرع وحلال بس تجننننننننن ع نص الجبل يعني
وصلوهه كلهم طين ووصخ والدنيا صبح وهيج
.
راسا كعدو يم جامع بيهه ع الحايط وغفو