العشير

الحزء التاسع

جان امير ميحب علاقات تافهه كبر اكبر من عمره وشغل وهيج ف ماحب يوصخ نفسه بعلاقات المراهقه الفاشله خاصه ربعه اكبر منه واخو كله هي بس تلوث نفسك لااكثر

ونس نفسك بهواي امور هالموضوع حيخليك تصادق بنات مختلفه وكلمن وطريقتها وتجرب كلشي من تتزوج مراح تكتفي لان انت صادقت الزينه والموزينه تجي مرتك متكتفي بيهه لان مجرب كلشي

ف تحن لفلانه تحسها احسن من مرتك تحن لطريقه علانه تحسها احسن فتصير حياتك ممله مابيهه امور جديده كلشي جربت وتصير بارد بزعت تغار وبزعت تشتاك ووووو لان جربتهن وبزعت

ف حان موحيل يمكن صداقه زماله علاقه علاقتين بس جان تفكيره جدي وعملي شكد ميحاول قلبه عقله اقوا
بس هي ترا من يدك الكلب هاهيه بعد مره شفت لقاء شاعر يكول للمذيع احبه بحيث وصلت مرحله احس عركها ريحته طيبه شوف وتخيل ويجوز هي امها مطايقتها بس موبيده الشخص يوصل مراحل عظمى

قطعت تفكيره ريحان ب
.
ريحان. اسد اكلك سؤال محيرني
.
اسد. تفضلي بس موبايخ
.
ريحان. لاشلون
.
اسد. ديلا ابهرينس
.
ريحان. انت شنو يدلعوك شكد فكرت ملكيت
.
اسد. تفضلللللل. ليش ناويه ادلعيني
.
ريحان. لا والله فضول حباب
.
.. اسد. موبنت ودلوعه اني بس قصدج شنو ينادوك او يلقبوك بالبيت
.
ريحان. ايووووون كده هوت
.
اسد. ياعمي ينادولي اود اود من جنت صغير ومرات امي وخواتي من يردن مصلحه هههه وينادولي ابو الاساديس مدري شنو هذا
وربعي ينادولي شيخنا هيج نهمبل ع بعض يعني اسد ميصير بي حيل بس يطعجون اسد بكل الطرق ويصيحولي بي اكو هواي
.
ريحان. اود اود حبيته ههههه
.
اسد. اسد اسمي اسد وانجبي
.
ريحان. اوك عيني سكتنا
.
ريحان ورا كلام اسد قررت تاخذ الصور من البنات وتنطيهن حسابها يسكرننه من يصير نت يتواصلن وياهه ويدزلها صورهم ومرات تثبت الفون وتصور فديو للحضاتهم سوا بدون ليحس

قررت تحتفظ باكبر عدد ذكريات يهون عليها اذا اشتاقت تفتحهن وتصبر نفسهه لان حست غير محافضه وغير طائفه وهو طبيعي وياهه بتصرفاته

ف جانت تفكر المستقبل ميجمعهم خاصه ورا الي جانت مفكرته حبم غير مشاعرهه حيل وللاسف البنات بهيج امور القلب هو الي يسيطر بس محد مثلهن بالمكابر وانو توكع بالحب وتوصل اعمق مرحله بس كبريائها يمنعهه تتنزل وتبين اله هو يبادر ويتعب ويحاول يلا

خاصه هي موسهله صعبه ومتربيه ف مومثل الي بنظره تجي هي وتبادر ف مامنعت روحهه تعيش هالمشاعر بس بينه وبين نفسهه حتى لو ع حسابها هي

اسد حس بيهه بس مكدر يأمل روحه وياملها وهو مابيده شي
.
اسد. ريحان مدام فونج يمج امشي نكنك عالنت بالمكان الي رحناله اني وحسين واحجي ويه اهلج بالمقابل هم اني احجي وياهم هناك عدهم جهاز افتح حسابي واحجي ويه اهلي
.
ريحان. اي والله ياريت يلا حروح بس ابدل
.
اسد. لا لشواي موهسه
.
ريحان. لعد حروح اخذ دوش
.
ريحان تاخرت بالحمام
مممم طبعا هي شعر وجهه ميبين بس حواجبها ثخنت وشويه شوارب بس مونشاز وايد ورجل هي شعرهه وبر ميبين حيل بس نظافه وهم يسمر الوجه يعني ميبين شعر بس من ينحف يبين الوجه نظيف وابيض وحلو
حفت وكملت وطلعت