العشير

الجزء الثامن عشر

ابو عباس. ههههه لالا هذا الهول فارغ فوتو بي منا بس ترا ابني الوسطاني نومته ثكيله تعال عبوسي انطينه المي واخذ الولد بالهول شويه
.
عباس. حاضر يابه

.
راحو الولد بالهول و
.
ابوعلي. ابوعباس انه ماعرف منين اجيك
بس ان شاءالله ماتردني احنه طامعين بيكم ونرسد الكرب ونناسبكم
.
ابوعباس. هااااا قصدك بنتي ريحانه
.
ابوعلي. اي الله يحفظها والله اسد حيل يحول خوش مىه ومربايه وعاشت ايدك ع تربيتها
.
ابوعباس. بس عمها رايدهه لابنه والله
.
ابوعلي. لااا شلون سالفه هاي
.
ابوعلي انحرج يفتح الموضوع وصاح اسد
.
اسد. هايابه
.
غمزله وكله
.
ابوعليي. خالك يكول رايدهه ابن عمهه
.
اسد. خالي هي موافقه
.
ابوعلي. اي ليش لا راضيه بابن عمهه
.
اسد. لتفهمني خطا حسيت ردك تعصبت بس يعني هو يعرف بوضعها الصار هناك وقبل؟(احس يحجي ومتوتر)
.
عباس. اسد احجيلي ياوضع سمعتكم بالخطا من دااخذ طبله
.
اسد. اقصد خاف جبرتوهه بابن عمهه علمود السوو هناك بيهه وحيظل ياذيهه ويعذبهه ويسمعوهه حجي وانتو متكدرون تصرفون يعني تضيعون حقها وانه والله رغم الصار شاريهه لان هي موبيدهه بعد وانه عشت وياهه ايام

مايوم جتي وحاجتني اله للضروره وبرسميه وخوف ومخليتكم بين عيونها انه وين الكى هيج مره بعد وانه لو ما الصار وياهه حيخلي ابن عمهه يذلها طول عمرهه مجان اعترضت
.
عباس. شنو الصار اسد احجي
.
اسد. هي اخر يوم كلتلي وحلفتني مااحجيلكم لان مراح تكدر تحجيلكم وشلون تباوع بوجهكم انه ترا بس ابويه واخوي الجبير فهمتهم الحجي

لان بنت صديق ابوي وياهم واهله مسفتهمون وميخافون الله ف حابسيهه ويعذبوهه ع ذنب مصار وابوي ايدني انو اخذهه واعيشهه معززه مكرمه وع جثتي احد يحجي وياهه ويمسها بحجايه حتى امي والبنات ولااي بشر يعرف ولاحيعرف بيوم

احنه هناك فصلونه صح بس عرفنه انو ديشربوهم حبوب وهم جانو يعذبون البنات تعرف انت بعد بس اختك جتي متاخر وانه راسا سوينه خطه وطلعنه البنات كلهن خلصناهن وهواس ماتن جوا اسدهم وهي مره جابو طبيب لان اذوهه و...
.
ابوعباس. اششش اسكت بويه ماكدر بعد اسمع اكثر روح عباس نادلي ريحان
.
عباس. عوفهه يابه نحجي وياهه بعدين
.
ابوعباس. لابويه هسه كدامهم ونفتهم هم يدرون بعد
.
عباس راح صاحلهه لكاهه بالمطبخ عيونهه حمر وخايفه وترجف كللها تعاي تساله ليش سكت راح كدامهه
لحكته وسلمت وتباع بخوف وجوهم مطمن بس اسد اشرلها براسه كعدي وعادي يطمنها
.
ابوعباس. بويه العالم جايه تخطبج
.
ريحان دنكت راسهه
.
ابوعباس. بس حجوله حجايه تذل وتموت ييابه
.
ريحان راسا رفعت راسهه ع ابوهه. شنوو بابا
.
ابوعباس. ليش محجيتيلنا شصار وياج هناك ليش نسمع من الغربه ليش عمج لوى ايدي اليمنه وهسه لوو ايدي اليسره ليش بويه
.
ريحان راسا كعدت يم رجلين ابوهه تبوس بيهن وتبجي تشاهك اسد خاف متحجيله الي اتفقو علي من خوفهه والموقف واهلي والولد وصعبه بس كالتله
.
ريحان. بابا خفت خفت تموتوني واني اكلكم ماريد سعد اذا درا تعرف عمي وتعرف سعد راح يعيشوني خدامه مذلوله
وانتو متكدرون تحجون او تاخذولي حقي
اعيش عمري الي الله انطانياه معذبه
بقوني يمكم والله ماريد
لااغرفه ولامصرف ولاشي اني اشتغل واعيش روحي مااثقل عليكم بس بابا سامحني والله اني معليه وموذنبي بابا الله يخليك
.
عباس اجه وخرهه وكعدهه بصفهم
.
ابوعباس. لابابا سكتي انه اعرفج مالج ذنب بس ليش محجيتي انه اذيتج قبل حتى هسه ااذيج
.
ظلت بس تبجي وتشاهك
.
ابوعباس. انه بهالحاله لاانطيهه لبن عمها ولا الك ولا لاي شخص تبقه يمي ونخلص شيضمنلي انتو ماتأذوهه بيوم
.
اسد. لالاااا عمي لتحجي هيج انه والله شاريهه ووميت مره اوصل الموت حتى احميهه انه مااحصل وحده مثلهه واخذ كلمه وعهد حرف محد يسمعهه وانه عايش وتعال واسال اسد اذا حجه حجايه للموت ميعوفها
.
ابوعباس. انتو صاير بينكم شي بالغربه احجولي ومني الامان
.
ريحان. عزااا بابا الله عليك لتحجي هيج
.

تحجي و تبجي
.
اسد. والله ييخالي اني لوصاير شي جان عفتها وماعليه اي شي ولاجان ردتهه هيج بس لان بنتكم ونعم التربيه حتى اسال الي جانو ويانه الاتراك عمي شكد حجيتلك قبل هم اعيدهن زلمه شطولي شكدي عاد لصدني صدك هالمكروده الي مربيهه وتعرفهه اكثر مني

.
ابوعباس. والله مجتف انه يصير تنطونه اسبوع نفكر
.
ابوعلي. فكر واسال وتعال ويانه للجنوب نضيفك واسال براحتك ومانلكى بس خير.
.
ابوعباس. لاوالله الفتره الي نصادفكم بيهه ماشفنه اله كل خير وموقصدي لاعراسي بس اريد اشوف الوضع وارتب ويه عمها وتدري انت ونردلكم خبر
.
ابوعلي حجى ويا هواي والولد وعباس واجه الغدا وتغدو وضحكوهم وتشاقو غيرو اجواء ووو
كملو ورادو يطلعون جلبو بيهم بس مقبلو
كلوله ننتظر ردكم هاليومين باقين هنا واسد اخذ عباس ع جهه وحجى وياه
.
اسد. عبوسي حبيبي اني حيل رايد اختك واني حالي من حالك ترا بهيج امور اقفل احنه شباب ونعرف اذا صارت علاقه نكش من البنت خاصه اذا احنه مطولنه سوا هناك يعني فتره قليله ف اذا بنت تقبلها ع روحها بهالسرعه تصادق حنكول سهله وسريعه ف اني اللحاحي ع اختك والله

لان شفتها بنت دره مال الله واهلها تعبانين عليهه ظلم تنذل ويجوز ابن عمكم يفضحها ويجوز ميت سبب بس اني والله وعد للموت هالشي مينذكر كدامها ابد لان اني جنت هناك وشفت تعذيبهم ووحشيتهم

ف انت هم حاجي ابوك والله متندمون تندمون بس اذا انطيتوهه لشخص ماشاف الي اني شفته ويضيع حقها ويدمرهه لبنتكم وبقت يم الله ويمكن وان شاءالله مترجعونه خايبين
.
عباس. والله اسد اني بصدمه ومدري شكولك بس ان شاءالله خير انتو هم ناس طيبه وماكومنكم
.
راحو وودعوهم وابوعلي كال لابو عباس
.
ابوعلي. ابوعباس عود البنيه بامانتك امانه الله ورسوله لاتاذوهه لابحجايه ولاغيرهه البنيه هسه بيهه الي مكفيهه وانه لوما كتلي ابن عمهه ماحجينه الي حجيناه بس ردنه نوضح حياتها شراح تكون واحنه رايديهه وشاريهه

وبعون الله هالموضوع ماينفتح كدامها بعد وماتشوف منه غير كل خير ونعتبرهه وحده من بناتي وترا طمعانين بكربك احنه وبعزايمك الحلوه لاتكطع حبل الوصل بينه ابو عبوسي الورد.
.
وسلم علي وباسه وطلعو
سدو الباب وفاتو وكعد بالديوانيه ولزم راسه ودنك
.
عباس. يابه هدي لتتعب علينه
.
ابوعباس. شهدي يابه شهدي
.
عباس. هاهيه هذا امر الله والبنيه من جتنا وهي ممرتاحه وشوف شجاب بداخلها من قهر وخوف وميت سالفه البالها ومهضومه وساكته والله قهرتني
.
ابوعباس. شنكول لعمك هسه
.
عباس. يابه كله ماكو نصيب شو انت طاير وراهم و على رضاهم وميرضون وهم شفت عمي شسوا ذبها براسها كله متقبل البنيه بصدمه طالعه منها وممستقرين
.
ابوعباس. واذا تزوجته حيكولون بينهم شي ومن قهره رفضناه يطلع حجي موزين
.
عباس. يابه الولد واهله شاريهه ومبينين خوش اوادم والولد رايدهه
وعمي نسدهه ونبلغ اهل الولد   عمي شويه يتقبل الوضع ورا فتره نراضي ونسدهه بصلح وراهه اذا رادو يجون منكدر نكله موهو لان عمي يعرفهم بفتره من نروح لبغداد ويدرون الولد من الجنوب وهيج بس نرتبهه عود
.
ابوعباس. يصير خير نروح انه وياك ع عمه ونحجي ويا بهدوء وشيكول اسكت وتحمل ومشيهه ونشوف تاليها

هسه روح صيح اختك خلي نفتهم منها