العشير

الجزء الخامس عشر

هل ياترى قصة ابطالنا المستحيله والي جمعهم القدر سوا حتى بس يتعذبون البقى من عمرهم ع امل يتلقون
.....
اسد
جان اليوم طبيعي وحلو تريكنه وكملنه ولازم بكل كعده امي دزوج يمعود وفضنه والله كبرت وكلهه عرست بس انت فرحنه بيك

ولسويلك عرس ماصار مثله وهالحجي واني ابتسم والله كريم وامي تعرف يعني سديهه واكطعي روحج هههه مرات يلمحلولي البنات وامي ع ريحان ويسالوني عنها وهيج

مرات اخزرهم ويسكتون سهى خيتي تغطي عليه تكلهم اش وعيب وخطيه البنيه تجيبن طاريهه وهيج

يدرون بيهه كاتمه اسراري بس مرات تذلني ف لو تدري اكوشي تظل تبسمر وهيج بس هي لعبتهه صح وسوت العكس هالمره لان شافتني صدك متعلق
.
ريحان بقت بصراع الرفض لخاطر نفسهه والقبول لخاطر ابوهه
وحست اسد وهم بحياتها شي مستحيل يصير وماكو احتمال ولاواحد بالميه يتحقق

ريحان استسلمت وعافت اسد متأمل بوحده اسد عايش فرحان بهاي اللحظه وهي عايشه بصراع

تمنت مارجعت وانهزمت ويا تمنت مسكتت وعبرت عن مشاعرهه وعاشو سوا وطز بالكل حاجين حاجين بس وكف بعينهه ابوهه واخوتهه شنو ذنبهم

ظلت بحيره وتوتر وكلساع يجي واحد من اخوته يحاول يقنعها وهي تبجي وتهز براسهه وساكته

لان تعبت وحجت الي تريد تحجي الف مره بكل مره يجي ويسالوهه وتعرف يعرفون ف ماكو فايده حست روحهه بدون حيله بالموقف تمنت امهه موجوده تغفى بحضنهه

وتمسح ع راسهه وتقرا قران مثل مجانت تسوي قبل تمنت ابوهه يوكف وياهه ويرفض وترتاح

ولاهالتوتر كل البنات مرن بهالموقف شكد صعب وحتى لو يجيهه اول مره ومتعرفه وممتاكده اي او لا حيصير بيهه نفس الشي فمابالكم موقف ريحان

ظلت ريحانه بحيره اليوم كله وتوتر والبيت كله ضايج لليل اجه عليهه عمهه ومرته وسرمد وبنتهم الي تكره رريحان وريحان تكرهها
طبعا ريحان مقبلت تفوتلهم كل متجيهه حنين تكلهه مااجي وتعصب عليهه

اخر شي راح ابوهه رزلهه وكلها امشي سلمي راحت لابسه دشداشه ورديه شال اسود وخف اخضر وومخليه مكياج ووجهه احمر من البجي

بوست عمهه وعبرت سعد منفهتله لبسته ومرت عمهه بوستها وبنت عمهه بس انطتهه وجهه بنت عمهه باستها جتي حتى تروح للخد الثاني جان توخر وتعوفها فشلتها

حجه عمهه وياهه وعمتهاا ونخليج بعيونه بس هم من بدو يحجون بس دموع تكت وترجف بكد مدتكتم بنفسهه وتحاول تبقه عاديه بس جسمهه مديتحمل اخر شي كامت تبجي بصوت ظلت تبجي راحت حضنتها مرت عمهه

من كملت بجيتهه وسكتت هم ظلو ساكتين ينتظروهه
.
.
ريحان. عمو اني احبك انت وعمه والله العظيم وماعندي مشكله وياكم وحتى سعد ماقاصره شي