العشير

الجزء السابع

راسا سوا روحه نايم وغمض
.
هي باوعتله وضلت صافنه بي خطيه غفى هنا تباوعله وابتسمت وره شويه صحت حست ع روحها  راسا كامت للحمام غسلت وعدلت روحها ولفت شالها وطلعت لكته لازم جتفه ويتوجع
.
ريحان. صباحو
وتثاوب وتتمطى
.
اسد. صباحيش تعاي حيري بيه متكسر
.
ريحان. اويللي احلى نومه هههههه
.
اسد. لابربج حيل متأذي
.
ريحان. هسه ادفيلك زيت الزيتون شفت بالمطبخ راسا يفكك العضلات
.
اسد. اوك بس دبريني وجع
.
ريحان دفت زيت الزيتون بطاوه وجتي
.
ريحان. هاك افرك بي وين الوجع
.
اسد. ريحانه لتتخبلين (هو كال ريحانه بنتنا رجليها صارن خيوط هههه) سوي انتي متكسر والله وانتي دكتوره واني مريض الله عليج لسوين هيج
.
ريحان راسا تنازلت لان فعلا اعتبرته مريض
اجته ونزع فانيلته وبصعوبه مكدر وساعدته وجسمه عضلات واشم اسم بالانكليزي صغير مكدرت تركز وتقراه ينتبه المهم
كلتله وين الوجع واشرلها جتفه كله وايده اليسره هي بدت تخلي دهن علي وتمسحه بيدهه قوي وتقرا ايات قرانيه لما حست عضلاته ارتخت شويه حاولت تقرا الاسم مكدرت
.
ريحان. عافيات كملت
.
اسد. يعافيج مشكوره
.
ريحان. لمحت وشم بس مركزت علي شنو هذا
.
اسد. هيج اسم
.
ريحان. بنت؟
.
اسد. هههه اي (ابتسم ودنك راسه وهزه)
.
ريحان. منو شصير منك
.
اسد. تصير كلشي بحياتي يعني ادفن نفسي عايش ولا شي يمسها و....
قبل ليكمل عافته وراحت هي وطاوه الدهن للمطبخ هو فهم انو ضاجت وهذا المطلوب وهي من حست روحهه انتبه ضاجت وعرفت ديتغزل حتى يضوجهه وهم تعاقبه وهم تعاقب روحهه ملازم تتعلق وتبني امال هسه تاليته يطلع مزوج وعنده اطفال وليش تامن تعرفه يعرفها سوت ريوك هو تقريبا محضر مال بارحه بالثلاجه بس طلعته عالميز ورتبته

اسد. عاشت الايادي
.
ريحان. تسلم 🙂
.
اسد. احسج ضايجه
.
ريحان. ههههههه حيل
.
اسد. ليش
.
ريحان. ماكو طماطه مشتهيه طماطه وبيض
.
اسد. علمود هاي
.
ريحان. اكوشي لازم اضوج علي
.
اسد. لا بس ا......
.
قاطعته
.
ريحان. شخبار جتفك هسه
.
اسد. لااحسن مشكوره
.
ريحان اكتفت انو اشرتله براسهه وابتسمت
كملو اكل راحت لمت المواعين وراحت للمطبخ كام يلم وياهه
.
اسد. اساعدج بشي
.
ريحان. لاتسلم بس ارجتهن بالثلاجه مدناكل حيل ودارجعهن بمواعينهن بس لازم امسح البيت احس متربن حسويلي حمله
.
اسد. ماشي لعد سوي المطبخ والحمام واني الغرفه والصاله لان سهلات بس اعزل ههههه
.
ريحان. عمي خلف الله عليك حتى اذا متريد عوفهن اني اسويهن
.
اسد. لاعمي شدعوه قابل حنقص شي
.
ريحان. يعني انت بالبيت هم تساعد
.
اسد. اي شكو بيهه
.
ريحان. خوش لعد باشر
.
اسد. حاضر سيدي
.
ريحان. هههههه شخبل.. عزا 🫣
.
اسد. شكلتي؟
.
ريحان. لاوالله زله لسان اقصد شكد فكاهي وتضحك وهيج 😭😭
.
اسد. لتعيديهه بعد
.
ريحان. صار 🥺🫣
.
المهم راحو يعزلون وهي تدندن وتنظف وراهه اندمجت وكامت تغني نست روحها