العشير

الجزء الثاني عشر

ريحان. ههههههه مشكور يابه مقصرت
بس الافهمه انت موهيج تشاقه وتعارك يعني معقد
.
اسد. صراحه اي ومالي خلك سوالف هواي ومدابل وهيج بس مدري خبلتيني وياج ههههه
.
ريحان. الحمدلله كسبت اجر باهلك وربعك لعد
.
اسد. عوبه موبيدج امشي شوفي الاكل بعد مااتحمل
.
ريحان. يلا تحضر وحضر الميز حصب

وجابته صينيه ثرييد خبز وفوكاه تمن وشعريه وفوكاه دجاج وفوكاهن مكسرات وزلاطه وبصل ع جهه شي معتبر صراحه لوحه فنيه واكله اهل الانبار المشهوره

اسد اكل اكل موطبيعي وكمل جاب سفن شرب واثنينهم ارتاجو وفحطو ههههه
.
اسد. خرب يومج اكلج او نفسج بالتكل مال عجوز مو جدياتنا اكلهن هيج بي نفس طيب
.
ريحان. بابا يظل يكلي اكلج يذكرني بامي والناس تكلي اكلج مال امهات نفسج طيب مال كبل
.
اسد. اي لج بالضبط عاشت ايدج والله
وعلى هذا مجهودج تكعدين واني اغسل مواعين واصبلج جاي
.
ريحان. الجاي عالنار منصيته ع راحته هسه كمل ومحضره كوب الك اني مااشرب مااحبه
.
اسد. عاشووووو.. بس تشاقين ليش متشربين جاي يعدل المزاج ويكعدهه وزن وره الاكل
.
ريحان. عافيات الك اني ماريد تسلم
.
شرب جاي ومنسم راحت هي غسلت مواعين شافته مغلس ومتفلش
اجه يمهه للمطبخ
.
اسد. مدام لحيتي يلا غسليهن شو مدمر اني
.
ريحان. كاطعه نفسي
.
اسد. ريحان احسنه مرات دنلعب بيت بيوت والله
.
ريحان. ترا اني مرات اريد انكد او اسوي مثل امهاتنا واباءنا من يدابلون وهيج واذكر روحي فجاه قبل لااجفص
.
اسد. ههههههه يلا مبقه شي وتخلصين
.
ريحان. اممممم الحمدلله
.
اسد. يلا اروح انام اريح وانتي هم نامي راح اقفل البوب زين
.
ريحان. اي والله
.
العصر كعدها اسد انو رايح ويه حسين يكنك ويشوف الوضع رادت تروح ويا بس مقبل كلهه
.
اسد. ولد هم رايحين ونروح سوا حسين كلي
وانتي ابقي وسدي الباب
.
ريحان. صار... الله وياكم
.
اسد. يلا محتاجه شي
.
ريحان. لاتسلم
.
اسد اجاه حسين وكله بالاخبار انو اللقو القبض على منظمه ارهابيه وكله نفس حجيكم خاطفين وبتركيا عدهم موقع وهواي حجي اسد مراد يحجيلها يفهم ويرجع وراح ورجع
.
اسد. ريحانه البشاره
.
ريحانه. اي ادلل شنو
.
اسد. خلصنا من هالسالفه والقو القبض عليهم وحررو الخاطفيهم بس موكلهم اغلبهم ماتو للاسف وبلغونه الشرطه باجر بالمطار يجونه ونرجع وياهم بدون تذاكر اوشي الحمدلله
.
ريحان. ياااا يلا الحمدلله احلى خبر والله واخيرااا
.
اسد. حتخلصين مني..(كالها ويباوعلها بتمعن ينتظر ردة فعلها
.
ريحان. هاااا اي صح والله 😔
.
اسد. ضجتي؟
.
ريحان. اي ليش مااضوج اسد
.
اسد. ليش؟
.
دك الباب ههههه باصعب لحظه واللحظه الي ضعفو بيهه اثنينهم وعلى وشك يخربون كل مقاومتهم الفاتت خلاص
اشر براسه انو مووكتهم
.
طلعو الاهالي حسين كللهم وجوي يودعوهم وظلو هواي وانطوهم شغلات للذكرى ووصوهم يجون انوب ويخابروهم وانو حبوهم وحرامات وابقو تحبون بعض وتمسكو ببعض ومن هالحجي وعشاكم يمنه ارتاحو ورتبو غراضكم وكلولها بليل يجن البنات يساعدنها بالغراض وهيج
كملو وطلعو دنيا مغرب
.
ريحان راحت لملمت غراضهم والي جابوهن الهم وخوش جابو غراض من السوك كهدايا وهيج قطت اسد بيهن ههههه
.
وراهه لمت غراضه كلهن خلت لبسه الها واله للمطار ولملمت المطبخ وكلشي