العشير

الحزء الرابع عشر

جتي سهى علي
.
سهى. لك هلا بالضللللللللليع الماينشليييييع
هلا بسورها ونورها هلا بالاكوووو والماكو اشتعلوو شعل
.
اسد. خبال شبيج جيتي حامييه
.
سهى. مشتاااااقه ومدام صحتلي اكو موضووووع شيق
.
اسد. اي والله تعاي حيري باخوج
.
حجالها كللللشييي بالتفصيل الممل
.
سهى. سهله انت انشرلك صوره طالع بيهه ادمي هههه واكتب شي رمزي هي تفهمهه
.
اسد. يلا دوريلي صوره حلوه
.
ظلو يدورون هو قليل يصور والي يصورهه ينشرهه ف كلتله الك صوره احبهه بس قديمه واكتب انت
ونشرو الصوره والحجي الي تعرفو وعشيري وكذا
ظلو ينتظروهه ماكو ردة فعل بماانو فيسها باسمهاا وهيج بس ميذكر حسابهه شكد بحث ميطلعله

ظل يوم يومين والثالث بليل وطن اشعار اعجبت ريحانـه بصورتك هلاهلا اشتعلو راسا سكرن حسابها والايك عرف لحظه ضعف او تهور او غلط لان حساباتهم عائليه وهيج سكرن وصور حتى ليضيع انوب حيل فرح وكل شويه يفوت يلكاه بعده لحد ورا نص ساعه انشال هههههه غبيه حفظ حركاتها
حضن فونه واخذ نفس قوي ونام مرتااااااااااح
كانو بهالايك ردتله روحه

معقوله
حنبقى عايشين بوهم
واذا طرقنا مفترقه ليش انجمعنه من اخر االعالم و صار ويانه الي صار ليش هيج ل ولا سبب يعني

.
صبح الصبح و كعدو فرحانين وشعور حلو شايف البدايات وفراشات وهيج مدري ليش لايك شبع شوقهم طمنهم هم ابال بعض ارتاحو من الوساوس والتفكير اطمنو ع بعض مدري شعور لايوصف بوكتها انو جان مختفي وهيج وفجاه طلعت اباله

هي مكدرت تنزل لان صفحتها يم اخوتها وهم ابوهه دين ف متنشر اليعجبهه وهيج متقيده لااغنيه لاشعر تدرون ببناتنا
.
رأي اسد:

ولو هسه صارت صراحه موحلوه انو اي بنت متكدر تتصرف عالسوشال ميديا راسا طكتنا بحساب وهمي وهنه صارن يفوتن للولد قبل يحيرون شيسوون وميردن هسه فيطي ع كولت اسد
مدري الوضع حيل خربان تفوت تشوف تعليقات اي منشور مشهور او عادي تلكى اغلب التعليقات بنات واغلبهن تعليقات مخله للادب وهيج ف واحد لازم هو يحافظ ع روحه يبقه بنظر نفسه جبير وراضي ربه ونفسه هيج بس الناس راح تهابه وتحترمه لان هو مخلي قيمه لروحه ظابط نفسه من الغلط ومسيطر ع نفسه النفس اماره بالسوء وتحلي الاخطاء بعين الشخص من ضبط نفسه يعيش اخلى عيشه ربه وهو راضين علي ف يتوفق
...
ريحان.
كعدت الصبح صاحولي حتى نتريك غسلت وبدلت دشداشه نص ردان طويله كودري هههه لكيت حنونه بالمطبخ الله يحفظهه حيل حبابه عبالك امنه قايمه بالبيت كله بس احنه منخليهه بوحدهه حتى الولد يشتغلون وبابا هم كلمن يلم فراشه ويعزل مكانه

الي يجوع يطبخ مرات حتى بالوجبات يساعدونه كلمن يلم ورا هي هم بشر موخدامه زايد منها مامجبوره لوغيرهه متقبل ولاتتحمل ف احنه وياهه ونحبهه وتحبنه مرتاحين سوا واني وياهه حيل نحب بعض وعلاقتنا حلوه مثل الخوات
رحت جفلتها من ورا
.
حنين. طاحضج ام صماخ جفلتيني
.
ريحان. تغارين من خديداتي
.
حنين. هههههه فديتهن يلا حضري كوابه الجاي كملت اني حتى نوديهن للصاله
.
ريحان. اكلج حنين منجيب ميز الاكل نخلي بالمطبخ
يعني نظل ننكل الغراض نودي ونجيب
.
حنين. عجوزيه. يلا خلي نشوفج يم عيالج اذا مترمضين ركض لا ريري موخوش يمعوده يبسطون بالمطبخ يمنه وسوي هيج لسوين هيج ويدققون يبوووو
.
ريحانه. اي مثلج من جنتي يم اهلج جايفه هدومج امج تغسلهن الله جابج يمنه كرب كرب
.
حنين. لاوالله وين دتساعدوني ووياي اهم شي تحترموني وتحبوني مستعده اشتغل اكثر الشغل ميموت النفسيه تموت
متشوفين اختي فلانه شلون عايشه مشاكل وهوسه شفايدهه
.
ريحان. اي والله الله حضانه بيج الله يديمنه يارب نحبج وتحبينه يبو فدوه للحلك هذا شو بوسه
.
حنين. ايع طاحضج شو صايره ادبسز
.
ريحان. طاحضج دنشاقه يمعوده
.
كملت شغلهن هنه ويسولفن ودنه وكعدو ياكلون
.
ابو ريحان. ها بابا ريحانتي مرتاحه
.
ريحان. اكيد بابا مدام بينكم وكلكم يمي مرتاحه الحمدلله
.
ابوريحانه. بابا ريحانه ترا عمج هم فتح موضوعج انتي وسعد ابنه
.
ريحان. استغفرالله شلون لوما اسمه سعد الله لياخذه
.
ابوريحان. لتبلشين احجي بهدوء ليش تتوترين منه
.
ريحان. بابا زوجي لبنملاديشي زوجني لاي واحد تريده ولتسالني بس هذا مااجرعه وبصراحه كل متفتح الموضوع تلعب نفسي واذا تحبني سد الموضوع
.
ابو ريحان. والله بابا كلمره اكله البنيه ويسكت ويرجع يفتحه واني انحرج منه اخويه بعد
.
ريحان. بابا تذكر شيصير بيه كل مره اكره حياتي اله تطمني سديته يلا ارتاح الله عليك لتعذبني
.
ابو ريحان. هو خوش ولد وحباب ليش هيج قافله
.
ريحان. بابا الله عليك
.
ابوريحان. خلاص اني كتله نفكر اسبوع ونرد خبر فكري زين
.
ريحان. يبووووو اسبوع اظل متوتره وكارهه روحي بابا دسدهه
.
ابوريحان. بابا هالمره تختلف الوضع برا تعرفي والناس تحجي اشكال اللوان وانخطفت وحجي رايح جاي هم احنه نرتاح نسد حلوكهم وهم انتي خوش قسمه يجوز متتهيألج بعدين
.
ريحان سكتت جرحها حجي ابوهه وجانت متوقعه يجي يوم وتسمعه من غريب مومن ابوهه سكتت اشرت براسهه اي مكدرت حتى ترد وتناقش خنكتها العبره

شايفين من توكف ابلاعيمكم وتخنكم هي هيج صارت بس احد يحجي تبجي حبست دمعتهه ودنكت دياملون هي شويه وسحبت روحهه حسو عليهه محجو

الولد عاتبو ابوهم من حجيه كللهم لااحسن حتى توافق هو شبي خوش ولد
الولد اخذو نصبه راسه مثلث ومدري ايش ووو
ابوهم مقبل وراهه ضحك شويه وسكت
هي تسمعهم يصنفون علي وراضين بس حتى كلام الناس وهم فكرت بابوهه ومحجه هيج اله سامع اشكال اللوان

ظلت تبجي لحد ماجتها حنين
.
حنين. هاي كل عقلج لو تسوين هيج حتى متساعديني بالبيت والغده
.
ريحان. الله لوهذا همي بهالبساطه ولاهالصراع الي بداخلي
.
حنين. ريحانه انتي ادرى بمصلحتج دانشي نفسج انتي هو رافضته لو بسبب اسد
.
ريحان. شدخل اسد انتي مو تدرين من وعيت واحنه نفس القصه ماملو ماشبعو
.
حنين. هالمره عمو جدي واضاهر مضوجه حجي الناس لحالهم عايشين ع حجي العالم منو ظل هم اكلوهه قبل وهسه ظناهم اهلنه هم عقولهم مدري شبيهه
.
ريحان. بابا حجيه قهرني وحسيته هالمره رايد يخلص صدك
.
حنين. ريحان انجبي لتفكرين هيج ولتفوتين بدوامه واوهام ارفضي وانجبي
.
ريحان. مدري يمكني اوافق واخلص
.
حنين. شتخلصين هو عمر مو دستي الدكمه ورحتي قرارج حتعيشين عمر متندمه علي بس ترا شبي سعد هم حباب وخوش ولد ورايدج كل هالسنين ترفضي وقافل منو يسويهه اكبر عاشك يمل واهله انرفضو الف مره ويجوج هم منو يرضاهه ع روحه ف قرري انتي شرايده مو اهلج والعالم شرايدين
.
ريحان. عوفيني حنين اريد ابقه بوحدي
.
حنين. ريحانه بس اذكرج انتي كلتي ماريد اعيش وهم ويه اسد واعرف نهايتي وشفتي ابوج حجي العالم شلون مسيطر علي يعني اكطعي روحج ينطيج لغير طائفه
ف اللغي موضوع اسد وفكري بواقعيه وعالضروف التحكمج مو ع قلبج
اعرفففف صعبه وصعبه هواي بس هاي حياتنا شنسوي لازم نتأقلم ونرضى بيهه موحبيبي
.
باستها وطلع وسدت الباب ريحان ابتسمت الها بكسره وردت دنكت والدموع تنزل ع جربايتها وظلت تفكر كل متفكر اسد يدخل افكارهه ويقطع سلسله افكارهه تلكى روحهه بلا وعي مذكره موقف ودتضحك بوسط الدموع مالتها وتصحى وترجع لواقعها
و....