العشير

الجزء الواحد والعشرون

مر اليوم اسد العرف دبرله غرفه حجزهه وبات بيهه طبعا بفلوسه
اجه الصبح ابو عباس حتى يتطمن ع ريحان وحجاله عباس وانه حلف مابينهم شي بس الولد رادهه وفهمه بدون تعصب الله خلق هالشي بينه
والولد ماجذب و لف و دار اجانه بالصراحه و هو مبين علي خوش رجال و ابن اوادم واهله معروفين وناس الها ثقلها و ضحى بنفسه حتى ينقذهه و من هالحجي

ابوعباس اقتنع بس كله خلي اخيتك تصحى وذاك الوكت ميت عمامه تميل
......
مر يومين وت تصحى ريحان قللو جرعات المهدئات شويه شويه و كل ميقللون يجيكون وضعهه تتحمل لو لا وفعلا وضعهه استقر لحد ما بلشت تصحى خفيف
مر اليوم و من الصبح ريحان تصحى وتنام لحد ما نقلوهه بغرفه عاديه بس بيهه اجهزه بسيطه وهيج وكالو بس اثنين اثنين يزوروهه
و ميطولون و تبتعد عن اي ضغط والعالم توصي بعباس ميسوي مقلب لو يشاقه شقاه المعتاد ويسكت هههههه طبعا ثاني يوم كلهه التمت عمام وخوال وكرايب حتى يتحمدون بالسلامه بعد ما عرفو انو راح الخطر والي جايب جكليت و الي جايب ورد وووو انترست غرفتهه ورد وشوكولا
اسد طول هالفتره من بعيد يراقب ويدز الممرض الي يعرفو و

اجه عمهه ابوسعد بس سعد ماكو هههه و اخيرا كرامته صحت او احتمال حيرجع بسالفه اطكع مندري للان

كعدت ريحان ولكت امة محمد يمهه اول شي فاتو النسوان كلهه تتحمد بالسلامه وراهه االزلم بس هي طول هالفتره تغمض وتفتح وترد بابتسامه بصعوبه تبتسمها لو( الــ حـَـ مــَ لاه)
وهم وراهه لزملهياه عباس كل متحجي يكللها الحم لاه
ميتوب ههههه

مع العلم هو جبير ترا اكبرهم بس سينما وشقاوجي
ظلو ع هاي الحال يستقبلون ويودعون ومعارفهم هواي

اخر شي الدكتور منع اي زياره لحد متصحى زين وكللهم تورطنا وقبلنه المستشفى انكلبت قاعه اعراس ههههه

تعبو وصار المغرب وكلهم عباس رجعو نبقه اني واحمد خاف حنين خطيه تعبت حنين مقبلت كال
.
عباس. لعد ابقه احمد اودي ابويه وحنين امشي غسلي وبدلي ونجيب هدوم جديده ونجي
.
حنين. ماشي يلا
.
راحو للبيت وبقه احمد يمهه هي اصلا نايمه وقبل ليروحون كال لاحمد
.
عباس. ترا اسد يحوص من بعيد ممنوع يفوت عليها ديربالك وين عايشين
.
احمد. عيب عليك شبيه خبل شاد كرون اشايفني
.
عباس. عفيه يلا رايحين
.
المهم وصلو للبيت
.
عباس. حنين تعاي طلعي الهدوم حضري الجنطه وراهه روحي سبحي
.
حنين. لاخلي اسبح اصحصح يلا ماطول
.
عباس غمزلها ولحكته
.
حنين. عباس ترا مو وكتهه
.
عباس. دتعاي منطول بس اخذ مرادي واروح
.
حنين. هههههههه خرب يومك
.
عباس. يلا يمعوده موزين مني صابر مااخذلي بوسه لاحضن لاشمه لا.......
.
شكووو عيب يلا منا معلينه بيهم
.
المهم كملو تعزيييل ملااابس هههههه
وسبحو وراحت حضرت ملابس الي مجانت تحضر بيهن هههههه وفرشت لعمها وكلتله
.
حنين. عمو خما زعلان مني عايفتك
.
ابوعباس. لايابه اصلا وكفتج ويه اخيتج ماانساهه
.
حنين. لاعمو شنو القصه شعندي غيرهه اخذ من عمري وانطيهه بس احسني مقصره وياكم ويا البيت
.
ابوعباس. لايابه هو اصلا مو واجب عليج من طيب اصلج قايمه بينه بس اشتاكيت للجهال كولي لاهلج باجر يجيبوهم يمي استاحش وحدي متعود ع هوستهم
.
حنين. لاعمو حكول لاخويه يجي ياخذك تروح عالونس يم ابويه وهم تغير جو وتشوف الجهال وهم هناك اوصي امي وخواتي اكلك لبسك خاف هنا خطيه بوحدك
.
ابوعباس. لالالا لايابه عيب فشله مترهم انتي روحي ترا الولد يطبخون ويغسلون هدوم ويمسحون شعدنه بس خلي تطيب ريحانه والباقي سهل
.
حنين راحت باسته من راسه. يلا مع السلامه عمو وها فرشتلك ويم راسك سجادتك وهدومك علمود روحتك للجامع الفجر
.
ابوعباس. مشكوره بنيتي الله يرضى عليج
مدري شلون اجازيج
.
حنين. والله عمو معاملتكم اليه هي سوتني هيج يعني لواحقر بنيه بالعالم وتشوف حنيتكم واحترامكم وتقديركم الها هم تصير احسن مني بعد
.
ابوعباس. اا....
.
عباس قاطعهم. يابه دكافي مدح ومغازل ماظل وكت خلي نروح
.
ابوعباس. يلا توكلو محروسين
.
طلعو وبالسياره
.
عباس. شبيج شكلتي كمتي تمدحين ويمدح
.
حنين. وحضرتك عليج غيران
.
عباس. وفري غزلج بس اليه
.
حنين. ترا الزلم توصي نسوانها اهلي قبلي وابوي ديري بالج علي وانت العكس ترا انجلب اصير تستس
.
عباس. غير ذوله الماخذين نص ردن غير اني عندي التسواهن هنه والخلفوهن
.
حنين. اي اصبغ
.
عباس. شصبغ حنونه اني معروفج وياي ويه اهلي واختي ماانساه لواعيش عمرين اجازيج مااوفي حقج صحيح اني اقصر وياج ومرات عصبي اوهيج بس والله هي الحياة صايره صعبه وانتي تتحملين ف ادوس ابطنج واني مطمن
ههههه
.
حنين. خرب يومك متكدر تكملها للاخر بجديه اله تكلبهه تحشيش
.
عباس. يمعوده الدنيا خلصانه ترا عليش الواحد مكبرهه ع ضهره
.
حنين. دسوق واخذلي وياك ايس كريم
.
عباس. اكلج خلي انجرب الايسيد كوفي والله كلهه متخبله عليها
.
حنين. عييع سوالف المراهقين بابا الكهوه الها هيبتها لتخربوهه جربتها يم اهلي سووهه ولعبت روحي
.
عباس. اي اني هم كلت بس كلت اجرب بلكي بيج امل تتفيكين مثل الالفينات بس فقدت الامل من العيييييع عبالك تاير بنجر
.
حنين. ههههه شسوي جيلنا ماظل منه التسعينات العظماء
.
عباس. قصدج الثمااانينات
.
حنين. عبوسي جيلك انقرض ترا بس انت وكم واحد
.
عباس. ايبااااااه... زين اكلج ليش ماسويتي ترند وانه ابتليت بشايب
.
حنين. انتو منطيني فكه اشوف دربي اشوف ترندات اصخم وجهي مدالحك اغسله
.
عباس. والله صحيح البيت كله فوك راسج نشد باحمد يفضهه يعرس صارله قرن خاطب
.
حنيين. الله كريم يلا لتغلس عالموطه تلهي بيه بالسوالف
.
عباس. يمه كشفتني ههههههه
.
حنين. يلا يلا اعرف سوالفك
.
عباس. لككككك مو تدلل ياااا قمررررر انت
.
اشترو الموطه واكلوهه بالطريق وراحو بدلو احمد وظل عباس يتلفت يريد يشوف اسد ماكو وسال احمد كله ماشفته
.
اسد حسها عيب يبقه ووجوده مو حلو كوه قاوم روحه و راح بس عيب من اخوتهه ومراد يلح ويخرب كلشي ف عاف المستشفى وراح وبلغهم يطمنو اول باول
.
مر يومين ووضعها تحس وجانت مغرمه بالورود والكاكاو ااي اجاهه وكلساع تحلف بيهم يضموهن من تطيب تاكلهن وعباس يدابل بيهه وهي تحلف بي بس ميزيد حتى لاتتوتر وتنقهر

اسد ماراح للمستشفى بس جان يخابر الممرض ويطمنه ومرتاح لانها بخير وزينهحاول كم مره يفوتلها بس من تحولت غرفه عاديه صارو يمهه ويباتون وهيج ف بغرفه وحده وصعبه علي

مر اسبوع ورجعت للبيت وابوهه ذبح وسوا عزيمه وهي تحسنت ووضعها تمام خاصه بعد مشافت عمهه وزين وياهه وسعد مااجه ولاامه خلصت منهم

وابوهه طمنهه رفضهم وتراضو بس موحيل بس ويه الوقت ينسى بس مجاب طاري اسد ابد وهي بحيره ظلت

تحسنت ورجعو طبيعي وتقريبا خلصو خطارهم
.
وصارت تنام ويه الولد بالهول خاف بليل يصير شي
.
ومره الصبح ديتريكون  ودك اسد ع عباس
.
عباس. هلا حبيبي شلونك... وين الغيبه.... هاخطيه... لاوالله مناسينك بس تعرف الاوضاع شلونها... خي خي خييير ان شاءالله... العصر ان شاءالله اتصل وارجعلك خبر حبيبي حبيبي هلا هلابيك الله وياك
.
ابوعباس. خير منو هذا