العشير

الحزء السابع عشر

ريحان حيل خافت وحست الوضع مخيف ومابي رجعه بنفس الوقت ارتاحت وفرحت بموقف اسد شكد حلو ماتخلى عنها
هي من الاساس كلتلهم عوفوني يومين ف كالت اليوم ابقه ابجي واللطم وباجر احجي ويا حنين

بس مااحجيلها ماريد اي خطأ خاف هالمره عباس يجبرهه اوشي وتحجيله ف تحجيله انو ضميت عليكم شي وتحجي الكاله اسد وتكلهه كليلهم بس ماكدر اكلكم شصار وياي وهيج مثل مااتفقو حتى ميصير شي ويتورطون

انتظرت لباجر حتى اسد موجود ويكدر يتصرف باي وقت
مر كلشي مثل ماخططو مر اول يوم بخير بجي ولطام وصخام وهي كل متصلي تقرا قران وتدعي وتبجي وتنام بسجادتها كانو محد يحتضنها بس رب العالمين

تدعي وتبجي لما تتعب وتخلص طاقتها وتحضن روحهه تنام عالسجاده مال صلاة والليل كله منامت تدعي وتبجي
.....
نرجع لبيت اسد من بداية اليوم.
.
اسد راح لابوه واخوه الجبير
.
اسد. يابه اريدك بموضوع صعب ويجوز ترفضه بس اني قافللل وماااتقبل اي نقاش ورفض يعني دوس ع راس بالنعال وحقك وكلشي من ايدك اليمنه لايدك اليسره بس هالموضوع قفل مابي نقاش ولاتقديم ولاتاخير
.
ابوعلي الي هو ابوهم. خيرك يابه انه واثق بقراراتك واعرفك عاجل وفاهم ووياك ان شاءالله
.
علي. خيرك خويه شصاير
.
اسد. ح احجي وياريت تسمعوني من البدايه للنهايه ولتقاطعوني
وراهه احجو الي تردو

تذكرون البنيه الي جانت ويايه الي من الانبار بنيه ونعم التربيه وانه حيل ردتها بالحلال وهي شكد صار وشكد وحدنه اشرف من الشرف يعني كل بنيه تلين حتى لو سالفه شقه ضحكه وتلكى ريج ناعم تلين واحبك وتحبني

بس شنو هي مختلفه محافضه ع روحها وبصراحه ردتها اني بس ماجل الموضوع لان ماعرف تريدني لولا هي مابينت ابد لاحجي ولاتصرف ولالمحت ماتعرف حك ولاباطل( زود بالمدح شويه كدام اهله هم حتى يقتنعون بيها)
لليوم راسلتني البنيه ومدمره صاير حجي وابوهه غاصبهه
.
وحجالهم كل السالفه وخطته والبنيه معتمده ومابيها مجال نغير حتمشي عليها اذا مجنت كد كلمتي البنيه تطير ركبتها
وياي وياي مو وياي انه بوحدي اتصرف
.
ابوهم. والله يابه مجتفين منكدر اله وياك البنيه بعد انطيتهه كلمه وحتثق بيك وميصير تغدر بيهه هاهيه وياك تخضرو ونطلع
.
علي. هاهيه حبيبي توكلنا ع الله والله مايخيب عبده

ضربه ع جتفه وكله لتضوج ولتقلق تهون وسهله باذن الله
من هسه ابلغ ايو فلان تذكره يدز من حرس بيته يراقب الوضع تندل بيتهم انته
.
اسد. اي اندله دزتلياه موقع عالخريطه
.
علي. هاهيه كوم ورانه درب بس شتكول لامك
.
اسد. لتحجولهم لما تكمل وموبهالطريقه حنخطبله لان ابوهه يريد يزوجها وراح خطبها قبلهم وهيج بس بدون الحجي الي حنسوي
.
راحو بدلو وكالو للنسوان ماكو شي لحت ام اسد
.
اسد. يمه رايحين نخطب ريحان
.
ام علي. هايمه وماتكلي ليش
.
اسد. لايمه بس البنيه اهلهه يردون يجبروهه تزوج علمود حجي العالم والولد ماتريده وموزين وانه عرفت وماريدهه تضيع من ايدي
وكلت اتاكد يلا اكلج حتى لتنقهرين
.
ام علي. لايمه روح بفالك وانه ادعيلك والله انه البنيه حبيتهه وارتاحيتلهه مبينه بنت اجاويد الله يريح كلبك ويجعلها من نصيبك
.
باسهه وباس راسهه وايده
.
اسد. يمه دعواتج والله يسهل
.
طلعو ورشت مي وراهم
.
ام علي. درب السلامه يمه
.
راحو ورجعت كايدتها جنتهم مرت علي هي جبيرة عمر وموحيل تتعب
.
ام علي. يمه كعدينه هنا بالحديقه بالفي ذاك
.
هبه مرت علي. من عيوني عمه تدللي يلا ذبي ثكلج عليه
.
ام علي. والله يا يمه احسن هالبنيه طيبه وتناسب اخيج اسد ولااخيرها عليج انتي هم احبج وحبابه وشايلتني بعيونج بلكتن وتطلع مثلج بنت اصل ولو انه شويه لان مومن ديرتنه وطبايعنه وطايفتنه بس عادي كلنه اسلام ونعبد الواحد الاحد زين وكدر يقنع ابو عليوي
.
هبه. عمه والله هي قسمه ونصيب والبي خير الله يكتبلنياه
.
راحو وطريقهم طويل وحجو ويه الي يراقب بيتهم وكللهم هذا اعرفه ومدح بي وباهله الشي الي طمن ابو اسد انو خوش نسب هم وفهمه يراقبهم واي واحد يطلع يبلغنا وهيج وهم خابرو انو دكاتره نسائيه الي بمنطقتهم قليلات الي يعتمدون عليهن الناس ف سهل الامر وبعدين نعرف انو الدكتوره الي راحو عليها تصير اقارب هذا الزلمه الي دز حراسته يراقبوهه هو واصل ويعرف الناس وهيج وهاي الدكتوره تعرف شغلها ويدرون بيهه متفضحهم وتطلع سر المريض ف يرحولها
المهم
وصل اسد واهله وخابر اخو ريحان عباس
.
عباس. الو هلا اسد شلونك
.
اسد. هلابيك خيي شخبارك انت امورك
.
عباس. والله بخير اسال عنك شلون وضعك وجرحك
.
اسد. والله بخير
.
عباس. دومك يارب
.
اسد. والله عبوسي اني والوالد واخويه علي الجبير اذا تذكره جايين للانبار وكلنه نمر نسلم عليكم
.
عباس. الله حيو اذا متشيلك الكاع اشيلكم بعيوني
وين انتو
.
اسد. دندور فندق شي (هو جذاب يعرف اهل الانبار ميخلون احد بفندق وهم منطقتهم مبيهه فنادق اصلا بس يريد حتى يكله تعال يمنه وهيج بلكي وتبقى ريحان جوا عينه)
.
طبعا هذا كله ريحان محجت لاهلها خايفه
.
عباس. عيب عليك والله متطلعون من يمنه تكملون شغلكم وترجعون لبيتكم هذا وين انتو تلكاكم
.
دلاه اسد ع مكانهم وكله
.
عباس. خوش تقريبا وصلتو اني جايكم ونتخابر حردلك رقمي احسن من الفيس ودكلي حتى احفظ رقمك
.
عباس خابرهم كللهم حيجون خطار بس مكال منو عزلن البيت والديوان وبلغو ابويه ليطلع والولد وكولو لريحان تشتغل وياج تنظيف وغدا تلتهي هم عن البجي وخبالها
.
رد الرقم وصدك ظلو يمشون ويخابرون اخر شي وصلهم عباس وسلمو عليه ولح عليهم يجون يمهم ووافقو بس ميبقون يمهم اذكرو صديقهم حيبقون يمه هم لح عليهم وهيج وقبل بس شرط عليهم وجبه يبقون ويضيفوهم وطول الطريق يهلي ويرحب بيهم وابو اسد يتشكر منهم ويمدح بيهم زمن هالحجي
.
وصلو للبيت
.
ابو عباس. هلا ومراحب ياهلا ياهلا
.
وتباوسو
.
ابوعلي. هلابيك عزيز وغالي
.
علي. هلابيك خالي ع راسي تسلم
.
اسد. تسلم خالي مشكورين والله سوينه زحمه عليكم
.
ابوعباس. لاوليدي هلابالضيف ونخلي بنص عيونه والبيت بيتكم واحنه خطاركم
.
ابوعلي. مشكور من طيب اصلك هذا
.
عباس. تفضلو تفضلو
.
اسد جتي عينه ع باب المطبخ مبين اكو خيالات ورا الباب من الجامه هههه
عرف ريحانته دتباوع تريد تشوفه هو ابتسم وفات حتى تعرف شافهه وهو مشاف بس خيال وهنه يعرفن مينشافن مشجر الجام بس مرات خيال يبين
.
فاتو جوا ويرحبون وهلا والله بالخير
.
ابوعباس. جيتكم للانبار شغليه لو تزورون اقارب
.
ابوعلي. لاوالله شغيله يم شخص كريم ومايرد خطاره
.
ابوعباس. مكضيه ان شاءالله واي شي تحتاجو انه حاضر اعرف الناس هنا ويعرفونه
.
ابوعلي. وشغلتنا يمك يالغالي
.
ابوعباس. بيك خير وتدلل مايردك اله لسانك خير ان شاءالله
.
ابوعلي. تريد هسه تريد ورا الغدا خاف تطردنه هههههه
.
راد يلطف الجو
.
ابوعباس. عبيس جيب مي شي يبردون ع كلبهم جايين من طريق طويل
لايابه شهالسالفه عليها حك ههههههه الي اكدر علي تدلل بي وصار وان ماصار ماتطلعون اله تتغدون بعد؟ ههههه
.
ابوعلي. انه رايدك بجلمه راس والولد هم وابنك الجبير يطلعون شويه بغير مكان بالطرمه شنريد منهم تاكلهم الشمس هههههه